உண்மையைச் சொன்னா உசுரு இருக்காது?; கடைசி நொடியில் காப்பாற்றிய தரமலிங்கம்; அல்லோல்படும் ஷக்தி! - கார்த்திகை தீபம் அப்டேட்

எச்சரிக்கை விடுத்த துங்கா!

அடுத்து துங்கா சக்திக்கு போன் செய்து, தர்மலிங்கம் உயிரோட இருக்கணும்னா தீபாவை கூட்டிட்டு வா என்று மிரட்ட, வேறு வழியின்றி ஷக்தி தீபாவுடன் கிளம்பி வருகிறாள். மறுபக்கம் ஆசிரமத்தில் இருந்து ஒருவன் கார்த்திக்கு, தீபா குறித்து தகவல் கொடுக்க வருகிறான்.

இந்த விஷயம் அறிந்த துங்காவின் ஆட்கள், அந்த நபரை துரத்தி வர, அவன் ஒரு வண்டியில் விழுந்து விபத்தில் சிக்குகிறான். அந்த வழியாக வந்த கார்த்திக் இதை பார்த்து விடுகிறான். இப்படியான நிலையில் அடுத்து நடக்க போவது என்ன என்பது குறித்து அறிய கார்த்திகை தீபம் சீரியலை உங்கள் ஜீ தமிழ் தொலைக்காட்சியில் காண தவறாதீர்கள்.

கடந்த எபிசோடில் நடந்தது என்ன?

வீட்டில் தர்மலிங்கம் தீபா சின்ன வயசுல இருந்து ரொம்ப கஷ்டப்பட்ட பொண்ணு, தன்னுடைய தம்பியோட மருத்துவ செலவுக்காக, தன்னுடைய குரலையே அடமானம் வச்சுட்டா. உங்கள கல்யாணம் பண்ண பிறகுதான் அவ கொஞ்சம் சந்தோஷமா இருக்க ஆரம்பிச்சா. நீங்க அவளுக்கு கிடைச்சது அவ செஞ்ச பாக்கியம். எப்படியாவது தீபாவை கண்டு பிடிக்கணும் என்று சொல்லி வருத்தப்பட்டு பேச, கார்த்திக் கூடிய சீக்கிரம் கண்டுபிடித்து விடலாம் சார் என்று ஆறுதல் சொல்லி தேற்றினான்.

இன்னொரு பக்கம், ஆசிரமத்தில் இருக்கும் ஷக்தி, தீபாவை தேடி யாரும் வராத காரணத்தினால், போலீஸூக்கு விஷயத்தை சொல்லிவிடலாம் என்று முடிவெடுத்தாள். இதனையடுத்து ஷக்தி ஸ்டேஷனுக்கு வர, அதற்கு முன்னதாக துங்கா ஐஸ்வர்யாவை பார்க்க ஸ்டேஷனுக்கு வந்திருக்க, அதைப் பார்த்து ஷக்தி தனது மனதை மாற்றிக்கொண்டாள்.

வாசித்துக் கொண்டே இருக்கப்போவதாக

அடுத்து கோயிலுக்கு வந்த தர்மலிங்கம், தீபா கிடைக்கும் வரை வாசித்துக் கொண்டே இருக்கப் போவதாக சொல்லி உட்கார்ந்து நாதஸ்வரம் வாசிக்க தொடங்கினார். இந்த சமயத்தில் ஷக்தி கோயிலுக்கு வர, இங்கு நடப்பதை அறிந்து, ஒருவேளை தர்மலிங்கம் தான் தீபாவோட அப்பாவாக இருப்பாரோ என யோசித்தாள். அதே நேரத்தில் துங்கா அனுப்பிய ஆள் சக்தியை பார்த்து விட்டான்.

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல்/பொருள்/அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.