கைய கொடு சிவா.. சர்ப்ரைஸ் கிஃப்ட் கொடுத்த விஜய்.. அசந்து போன வெங்கட் பிரபு - வைரலாகும் ‘கோட்’ மீட்டிங் வீடியோ!

இந்தப்படத்தில் நடிகர் சிவகார்த்திகேயன் சிறப்பு தோற்றத்தில் நடித்திருந்தார். குறிப்பாக அவர் வரும் காட்சியில், விஜய் தன்னுடைய துப்பாக்கியை கொடுத்து, மக்களை பத்திரமாக பார்த்துக்கொள்ளுங்கள் என்று சொல்ல, அதற்கு சிவகார்த்திகேயன் நீங்கள் ஏதோ முக்கியமான வேலைக்குச் செல்கிறீர்கள் என்று நினைக்கிறேன். அதனால், இவர்களை நான் பார்த்துக்கொள்கிறேன் என்று கூறுவார்.

இது வெளியே விஜய் தனக்கு அடுத்தபடியாக தன்னுடைய இடத்தில் சிவகார்த்திகேயன் இருப்பார் என்பதை மறைமுகமாக கூறுவது போல அமைந்திருந்தது. இந்த திரைத்துறையில் பேசு பொருளாகவும் மாறியது. இந்த நிலையில் கோட் படப்பிடிப்பின் போது, விஜயும் சிவகார்த்திகேயனும் சந்தித்துக்கொண்டது தொடர்பான காட்சிகளை படக்குழு வெளியிட்டு இருக்கிறது. அதில், நடிகர் விஜய் சிவகார்த்திகேயனுக்கு வாட்சை பரிசாக கொடுக்கிறார்.

முன்னதாக, நீங்கள்தான் அடுத்த தளபதியா என்ற கேள்விக்கு சிவகார்த்திகேயன் தனியார் நிகழ்ச்சி ஒன்றில் பதில் அளித்திருந்தார்.

நான் அடுத்த தளபதியா?

அதில் அவர் பேசும் போது, “இங்கு ஒரே தளபதிதான்; ஒரே சூப்பர் ஸ்டார் தான்; ஒரே தல தான். ஒரே உலக நாயகன் தான். அதனால், அவர்களின் அடுத்த இடத்தில் நான் என்ற பேச்சுக்கே இங்கு இடம் கிடையாது. அவர்கள் சினிமாவை எல்லாம் பார்த்துதான் நான் சினிமாவிற்கு வந்திருக்கிறேன். அவர்கள் போன்று நான் படங்கள் செய்து, ஹிட் கொடுத்து ஜெயிக்க வேண்டும் என்று நினைக்கலாம். ஆனால், அவர்களாகவே மாற வேண்டும் என்று நினைக்கக்கூடாது. அது சரியானதும் கிடையாது. அது மிகவும் தவறான விஷயம் என்று நான் நினைக்கிறேன்” என்று பேசினார்.

தற்போது சிவகார்த்திகேயன் இயக்குநர் ராஜ்குமார் பெரியசாமி இயக்கத்தில் ‘அமரன்’ படத்தில் நடித்து முடித்துள்ளார். இந்திய ராணுவ வீரரான முகுந்தனின் வாழ்க்கை வரலாற்றை மையமாக வைத்து உருவாக்கப்பட்ட இந்த திரைப்படத்தில் அவருக்கு ஜோடியாக சால்பல்லவி நடித்துள்ளார்.

ஜி.வி.பிரகாஷ் இசையமைத்துள்ளார். மேலும், இந்தப் படத்தை நடிகர் கமல் ஹாசனின் ராஜ் கமல் நிறுவனமும், சோனி பிக்சர்ஸ் நிறுவனமும் இணைந்து தயாரித்துள்ளது. இந்தப் படம் தீபாவளி பண்டிகையை முன்னிட்டு வரும் அக்டோபர் 31ம் தேதி திரையரங்கிற்கு வருகிறது.

விஜயின் கடைசி படம்

நடிகர் விஜய் தனது அரசியல் கட்சி குறித்த அறிவிப்பை தெரிவித்து, சினிமாவில் இருந்து முழுவதுமாக ஒதுங்கப்போவதாக அறிவித்தார். இறுதியாக அவர் நடிக்கும் ‘தளபதி 69’ படத்தை ஹெச். வினோத் இயக்க இருக்கிறார். இந்தப்படத்தின் பூஜையான நேற்றைய தினம் நடைபெற்றது. இந்தப்படத்தில் மமிதா பைஜூ, பாபி தியோல், நரேன் உள்ளிட்ட பல நடிகர்கள் நடிக்கின்றனர்.