'பெண் போன்று நடித்து இன்ஸ்டாவில் உடற்பயிற்சி ஆலோசனை' பலே கில்லாடி இளைஞர் கைது

இதை நம்பி பலரும் தங்களது புகைப்படங்களை அவருக்கு அனுப்பி வைத்தனர். அதன் பின்னர் அவர்,பெண்களுக்கு சில உடற்பயிற்சி டிப்ஸ்களை பரிந்துரை செய்துள்ளார்.

இந்நிலையில் திடீரென அவர், மற்றொரு இன்ஸ்டாகிராம் ஐடி மூலமாக அந்த பெண்களை தொடர்பு கொண்டு பேசியுள்ளார். அப்போது அவர், ஆடைகள் இல்லாமல் வீடியோ காலில் தன்னுடன் பேச வேண்டும். இல்லையென்றால் அவர்களின் புகைப்படங்களை மார்பிங் செய்து இணையதளத்தில் வெளியிட்டு விடுவேன் என்று மிரட்டியதாக கூறப்படுகிறது.

இதனால் அதிர்ச்சியடைந்த பெண்கள் சிலர் புதுச்சேரி சைபர் கிரைம் காவல் நிலையத்தில் புகார் அளித்தனர். புகாரின் பேரில் காவல் ஆய்வாளர் கீர்த்தி வழக்கு பதிவு செய்து விசாரணை மேற்கொண்டார். விசாரணையில் போலீஸாருக்கு அதிர்ச்சியான தகவல் கிடைத்தது. ஆன்லைன் மூலம் பெண்களுக்கு உடற்பயிற்சி அளிப்பதாக கூறியவர் பெண் உடற்பயிற்சி மாஸ்டர் இல்லை என்பதும், அவர் முத்தியால்பேட்டையைச் சேர்ந்த தனியார் நிறுவன ஊழியர் திவாகர் (22) என்பதும் தெரியவந்தது. இதையடுத்து திவாகரை போலீஸார் கைது செய்தனர். மேலும், வேறு ஏதாவது பெண்களை ஏமாற்றி மோசடியில் ஈடுபட்டுள்ளாரா என்பது குறித்தும் திவாகரிடம் போலீசார் விசாரணை நடத்தி வருகின்றனர்.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வெப் ஸ்டோரி, வேலைவாய்ப்பு தகவல்கள், சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.