தமிழ் செய்திகள்  /  Entertainment  /  What Did Kamal Haasan Say About His Alliance With Dmk

Kamal Hassan Voice Out: 'நமது பேட்டரியைப் பிடுங்க முயற்சி.. எறிந்தால் என்ன.. ரிமோட் நம்மது’ - சீறிய கமல்ஹாசன்!

Marimuthu M HT Tamil
Mar 24, 2024 04:20 PM IST

Kamal Hassan Voice Out: டிவியை உடைத்து விளம்பரம் செய்து பரப்புரை செய்தமை குறித்து நடிகர் கமல்ஹாசன் விளக்கமளித்துள்ளார்.

கமல்ஹாசன்
கமல்ஹாசன்

ட்ரெண்டிங் செய்திகள்

திமுக கூட்டணிக்கு ஆதரவளித்தது ஏன் என மக்கள் நீதி மய்யம் கட்சியின் தலைவர் கமல்ஹாசன் விளக்கமளித்துள்ளார்.

இதுதொடர்பாக மக்கள் நீதி மய்ய நிர்வாகிகளுடன்பேசிய கமல்ஹாசன் கூறுகையில், ‘’நமது வாதத்தை சந்தர்ப்பத்துக்கு ஏற்றமாதிரியெல்லாம் மாற்றமுடியாது. அப்படின்னா ரிமோட் எடுத்து அடிச்சவர் தானே அங்கே போறீங்க. அப்படின்னு சொன்னாங்க. ஐயா ரிமோட் இன்னும் என் கையில் தான் இருக்கு. டிவியும் அங்கேயா தான் இருக்கு. ஏனென்றால், அது நம்ம வீட்டு ரிமோட், நம்ம வீட்டு டிவி. ஆனால், டிவிக்கான கரண்ட்டையும், ரிமோட்டுக்கான பேட்டரியையும் உருவப் பார்க்கும் சக்தி ஒன்றியத்தில் உருவாகிக் கொண்டு இருக்கிறது. இதை நான் இனிமேல் எறிந்தால் என்ன?; வைத்திருந்தால் என்ன?; அந்த மாதிரி செய்கைகளுக்கு இனிமேல் அர்த்தமே இல்லாமல் போய்விடும்.

நான் ஒரு தனிப்பட்ட மனிதரை என்றுமே தாக்கியது இல்லை. மோடி என்பவர் மரியாதைக்குரிய பாரதப் பிரதமர். அவர் இந்த அரங்குக்குள் வந்தால், அவருக்குக் கொடுக்கப்படவேண்டிய வணக்கங்களை எல்லாம் நான் கொடுப்பேன். அதுக்காக இப்படி எதிர்த்துப் பேசிட்டு, அவர் வந்ததும் குனியுறார்னா.. அது அவருக்கானது அல்ல, மக்களின் நாயகம் இன்றும் இருக்கிறது என்பதைச் சொல்வதற்காகத் தலைவணங்குவேனே தவிர, அவரை தன்மானத்தை விட்டு தலைவணங்கமாட்டேன்.

சாதியம் பேசாதீர்கள் என்று சொல்லிய குழந்தைகள் தான் இன்று வெள்ளைத் தாடியுடன் அமர்ந்துள்ளார்கள்.

அவர்களுக்கு சாதியைச் சொல்லிக் கொடுத்து, மாபெரும் திட்டத்தைத் தீட்டிக்கொண்டிருக்கும் கட்சியோ, திட்டமோ எவ்வளவு பெரியதாக இருந்தாலும், அதைத் தகர்க்கவேண்டியது என் கடமை.

ஒரு அரசியல் களத்தில் என்னைக் கேட்டார்கள். உங்கள் எதிரி யார் என்று என்னிடம் கேட்டார்கள்; அதனைவிட்டுவிட்டு மய்யம் அப்படின்னு சொல்றீங்களேன்னு கேட்டாங்க. நான் என் எதிரியைத் தேர்வுசெய்துவிட்டேன். என் நினைவு தெரிந்ததில் இருந்து நினைவுபோகும் வரை, சாதியம் தான், என் எதிரி.

அமெரிக்காவில் இருந்து அரசியலுக்கும் மீடியாவுக்கும் பிஹெச்டி படிக்கும் மாணவர்கள் சமீபத்தில் என்னிடம் வந்துபேட்டி கேட்டார்கள். அப்போது ஏன் என்னிடம் வந்தீர்கள் என்று கேட்டேன். நீங்கள் தான், உங்கள் எதிரி சாதியம் என்று சொல்லியிருக்கிறீர்கள். அதனால் தான் உங்களிடம் வந்தார்கள். மேலும் அப்படிப்பட்டவர், சாதிக்கணக்கெடுப்பு எடுக்கவேண்டாம் என்று வலியுறுத்தவேண்டாமா என்றார்கள். அதற்கு நான் சொன்னேன். எனக்கு யார் இன்னும் விலங்கிடப்பட்டிருக்கிறார்கள் என்பது தெரியவேண்டும்.

உங்கள் அமெரிக்காவில் விலங்கு விலங்கினை வெளிப்படையாகப் பார்ப்பீர்கள். இங்கு சாதி என்ற விலங்கிடப்பட்டிருக்கும் மனிதர்களின் எண்ணிக்கையை அறிந்து அவர்களுக்காகப் போராட, எனக்கு சாதிக்கணக்கெடுப்பு தேவைப்படுகிறது என்றேன். எனவே, அந்த சாதியக் கணக்கெடுப்பு எனக்குத் தேவை. உனக்குத் தேவையில்லை என்றால் எந்த ஜன்னல்வழியாகத்தூக்கி எறிய நினைக்கிறாயோ, அதைச் சொல் நான் அங்கு வந்து தூக்கிக் கொள்கிறேன்’’ என்றார்.

இதைக் கேட்ட மக்கள் நீதி மய்ய நிர்வாகிகள் உற்சாகம் ஆனார்கள். 

IPL_Entry_Point

டாபிக்ஸ்