200க்கும் மேற்பட்ட குரங்கு இனங்கள்! வேடிக்கையாக உருவான சர்வதேச குரங்குகள் நாள்.. அறிந்ததும், அறியாததும்

மனித இனத்தின் பிறப்பிடமாக கருத்தப்படும் விலங்காக இருந்து வரும் குரங்குகள் பற்றி விழிப்புணர்வை ஏற்படுத்தும் விதமாகவும், அவற்றின் அறிய வகை இனங்களை பாதுகாப்பதன் பொருட்டும் ஆண்டுதோறும் டிசம்பர் 14ஆம் தேதி சர்வதேச குரங்கு தினம் கொண்டாடப்படுகிறது.

குரங்கு தினமானது, இந்த விலங்குகள் எதிர்கொள்ளும் தற்போதைய அச்சுறுத்தல்கள் பற்றிய விழிப்புணர்வை ஏற்படுத்துவதை நோக்கமாகக் கொண்டுள்ளது. ஸ்மித்சோனியன் நிறுவனம், நேஷனல் ஜியோகிராஃபிக் மற்றும் கிரீன்பீஸ் போன்ற பல நிறுவனங்களும் குரங்கு தினத்தை ஊக்குவிக்கின்றன.

குரங்குகள் இரண்டு கால்களால் மட்டுமல்லாமல், கைகளின் உதவியாலும் நான்கு கால் பிரானி போல் நடக்க முடியும். பெரும்பாலான குரங்குகளுக்கு வால் உள்ளது, ஆனால் எல்லாவற்றுக்கும் இல்லை. குரங்குகள் பழைய உலக குரங்குகள் மற்றும் புதிய உலக குரங்குகள் என இரண்டு வகைகளாக பிரிக்கப்பட்டுள்ளது.

குரங்குகள் தினம் வரலாறு

பிரபல ஓவியர்களான கேசி சோரோ மற்றும் எரிக் மில்லிகின் ஆகியோரால் குரங்குகள் தினம் 2000ஆவது உருவாக்கப்பட்டதாக கருதப்படுகிறது. அவர்கள் இருவரும் அமெரிக்காவின் மிச்சிகன் மாநில பல்கலைக்கழகத்தில் கலை மாணவர்களாக இருந்தபோது பொழுதுபோக்குக்காக நண்பர் ஒருவரின் காலண்டரில் குரங்கு தினத்தை எழுதி, மற்ற மாணவர்களுடன் விடுமுறையைக் கொண்டாடினார். அந்த நாளில் குரங்கு கலைப்படைப்புகளை உருவாக்கி, குரங்கு உடைகளை அணிந்து, குரங்கு நடத்தையை வெளிப்படுத்தி என அந்த நாள் கொண்டாடப்பட்டது.

சோரோ மற்றும் மில்லிகின் அவர்களின் கலைப்படைப்பு மற்றும் மாற்று காமிக்ஸில் குரங்கு தினத்தை உள்ளடக்கியதால் இந்த விடுமுறை ஒவ்வொரு ஆண்டும் பிரபலமடைந்தது. அப்போதிருந்து, அமெரிக்கா, கனடா, இத்தாலி, இந்தியா, பாகிஸ்தான், எஸ்டோனியா, யுனைடெட் கிங்டம், கொலம்பியா, தாய்லாந்து மற்றும் துருக்கி போன்ற நாடுகளில் குரங்கு தினம் பரவலாகக் கொண்டாடப்படுகிறது.

குரங்குகள் தினம் முக்கியத்துவம்

குரங்கு தினம் ஆரம்பத்தில் ஒரு நகைச்சுவையான நிகழ்வாக தொடங்கப்பட்டது. அதன் பின்னர் இந்த நாள் மெல்ல மெல்ல குரங்குகள் பற்றிய விழிப்புணர்வை ஊக்குவிக்கும் நாளாக வளர்ந்துள்ளது. பல வகையான குரங்குகள், அவற்றின் நடத்தை, வாழ்விடங்களை பற்றி அறிய இந்த நாள் சிறந்தொரு வாய்ப்பை வழங்குகிறது.

பல குரங்கு இனங்கள் வாழ்விட அழிவு, வேட்டையாடுதல் மற்றும் சட்டவிரோத வனவிலங்கு வர்த்தகம் ஆகியவற்றால் அச்சுறுத்தல்களை எதிர்கொள்கின்றன, மேலும் இந்த நாள் குரங்குகள் பாதுகாப்பு முயற்சிகளின் முக்கியத்துவத்தை அறிய உதவுகிறது.

சர்வதேச குரங்குகள் தினம் 2024 கருபொருள்

2024 ஆம் ஆண்டு சர்வதேச குரங்கு தினத்தின் கருப்பொருள் "அழிவுக்கு எதிரான பந்தயத்தை வெல்வது" என்பதாகும். இந்த தீம் குரங்குகள் மற்றும் பிற விலங்குகளின் வாழ்விடங்களைப் பாதுகாப்பதற்கும், மனித-வனவிலங்கு மோதலைக் குறைப்பதற்குமான முயற்சிகளில் கவனம் செலுத்துகிறது.

குரங்குகள் தினம் கொண்டாடுவது எப்படி?

• குரங்குகளை கருப்பொருளாக கலையை உருவாக்குதல். இது ஓவியமாகவும், வேறு கலை வடிவமாகவோ கூட இருக்கலாம்
• குரங்கு வடிவத்தில் உணவுகள் தயார் செய்து சாப்பிடலாம். குரங்குகள் என்றாலே முதலில் நினைவுக்கு வருவது வாழைப்பழம் தான். எனவே வாழைப்பழத்தை ஏதாவது உணவு சாப்பிட தயார் செய்யலாம். அதேபோல் குரங்கு வடிவிலான குக்கீகள், வேறு எதவும் உணவுகள் தயார் செய்யலாம்
• குரங்கு செய்யும் சேட்டகளை வெளிப்படுத்தும் விதமாக குழுவாக குரங்கு வேடமிட்டு அவை போன்ற நடத்தை செயல்களை வெளிப்படுத்தலாம்
• குரங்கு தொடர்பான அறிய வகை புத்தகங்கள் படித்து, விடியோக்கள் பார்த்து இந்த உயிரினம் பற்றி விழிப்புணர்வு ஏற்படுத்தலாம்

குரங்குகள் பற்றிய தனித்துவ விஷயங்கள்

• 200 - குரங்கு இனங்களின் எண்ணிக்கையாக உள்ளது
• 50 - கேட் பா லங்கூர் என்ற குரங்கு இனத்தில் எஞ்சியிருக்கும் குரங்குகளின் எண்ணிக்கை
• 50% - சீர்ப்படுத்தும் அமர்வுக்குப் பிறகு குரங்கின் காப்பு அதிகரிப்பு சதவீதம்
• 200 - ஜிப்ரால்டரில் வசிக்கும் பார்பரி மக்காக்குகள் குரங்குகளின் எண்ணிக்கை
• 50% - கடந்த 24 ஆண்டுகளில் பார்பரி மக்காக்களின் மக்கள்தொகையில் சதவீதம் சரிவு
• 5 அங்குலம் - பிக்மி குரங்கின் நீளம்
• 4 அவுன்ஸ் - முதிர்வயதில் ஒரு பிக்மி குரங்கின் எடை
• 25 பவுண்டுகள் - ஒரு பெண் மாண்ட்ரில்லின் எடை