தீபாவை கடித்த பாம்பு.. டாக்டர் சொன்ன அந்த அட்வைஸ்; கார்த்திக் செய்த பலே காரியம்.. கார்த்திகை தீபம் அப்டேட்!

தமிழ் சின்னத்திரையில், ஜீ தமிழ் தொலைக்காட்சியில் திங்கள் முதல் சனி வரை தினமும் இரவு 9:00 மணிக்கு ஒளிபரப்பாகி வரும் பிரபலமான சீரியல் கார்த்திகை தீபம். இந்த சீரியலின் நேற்றைய சண்டே ஸ்பெஷல் எபிசோ டில், கார்த்திக் தீபாவுடன் ரெசார்ட்டிக்கு வந்திருந்த நிலையில், இன்று நடக்கப் போவது என்ன என்பது குறித்து பார்க்கலாம்.

தீபாவை கடித்த பாம்பு

அதாவது, கார்த்திக் மற்றும் தீபா என இருவரும் ரெஸார்ட்டில் வெளியே நடந்து கொண்டிருக்கும் போது, எதிர்பாராதவிதமாக தீபாவை பாம்பு ஒன்று கடித்து விட, கார்த்திக் அவளை ரூமுக்கு தூக்கி ஓடி வருகிறான். பிறகு ரெசார்ட்டில் இருக்கும் டாக்டர்களை கூப்பிட்டு தீபாவுக்கு ட்ரீட்மென்ட் கொடுக்க, டாக்டர் விஷம் இல்லாத பாம்பு தான்.. அதனால் பயப்பட வேண்டியது இல்லை. நைட்டு மட்டும் தூங்காமல் பார்த்துக் கொள்ளுமாறு சொல்லிவிட்டு செல்கிறார்.

இதனால், கார்த்திக் நாம் ரூமுக்குள்ள இருக்க வேண்டாம் என்று சொல்லி, தீபாவை வெளியே அழைத்து வருகிறான். இதற்கிடையே, அங்கு ஷூட்டிங்கிற்கு வந்திருந்தவர்கள் விஷயம் அறிந்து, தீபா தூங்காமல் இருக்க வேண்டும் என்பதற்காக இரவு முழுக்க கூட்டு சேர்ந்து ஆட்டம் பாட்டம் என என்டர்டெயின்மென்ட் செய்கின்றனர்.

இப்படியான நிலையில் அடுத்ததாக நடக்கப்போவது என்ன என்பது குறித்து அறிய கார்த்திகை தீபம் சீரியலை உங்கள் ஜீ தமிழ் தொலைக்காட்சியில் காணத்தவறாதீர்கள்.

கடந்த எபிசோடில் நடந்தது என்ன?

கோர்ட்டில் ராஜேஸ்வரி, ரூ 100 கோடி வரதட்சணை கேட்டதாக சொல்ல,, அபிராமி இதெல்லாம் பொய் என்று சொன்னாள். இதனையடுத்து, கோர்ட்டில் அதற்கான ஆதாரம் என்ன இருக்கு என்று கேட்க, கார்த்திக் ஆதாரம் இருப்பதாக ஷாக் கொடுத்தான். அதாவது, ராஜேஸ்வரி வக்கீலிடம் பேசிய விஷயங்களை அருண் தூரத்தில் இருந்து வீடியோ எடுத்திருக்க, கார்த்திக், அதை கோர்ட்டில் சமர்ப்பித்தான். அதில் ராஜேஸ்வரி அபிராமி மேல் கொடுத்திருப்பது போலி கேஸ் என்பது தெரிய வந்தது.

இதனால், கோர்ட்டை அவமானப்படுத்தியதால் ராஜேஸ்வரிக்கு 10 நாள் சிறை தண்டனை அபராதமும் விதிக்கப்பட்டது. அபிராமியும் விடுதலை செய்யப்பட்டார். இதை கொண்டாடும் வகையில், தீபா இருக்கும் ஆசிரமத்திற்கு மீனாட்சி மற்றும் மைதிலி ஆகியோர் சாப்பாடு கொடுத்தனர். அப்போது அங்கே, இன்னொருத்தரும் இங்கு உடம்பு முடியாமல் ரூமில் இருப்பதாக ஒருவர் சொல்ல, மீனாட்சி நானே கொண்டு வந்து தரேன் என்று தீபா இருக்கும் ரூமை நோக்கி சென்றாள்.

இதற்கிடையே அவரை திசை திருப்பிய மைதிலி, இங்க இவங்களுக்கு கொடு என்று மீனாட்சியை கூப்பிட, தீபாவை பார்க்க முடியாமல் போய் விடுகிறது. அதன் பிறகு ராஜேஸ்வரியை ஐஸ்வர்யா இருக்கும் சிறையில் அடைக்க, அம்மாவை பார்த்து ஐஸ்வர்யா அதிர்ச்சியாக ராஜேஸ்வரி நடந்ததை சொல்ல ஐஸ்வர்யா கடுப்பாகிறாள்.அடுத்து கார்த்திக் வீட்டில் கீதா கண்ணில் தீபா எழுதிய டைரி கிடைக்க, அதில் தீபா கார்த்திக் மீதான காதல் மற்றும் மீனாட்சியின் சப்போர்ட் குறித்து எழுதி இருப்பது தெரிய வந்தது.

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல்/பொருள்/அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.