இந்த செய்முறையை ஏன் பின்பற்றுகிறார்கள்? இதனால் நம் உடலுக்கு கிடைக்கும் நன்மை என்ன?

தேவையான பொருட்கள்

கற்றாழைத்தண்டு – சிறிதளவு

(கிழங்கு போன்ற வேர் பகுதி, வழக்கமான சதை அல்லது ஜெல் பகுதி அல்ல)

இந்துப்பு – சிட்டிகை

சீரகத்தூள் – ஒரு ஸ்பூன்

செய்முறை

கற்றாழை வேர்த்தண்டை எடுத்து அலசி சிறு துண்டுகளாக வெட்டி, உரலில் போட்டு நைத்து அதை இரண்டு டம்ளர் தண்ணீரில் சேர்த்து, சீரகத்தூள், உப்பு போட்டு கொதிக்கவிடவேண்டும். இரண்டு டம்ளர் தண்ணீர் முக்கால் டம்ளர் தண்ணீராக வற்றவேண்டும். கொதித்தவுடன் அடுப்பை குறைத்து முக்கால் மணி நேரம் கொதிக்கவிடவேண்டும்.

இதை வடிகட்டி, ஆறவைத்து காலையில் வெறும் வயிற்றில் பருகவேண்டும். இதை குழந்தைகள் முதல் பெரியவர்கள் வரை அனைவரும் பருகலாம். இந்த கற்றாழை செய்முறை கல்லீரலை பாதுகாக்கும் என்றும் பரவலாக நம்பப்படுகிறது. 

கல்லீரல்

நமது உடலில் உள்ள முக்கிய உறுப்புகளில் ஒன்று கல்லீரல். இது உடலுக்கு கிடைக்கும் ரத்தத்தில் உள்ள நச்சுக்களை வெளியேற்றி, ஆரோக்கியமான ரத்த சர்க்கரை அளவை பராமரித்து, ரத்தம் உறைதலை முறைப்படுத்தி, உடலுக்கு தேவையான பல்வேறு முக்கிய பணிகளை செய்கிறது. இது உடலின் வலது புறத்தில் வயிற்றுப்பகுதியில் உள்ளது.

நமது உடலில் கல்லீரல் 500க்கும் மேற்பட்ட வேலைகளை செய்கிறது. ரத்த ஓட்டத்தில் உள்ள நச்சுக்களை அகற்றுகிறது. ரத்த சர்க்கரை அளவை பராமரிக்க உதவுகிறது. ரத்தச்சர்க்கரை அளவை கட்டுப்படுத்துகிறது.

வைட்டமின் மற்றும் மினரல்களை சேமிக்கிறது. வைட்டமின் ஏ, டி, இ, கே, பி12, இரும்பு மற்றும் காப்பர் சத்துக்களை போதிய அளவு சேமித்து வைக்கிறது. ரத்தத்தில் உள்ள அதிகளவு குளுக்கோஸை நீக்குகிறது.

கல்லீரலை ஆரோக்கியமாக பராமரிப்பது எப்படி?

போதை பொருட்களையும் கல்லீரல் கட்டாயம் வடிக்க வேண்டும். அதனால் நீண்ட காலம் போதை பழக்கத்தில் இருந்தால், அது கல்லீரலை சேதப்படுத்தும்.

மதுவையும் கல்லீரல்தான் வடிகட்டவேண்டும். எனவே குறிப்பிட்ட அளவு ஆல்கஹால் எடுத்துக்கொள்வது உடலுக்கு நல்லது. அதிகம் எடுத்துக்கொண்டால் கல்லீரல் சேதமடையும். உடலின் ஒவ்வொரு உறுப்பின் ஆரோக்கியத்துக்கும், வழக்கமான உடற்பயிற்சி கட்டாயம் வேண்டும்.

பொறுப்பு துறப்பு

இங்கு பகிரப்பட்டுள்ள தகவல்கள் அனைத்தும் முற்றிலும் உண்மை என்றும், இதனால் தீர்வு நிச்சயம் என்றும் கூற முடியாது. ஆனாலும், அனுபவங்களின் அடிப்படையில் தேர்ந்தெடுத்து ஆய்ந்தறிந்தே வழங்கப்படுகிறது. இவையனைத்தும் தீர்வு என்று நாங்கள் ஒருபோதும் கூறமாட்டோம்.

எனவே, நாள்பட்ட அல்லது தீவிரமான பிரச்னைகளுக்கு மருத்துவரை அணுகுவதுதான் சிறந்த வழி. எனவே தேவையான பிரச்னைகளுக்கு மருத்துவரை அணுகி பலன்பெறுவதே சிறந்தது. இவையெல்லாம் முதலுதவி போல் உதவக்கூடும். இங்கு கொடுக்கப்படும் மருத்துவக்குறிப்புக்களை பின்பற்றி பயன்பெறுங்கள்.