தமிழ் செய்திகள்  /  பொழுதுபோக்கு  /  Hbd Sai Pallavi : மலர்.. சிம்பிள் என்றாலே இவர் தான்.. இளைஞர்களின் கனவு கன்னி.. நடிகை சாய் பல்லவி பிறந்த நாள் இன்று!

HBD Sai Pallavi : மலர்.. சிம்பிள் என்றாலே இவர் தான்.. இளைஞர்களின் கனவு கன்னி.. நடிகை சாய் பல்லவி பிறந்த நாள் இன்று!

Divya Sekar HT Tamil
May 09, 2024 06:50 AM IST

HBD Sai Pallavi : சாய் பல்லவி இன்று தனது 31 ஆவது பிறந்தநாளை கொண்டாடுகிறார். அவருக்கு சினிமா பிரபலங்கள், ரசிகர்கள், நண்பர்கள் என்று பலரும் வாழ்த்து தெரிவித்து வருகின்றனர்.

மலர்.. சிம்பிள் என்றாலே இவர் தான்.. இளைஞர்களின் கனவு கன்னி.. நடிகை சாய் பல்லவி பிறந்த நாள் இன்று!
மலர்.. சிம்பிள் என்றாலே இவர் தான்.. இளைஞர்களின் கனவு கன்னி.. நடிகை சாய் பல்லவி பிறந்த நாள் இன்று!

ட்ரெண்டிங் செய்திகள்

நீலகிரி மாவட்டத்தில் பிறந்து கோயம்புத்தூரில் வளர்ந்தவர் சாய் பல்லவி, ஜார்ஜியாவில் மருத்துவம் படித்து பட்டம் பெற்றவர். ஆனால் மருத்துவராகப் பதிவு செய்துகொள்ளாமல் தன் தாய்வழியாக நடனம் மீது ஏற்பட்ட ஆர்வத்தால் தொலைக்காட்சி நடனப் போட்டி நிகழ்ச்சிகளில் பங்கேற்றார்.

200 நாட்களுக்கு மேல் ஓடிய படம்

‘கஸ்தூரிமான்’, ‘தாம்தூம்’ திரைப்படங்களில் பெயரிடப்படாத வேடங்களில் தலைகாட்டியவர் 2015 ஆம் ஆண்டு அல்போன்ஸ் புத்திரன் இயக்கத்தில் மலையாளத்தில் வெளியான ‘பிரேமம்’ படம் மூலம் பிரபலமானார். தமிழகத்தில் அந்தப் படம் 200 நாட்களுக்கு மேல் ஓடி மிகப் பெரிய வெற்றியைப் பெற்றது.

அவரின் கதாபாத்திரமான மலர் டீச்சர் என பலரும் சாய் பல்லவியை அழைக்க அரம்பித்தனர். இளைஞர்களின் கனவு கன்னியாக மாறினார். முதல் படத்திலேயே மக்கள் மனதில் நீங்கா இடம் பிடித்தார்.

ஆனால் அவர் சினிமா துறையில் இருக்க வேண்டும் என்று ஒரு போது நினைக்கவோ, விரும்பவோ இல்லை. அவர் ஒருபோதும் நடிகையாக வேண்டும் என்று விரும்பியதில்லை. மருத்துவத் துறையில் செல்ல விரும்பினார். நடிகையாக இல்லாமல் இருந்திருந்தால் இதய நோய் நிபுணராக இருந்து இருப்பேன் என பல முறை அவர் கூறி உள்ளார்.

மேக்கப் விரும்பாதவர்

இதை தொடர்ந்து சாய் பல்லவி நடித்த 'காளி' படமும் பெரும் வரவேற்பை பெற்றது.  சாய் ஒரு நல்ல நடிகை மற்றும் நல்ல நடனக் கலைஞர் என்பது அனைவருக்கும் தெரிந்த ஒன்று. அவர் நடனப் பயிற்சி எடுத்ததில்லை. இதுவரை 15 படங்களுக்கு மேல் நடித்துள்ள சாய் பல்லவி, குறுகிய காலத்தில் நிறைய பெயரை சம்பாதித்துள்ளார்.

சாய் பல்லவி மேக்கப் இல்லாமல் நடிக்கிறார் என பலருக்கும் தெரிந்த ஒன்று. மேலும் அவர் சினிமா பிரியர்களிடையே மிகவும் பிரபலமாகவும் விரும்பப்படவும் இதுவே காரணம். கேமராவுக்குத் தேவையான அளவுக்கு மட்டுமே படங்களில் மேக்கப் போடுவார்.

அவர் ஒரு பேட்டியில் கூறுகையில் , “மேக்கப் இல்லாமல் படங்களில் நடிக்கும் போது, ​​எப்படி ஃபேர்னஸ் க்ரீமை விளம்பரப்படுத்த முடியும். எனக்கு 2 கோடி ரூபாய் மதிப்புள்ள ஃபேர்னஸ் கிரீம் விளம்பரம் பல முறை வந்தும் நான் நிராகரித்தேன். எனக்கு அழகுசாதனப் பொருட்கள் பிடிக்காது. மேலும் மக்களை குழப்பும் எதையும் நான் விளம்பரப்படுத்த விரும்பவில்லை. இயற்கை தான் சரியானது” என்றார்.

எஸ்.கே 21 படத்தில் சாய் பல்லவி

இவர் தமிழில் கடைசியாக நடித்த கார்கி படம் பொதுவான விமர்சனங்களை பெற்றது. சாய் பல்லவி தற்போது சிவகார்த்திகேயன் நடிப்பில் உருவாகி வரும் எஸ்.கே 21 படத்தில் நடித்து வருகிறார். இந்த படத்தை நடிகர் கமல்ஹாசனின் ராஜ் கமல் ஃபிலிம்ஸ் சோனி பிக்சர்ஸ் உடன் இணைந்து தயாரிக்க, ரங்கூன் படத்தை எடுத்த ராஜ்குமார் பெரியசாமி இயக்கி வருகிறார்.

சிவகார்த்திகேயன் இந்த படத்தில் ராணுவவீரராக நடித்திருப்பதாக சொல்லப்படுகிறது.முக்கிய கதாபாத்திரங்களில் நடிகர்கள் லல்லுவும், ராகுல் போஸூம் நடிக்கின்றனர். அண்மையில் இந்த படத்தின் ஃபர்ஸ்ட் லுக் டீசர் குறித்து இயக்குநர் நெல்சன் திலீப் குமார் தன்னுடைய ட்விட்டர் பக்கத்தில் பதிவு ஒன்றை வெளியிட்டு இருந்தார்.

சாய் பல்லவி இன்று தனது 31 ஆவது பிறந்தநாளை கொண்டாடுகிறார். அவருக்கு சினிமா பிரபலங்கள், ரசிகர்கள், நண்பர்கள் என்று பலரும் வாழ்த்து தெரிவித்து வருகின்றனர்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

Google News: https://bit.ly/3onGqm9 

IPL_Entry_Point

டாபிக்ஸ்