Thunivu Preview Show Review: துணிவு எப்படி இருக்கு? முன்னோட்ட காட்சி விமர்சனம்!
Thunivu Review: படம் முடிந்த கையோடு மேலாளரை தொடர்பு கொண்ட அஜித், ‘படம் எப்படி உள்ளது?’ எனக்கேட்டுள்ளார். அதை அங்கிருந்தவர்கள் அருகில் இருந்து ரசித்துள்ளனர்.
ஜனனரி 11 ம் தேதி துணிவு திரைப்படம் உலகளாவிய வெளியீடாக வரவிருக்கும் நிலையில், கடந்த சனியன்று முன்பதிவு தொடங்கியது. தொடங்கிய சில நிமிடங்களிலேயே அனைத்து தியேட்டர்களின் டிக்கெட்டுகளும் விற்றுத் தீர்ந்தன.
படத்தின் மீது பெரிய எதிர்பார்ப்பு எழுந்துள்ள நிலையில், யாரும் எதிர்பாராத விதமாக, துணிவு படத்தின் முன்னோட்ட காட்சி நேற்று இரவு திரையிடப்பட்டுள்ளது. அதில் அஜித் மனைவி ஷாலினி உள்ளிட்டோர் பங்கேற்றுள்ளனர்.
படம் முடிந்த கையோடு துணிவு படத்தை பார்த்தவர்கள், பார்த்தவர்களிடம் கேட்டவர்கள் வெளியிட்ட விமர்சனங்கள் இதோ:
படம் முடிந்தபின் அங்கிருந்தவர்களுடன் அஜித் மேலாளர் சுரேஷ் சந்திரா போட்டோ எடுத்துக் கொண்டிருந்துள்ளார். அப்போது அவரது எண்ணுக்கு அஜித் போன் செய்துள்ளார். AK Calling என அவரது போன் டிஸ்ப்ளேவில் வந்ததை கண்டு அஜித் ரசிகர்கள் உற்சாகமாகியுள்ளனர்.
அழைப்பை எடுத்து பேசிய சுரேஷ் சந்திராவிடம், ‘படம் எப்படி உள்ளது? படம் பார்த்தவர்களின் மனநிலை எப்படி இருந்தது? எப்படி ரசித்தார்கள்? என்று கேட்டுள்ளார். இவற்றை அருகில் இருந்து பார்த்தவர்கள், மகிழ்ச்சியில் உச்சத்திற்கு போயுள்ளனர். படம் வெகு சிறப்பாக வந்துள்ளதாகவும், உங்கள் நடிப்பை அனைவரும் கைதட்டி ரசித்து பார்த்தார்கள் என்றும் அஜித்திடம் சுரேஷ் சந்திரா கூறியுள்ளார்.
துணிவு படத்தின் முன்னோட்ட காட்சியில் நல்ல ரிவியூ கிடைத்திருப்பதால், தயாரிப்பாளர் போனிகபூர் மற்றும் இயக்குனர் எச்.வினோத் ஆகியோர் மகிழ்ச்சியடைந்துள்ளனர்.
டாபிக்ஸ்