‘மல்லிகை பூவே மல்லிகை பூவே பார்த்தாயா’ மனஅழுத்தத்தை போக்குவது, உறக்கம் என மணமணக்கும் மல்லி தரும் நன்மைகள் எத்தனை?

மல்லிகை மன்னன் மட்டுமில்லை அனைவருமே மயங்கும் பொன்னான மலர்தான். மல்லிகையை வாங்கி வீட்டில் வைத்தால் உங்களுக்கு அது மணத்தை தரும். இது உங்கள் மனநிலையை மாற்றும். இது நமது பாரம்பரியத்தில் உள்ளது. கடவுளுக்கு படைப்பது மற்றும் பெண்கள் தலையில் சூடிக்கொள்வது என இந்த மலருக்கு அத்தனை பயன்பாடுகள் உள்ளது. மல்லியில் ஒற்றை மல்லி, அடுக்கு மல்லி என எண்ணற்ற வகைகள் உள்ளது. இதில் எண்ணற்ற ஆரோக்கிய நன்மைகளும் உள்ளன. இது உங்கள் உடலில் ரத்த ஓட்டத்தை அதிகரிக்கும், நோய் எதிர்ப்பு மண்டலம் வலுப்பெற உதவும், உடலில் ஹார்மோன்களின் அளவை முறைப்படுத்தும், மனஅழுத்தத்தைக் குறைக்கும், நீரிழிவு நோயை கட்டுக்குள் வைக்கும். மலர்களில் ராணி மல்லிகைதான். இதற்கு அதன் மணம் மட்டுமல்ல மருத்துவ குணமும்தான் காரணம். இதை சூடிக்கொள்ள மட்டுமல்ல சமையலுக்கும் பயன்படுத்திக்கொள்ளலாம். மல்லிகை டீ மற்றும் மற்ற மூலிகை தேநீர்களிலும் பயன்படுத்தப்படுகிறது. மல்லிகை சர்பத்தும் உள்ளது. இதன் அதிகப்படியான மணம் இதை பர்ஃப்யூம்கள், லோசன்கள், ஷாம்பூக்கள் மற்றும் பல சருமம் மற்றும் தலைமுடிக்கு பயன்படுத்தப்படும் பொருட்களில் இடம்பெற காரணமாகும்.