Amartya Sen: ‘15 நாளில் காலி செய்யுங்க..’ நோபல் பெற்ற அமர்த்தியா சென்னுக்கு விஸ்வ பாரதி பல்கலை நோட்டீஸ்!
Visva Bharati Univeristy: சென் ஆக்கிரமித்துள்ள 13 தசம நிலம் உட்பட கடந்த ஆண்டுகளில் ஆக்கிரமிப்பு செய்யப்பட்ட இந்த நிலங்கள் அனைத்திற்கும் விஸ்வ பாரதி தான் சரியான உரிமையாளர் என்றும் பல்கலைக்கழகம் கூறியுள்ளது
நோபல் பரிசு பெற்ற அமர்த்தியா சென், அங்கீகரிக்கப்படாத வகையில் ஆக்கிரமித்துள்ளதாகக் கூறப்படும் 13 தசம நிலத்தை மே 6ஆம் தேதிக்குள் அல்லது ஏப்ரல் 19ஆம் தேதி கடைசியாக வெளியிட்ட 15 நாட்களுக்குள் காலி செய்யுமாறு விஸ்வ பாரதி பல்கலைக்கழகம் உத்தரவிட்டுள்ளது.
இந்திய அரசின் ஆலோசனைகள் மற்றும் சிஏஜி அறிக்கைகளின்படி, நூற்றாண்டு பழமையான மத்திய நிறுவனம் ஆக்கிரமிப்புகளைக் கட்டுப்படுத்துவதும், அமைச்சகத்திடம் அறிக்கை சமர்பிப்பதும் அவசரத் தேவையாக உள்ளது என அந்த நோட்டீசில் கூறப்பட்டுள்ளது. தேவைப்பட்டால், தேவையான சக்தியைப் பயன்படுத்தப்படும் என்றும் உத்தரவில் கூறப்பட்டுள்ளது.
"திட்டமிட்ட வளாகத்தின் வடமேற்கு மூலையில் 50 அடி x 111 அடி அளவு கொண்ட 13 தசம நிலம் அவரிடமிருந்து மீட்கப்பட வேண்டும் என்று முடிவு செய்யப்பட்டுள்ளது" என்று நோட்டீஸில் உள்ள தகவலின் படி தெரியவருகிறது.