வகையினம்

தமிழ் செய்திகள் / லைஃப்ஸ்டைல் / ஒரு காதல் உறவில் உங்கள் பார்ட்னர் பாதுகாப்பின்றி உணர்கிறார் என்பதை எப்படி கண்டுபிடிப்பது?

ஒரு காதல் உறவில் உங்கள் பார்ட்னர் பாதுகாப்பின்றி உணர்கிறார் என்பதை எப்படி கண்டுபிடிப்பது?

Priyadarshini R HT Tamil Updated Dec 14, 2024 10:46 AM IST

எங்களை பின் தொடரலாம்

Priyadarshini R HT Tamil

Updated Dec 14, 2024 10:46 AM IST

காதலில் பார்ட்னர் பாதுகாப்பின்றி உணர்கிறார் என்பதை எப்படி கண்டுபிடிப்பது?

ஒரு காதல் உறவில் உங்கள் பார்ட்னர் பாதுகாப்பின்றி உணர்கிறார் என்பதை எப்படி கண்டுபிடிப்பது?

எங்களை பின் தொடரலாம்

உறவில் பாதுகாப்பின்மை உணர்வு ஏற்படுவது எதனால் என்று பாருங்கள். இரண்டு நபர்களின் உணர்வுகள் மற்றும் மகிழ்ச்சி இரண்டையும், எந்த உறவிலும் பாதுகாப்பற்ற உணர்வு இருந்தால், அது போய்விடும். பாதுகாப்பின்மை குறித்த அறிகுறிகளை அறிந்துகொள்வது ஒரு காதல் உறவில் இருக்கும் இரண்டு பார்ட்னர்களுக்குமே ஆரோக்கியமான உறவைப் பராமரிக்க நல்லது. எனவே உங்கள் பார்ட்னரிடம் இந்த அறிகுறிகள் காணப்பட்டால் நீங்கள் அந்த உறவு நிலை குறித்து கவனமுடன் இருக்கவேண்டும்.

விமர்சனத்தை கையாள முடியாது

விமர்சகம் அல்லது கருத்துக்களுக்கு எதிர்ப்பு மனநிலையே பாதுகாப்பற்ற நபர்களிடம் அடிக்கடி தோன்றும். அதை அவர்கள் தனிப்பட்ட தாக்குதலாகக் கருதுவார்கள். இது அவர்களுக்கு பிரச்னைகளை ஏற்படுத்தும். அவர்களால் சிறந்த உரையாடலை நடத்தி பிரச்னைகளுக்கு தீர்வு காண இயலாமல் செய்துவிடும்.

தனிப்பட்ட இடம் இருக்காது

உங்கள் பார்ட்னர் உங்களுக்குத் தேவையான தனிப்பட்ட நேரத்தை கொடுக்காமல், நாள் முழுவதும் உங்களைச் சுற்றியே வந்தால், அவர்களுக்கு அவர்கள் உறவில் பாதுகாப்பின்மை உள்ளது என்று பொருள். அவர்களை கைவிட்டுவிடுவீர்களோ என்ற அச்சத்தில் சிக்கிக்கொள்கிறார்கள்.

அதிகப்படியான மன்னிப்பு கோரல்

அதிகம் மன்னிப்புக் கேட்பது மற்றும் அதிகம் விளக்கம் கொடுப்பது. சிறிய விஷயங்களுக்குக் கூட அதிக விளக்கம் மற்றும் மன்னிப்புக் கேட்பது என எதைச் செய்தாலும் அது அவர்களின் பாதுகாப்பின்மையைக் கூறும். உங்கள் பார்ட்னர் உங்களை தொடர்ந்து சமாதானப்படுத்திக்கொண்டு இருக்க வேண்டும் என்ற எண்ணம் இருந்தால், இது நாட்கள் செல்லச்செல்ல விரக்தி மனநிலையை ஏற்படுத்தும்.

சமூக வாழ்வில் சுதந்திரம் குறைவு

நீங்கள் இல்லாமல் உங்கள் பார்ட்னர் மற்றவர்களுடன் பழகவில்லையென்றால், நீங்கள் இருந்தால்தான் அவர் உங்களுடன் சுமூகமாகப் பழகுவார்கள் என்றால், அவர்களிடம் சுதந்திர உணர்வு குறைவு என்பதை இது காட்டுகிறது. மேலும் அவருக்கு உங்களை இழந்துவிடுவோம் என்ற அச்சம் மற்றும் பாதுகாப்பின்மையைக் காட்டுகிறது.

உறுதி தேவை

உங்கள் பார்ட்னர் தொடர்ந்து உங்களிடம் அன்பு மற்றும் அர்ப்பணிப்பு என இரண்டு குறித்தும் சரிபார்த்துக்கொண்டே இருந்தால், இது அவர்களின் பாதுகாப்பின்மையைக் காட்டுவதாகும். இது அவர்கள் இருவரும் உணர்வு ரீதியாக இணக்கமாக இல்லை என்பதைக் காட்டும்.

நம்பிக்கை பிரச்னைகள்

பாதுகாப்பின்மை உணர்வு இருந்தால் நம்பிக்கை இருக்காது. உங்கள் பார்ட்னர் அடிக்கடி உங்களின் விசுவாசம் குறித்து கேள்வி எழுப்பினால், உங்களை கண்காணிக்க வேண்டும் என்ற உணர்வு இருந்தால், இது அவர்கள் உணர்வு ரீதியாக அவர்கள் பெரும் பிரச்னைகளில் இருக்கிறார்கள் என்பதன் அறிகுறியாகும்.

ஒவ்வொரு அசைவையும் ஒப்பிடுவது

பாதுகாப்பின்மை உணர்வு இருந்தால், மற்றவர்களுடன் உங்களை ஒப்பிடுவது உங்களிடம் பார்ட்னரிடம் தொடர்ந்துகொண்டே இருக்கும். அவர்களின் மதிப்பை அளவிடுவது, இதனால் திருப்தியின்மை மற்றும் போதாமை போன்ற உணர்வுகளுக்கு வழிவகுக்கும்.

பொறாமை

பாதுகாப்பின்மை எப்போதும் பொறாமை என்ற உணர்வைக் கொடுக்கும். உங்கள் பார்ட்னர், மற்றவர்களால் அச்சுறுத்தலை உணர்வார்கள். இது உங்களுக்கு இழக்கும் அச்சத்தைக் கொடுக்கும். இது சந்தேகம், உடைமை போன்ற நடத்தைகளைத் தோற்றுவிக்கும்.

புரிதலின்மை மற்றும் கோவம்

பாதுகாப்பின்மையுடன், முதிர்ச்சியின்மையும் சேர்ந்துதான் வரும். உங்கள் பார்ட்னர் இதனால் கோவத்துடன் உங்களை தாக்குவார். புரிந்துகொள்ள முயல மாட்டார்கள். இது உரையாடல்களை சவாலாக்கும்.

சண்டை

பாதுகாப்பின்மையை உணரும் பார்ட்னர் எப்போதும் சண்டைகள் ஏற்பட்டால், உங்களை மட்டுமே குற்றம் சாட்டுவார். அவர்களை பரிதாபத்துக்கு உரிய நபர்களாக சித்தரித்துக்கொண்டு, அவர்கள் கவனமும், அனுதாபமும் பெற நினைப்பார்கள். இது ஆரோக்கியமற்ற நிலையை ஏற்படுத்தும்.