பீட்ரூட் உடலுக்கு நல்லது.. ஆனா பீட்ரூட் கீரை இலைகளை சாப்பிடலாமா.. உடல் எடை அதிகரிப்பால் பிரச்சினைக்கு தீர்வு பிடைக்கு

எடை இழப்புக்கு சாப்பிடலாமா?

உடல் எடையை குறைக்க விரும்புபவர்கள் கண்டிப்பாக பீட்ரூட் இலைகளை உணவில் சேர்த்துக்கொள்ளலாம். இது உடலின் ஆரோக்கியத்திற்கு மிகவும் நல்லது. குறிப்பாக உடல் எடையை குறைக்க பெரிதும் உதவுகிறது. பீட்ரூட் இலைகளில் நார்ச்சத்து அதிகம் மற்றும் கலோரிகள் குறைவாக உள்ளது. இவற்றை உட்கொள்வதால் அவற்றில் உள்ள நார்ச்சத்து காரணமாக பசி குறைகிறது. இந்த இலைகள் அடிக்கடி சாப்பிடும் ஆசையை குறைக்கிறது. வயிறு நிரம்பிய உணர்வை நீண்ட நேரம் வைத்திருக்கும்.

பீட்ரூட் இலைகளில் கரையக்கூடிய மற்றும் கரையாத நார்ச்சத்துக்கள் உள்ளன. இவற்றை சாப்பிடுவதால் செரிமானமும் மேம்படும். இந்த இலைகள் குடல் இயக்கத்தை மேம்படுத்துகின்றன. ஆரோக்கியமான பாக்டீரியாக்கள் வளர உதவுகிறது. இந்த இலைகள் உடல் எடையை குறைக்கவும் உதவும்.

பீட்ரூட் இலைகளை எப்படி எடுத்துக்கொள்வது?

• பீட்ரூட் இலைகளை பல்வேறு வழிகளில் உணவில் சேர்த்துக்கொள்ளலாம். நீங்கள் சாப்பிடும் சாலட்களில் இந்த இலைகளை பச்சையாக சேர்க்கலாம். இது கொஞ்சம் கீரை போல சுவையாக இருக்கும்.
• பீட்ரூட் இலைகளை வதக்கி சாப்பிடலாம். கீரை மற்றும் கோஸ் போன்றவற்றுடன் வதக்கும்போது இது அதிக நன்மை பயக்கும் மற்றும் சுவையாக இருக்கும்.
• பீட்ரூட் இலைகளை வேகவைத்து வடிகட்டியும் சாப்பிடலாம். இப்படி எடுத்துக் கொண்டாலும் சத்துக்கள் உடலுக்கு முழுமையாக கிடைக்கும்.
• பீட்ரூட் இலைகளை வெஜிடபிள் ஸ்மூத்திகளிலும் சேர்க்கலாம். அதை காய்கறிகளுடன் கலந்து எடுத்துக் கொள்ளலாம்.
• பீட்ரூட் இலைகளை வைத்தும் சூப் செய்யலாம். மேலும், இந்த இலைகளை மற்ற கறிகளிலும் பயன்படுத்தலாம்.

பீட்ரூட் இலைகளால் அதிக நன்மைகள்

பீட்ரூட் இலைகளை உட்கொள்வதால் பல ஆரோக்கிய நன்மைகள் உள்ளன. இதில் உள்ள வைட்டமின் சி உடலின் நோய் எதிர்ப்பு சக்தியை அதிகரிக்கிறது. பருவகால நோய்கள் மற்றும் தொற்றுநோய்களுக்கு எதிராக உடலைப் போராட உதவுகிறது. இந்த இலைகளில் உள்ள நைட்ரிக் அமிலம் இதய ஆரோக்கியத்திற்கு நல்லது. பிபியை கட்டுக்குள் வைத்திருக்கவும் உதவுகிறது.

கால்சியம், மெக்னீசியம், வைட்டமின் டி மற்றும் கே அடங்கிய பீட்ரூட் இலைகளை உட்கொள்வது எலும்பின் வலிமையை மேம்படுத்துகிறது. இதில் லுடீன் மற்றும் அழற்சி எதிர்ப்பு பண்புகள் இருப்பதால், இது பார்வைக்கு நல்லது.

பொறுப்பு துறப்பு

இங்கு பகிரப்பட்டுள்ள தகவல்கள் அனைத்தும் முற்றிலும் உண்மை என்றும், இதனால் தீர்வு நிச்சயம் என்றும் கூற முடியாது. ஆனாலும், அனுபவங்களின் அடிப்படையில் தேர்ந்தெடுத்த ஆய்ந்தறிந்தே வழங்கப்படுகிறது. இவையனைத்தும் தீர்வு என்று நாங்கள் ஒருபோதும் கூறமாட்டோம்.

எனவே, நாள்பட்ட அல்லது தீவிரமான பிரச்னைகளுக்கு மருத்துவரை அணுகுவதுதான் சிறந்த வழி. எனவே தேவையான பிரச்சினைகளுக்கு மருத்துவரை அணுகி பலன்பெறுவதே சிறந்தது. இவையெல்லாம் முதலுதவி போல் உதவக்கூடும்.