Benefits of Mudakathan Keerai : மூட்டு வலிக்கு மட்டுமா முடக்கத்தான்? இன்னும் எத்தனை நன்மைகள் பாருங்கள்!

மூட்டுவலிக்கு முடக்கத்தான் தோசை

முடக்கத்தான் கீரை மூட்டு வலிக்கு சிறந்த நிவாரணம் தரும் மூலிகையாகும். அதற்கு நீங்கள் தோசை மாவுடன் இரண்டு கைப்பிடியளவு முடக்கத்தான் கீரை, சீரகம் மற்றும் பச்சை மிளகாய் சேர்த்து அரைத்துக்கொள்ளலாம். ஊட்டச்சத்துக்கள் நிறைந்த இந்த தோசை நீங்கள் தேங்காய் சட்னியுடன் சாப்பிட அது ஆர்த்ரிட்டிஸ் மற்றும் மூட்டு வலிக்கு தீர்வாகும்.

ஆர்த்ரிட்டிஸ் குணப்படுத்த முடக்கத்தான் துவையல்

சாதத்துடன் சேர்த்து சாப்பிட இதில் செய்யும் துவையல் மிகவும் உகந்தது. ஒரு ஸ்பூன் எண்ணெயை அடுப்பில் காய்ச்சி அதில் உளுந்து, வரமிளகாய் சேர்த்து பொன்னிறமாக வறுத்து, கொஞ்சும் முடக்கத்தான் கீரை சேர்த்து வதக்கி, தேங்காய் துருவல் அரை கப், புளி சிறிதளவு மற்றும் உப்பு சேர்த்து அரைத்து எடுத்தால், சூப்பர் சுவையில் துவையல் தயார். இதை சூடான சாதத்தில் நெய்யுடன் சேர்த்து சாப்பிட ஆர்த்ரிட்டிஸ் அடித்து விரட்டப்படும்.

சளி மற்றும் இருமலுக்கு முடக்கத்தான் கீரை சூப்

சுவாசக்கோளாறுகளுக்கு இதமான தீர்வென்றால் அது முடக்கத்தான் கீரை சூப். மிளகு, சீரகம், பூண்டு 2 பல் ஆகியவற்றை தட்டி எடுத்துக்கொள்ளவேண்டும். இதை கடாயில் சேர்த்து வதக்கி, சிறிது நெய் சேர்க்கவேண்டும். பின்னர் இரு கைப்பிடியளவு முடக்கத்தான் கீரையை சேர்க்கவேண்டும். இலைகள் நன்றாக வதங்கியவுடன், தண்ணீர் விட்டு, அடுப்பை குறைத்து நன்றாக வேகவைத்து இறக்கினால், சூடான சூப் தயார். இது குழந்தைகளுக்கு ஏற்படும் சளிக்கு சிறந்த தீர்வு.

வெளிப்புற உபயோகம்

முடக்கத்தான் கீரை எண்ணெய்

நல்லெண்ணெயுடன் சேர்த்து காய்ச்சி வீட்டிலே முடக்கத்தான் கீரை தயாரிக்கலாம். இதை தலையில் அரிப்பு உள்ள இடங்களில் அடிக்கடி தடவினால், அவை சரியாகும் அல்லது இந்த கீரையை வேகவைத்த தண்ணீரை ஊற்றி தலையை அலசினால் தலைமுடி ஆரோக்கியம் மேம்படும்.

மூட்டு வலிக்கு முடக்கத்தான் கீரை

விளக்கெண்ணெயை காய்ச்சி, அதில் முடக்கத்தான் இலைகளை சேர்ககவேண்டும். இதை நன்றாக வதக்கி, வெள்ளை பருத்தி துணியில் கட்டி பாதிக்கப்பட்ட இடத்தில் ஒத்தடம் கொடுக்கவேண்டும்.

முடக்கத்தான் கீரையின் பிற நன்மைகள்

முடக்கத்தான் கீரை வீக்கத்து எதிரான குணங்கள் கொண்டது.

இது மூட்டுவலி, மூட்டுவீக்கம் மற்றும் ருமட்டாய்ட் ஆர்த்ரட்டிஸ் ஆகிய பிரச்னைகளுக்கு தீர்வாகும்.

கால்களில் ஏற்படும் இறுக்கம் மற்றும் வாதநோய் ஆகியவற்றுக்கு இந்திய பாரம்பரிய மருத்துவத்தில் பயன்படுத்தப்படுகிறது.

சளி, நரம்பு கோளாறுகள், இடுப்பு வலி நோய் ஆகியவற்றுக்கு சிறப்பாக சிகிச்சையளிக்கிறது.

ஆர்த்ரிட்டிஸ், மூட்டு வலி மற்றும் கீல்வாத நோயாளிகளுக்கு குறிப்பிட்ட அளவு நிவாரணம் கொடுக்கிறது.

இதன் வீக்கத்துக்கு எதிரான குணங்கள் ருமட்டாய்ட் ஆர்த்ரிட்டிஸ் மற்றும் நரம்பியல் கோளாறுகளுக்கு சிறப்பான சிகிச்சையளிக்கிறது.

காது வலி, சளி மற்றும் இருமலைப் போக்குவதற்கும் முடக்கத்தான் கீரை பயன்படுத்தப்படுகிறது.

இதில் உள்ள சிறப்பான வாயுத்தன்மை, மிதமான மலமிளக்கியாக செயல்படுகிறது.

முடக்கத்தான் கீரை இலை அல்லது பொடியை கொதிக்க வைத்து பருகினால், அது வயிற்றுவலி மற்றும் மலச்சிக்கலுக்கு மருந்தாகிறது.

மாதவிடாய் வலிகளை போக்குவதற்கு பயன்படுத்தப்படுகிறது.

முடக்கத்தான் கீரை உடலில் சோர்வைப் போக்கவும், ஆற்றலை அதிகரிக்கவும் பயன்படுத்தப்படுகிறது.

முடக்கத்தான் கீரை சரும வியாதிகளுக்கு தீர்வாகிறது. தலையில் உள்ள பொடுகைப் போக்குகிறது. தலையின் அரிப்பை குணப்படுத்துகிறது. இதை அரைத்து தலைமுடியின் கால்களில் தடவினால் கூந்தலுக்கு நல்ல பலன்களைக் கொடுக்கிறது.

இந்தக்கீரையை பயன்படுத்தி தோசை மட்டுமல்ல துவையல், ரசம், சூப் என அனைத்தும் செய்யலாம்.