தமிழ் செய்திகள்  /  Entertainment  /  Tamil Serials Trp Based On Last Week In Television

Serials TRP: தொடர்ந்து முதல் ஐந்து இடங்களை பிடிக்கும் சன் தொலைக்காட்சி.. டிஆர்பியில் முதல் இடம் எந்த சீரியலுக்கு?

Aarthi Balaji HT Tamil
Feb 11, 2024 10:45 AM IST

Tamil Serials: டி.ஆர்.பியில் முதல் ஐந்து இடங்கள் பிடித்த சீரியல்கள் அனைத்து சன் தொலைக்காட்சியை சேர்ந்தது என்பது குறிப்பிடத்தக்கது.

சிங்கப்பெண்ணே
சிங்கப்பெண்ணே

ட்ரெண்டிங் செய்திகள்

சிங்கப்பெண்ணே

கிராமத்தில் மகிழ்ச்சியாக இருந்த பெண், குடும்ப கஷ்டத்தை போக்க சென்னை வருகிறாள் ஆனந்தி. வேலைக்கு வந்த ஒரு பெண்ணின் கதை என்னவாகிறது என்பதே சிங்கப்பெண்ணே கதை. சமீபத்தில் தொடங்கிய இந்த தொடர் வெற்றிகரமாக ஒளிபரப்பாகி வருகிறது. இந்த சீரியல் இந்த வார டிஆர்பியில் முதல் இடத்தில் இருக்கிறது. இந்த வாரம் 11.53 டிஆர்பி புள்ளிகள் பெற்று உள்ளது. கடந்த வாரம் 11.3 டிஆர்பி புள்ளிகள் பெற்றது.

கயல்

சன் தொலைக்காட்சியில் இரவு 8.30 மணிக்கு ஒளிபரப்பாகும் சீரியல், கயல். அக்டோபர் 25, 2021 ஆம் ஆண்டு முதல் தொடங்கிய இந்த தொடர் தற்போது வரை வெற்றிகரமாக நடந்து வருகிறது. தந்தையை இழந்து குடும்பத்தின் மொத்த பொறுப்புகளையும் கயல் சுமக்கிறார்.

அவர் செய்யும் செயல்களுக்கு பல்வேறு தடைகளை ஏழுகிறது. அதை எல்லாம் தாண்டி பிரச்னைகளை எப்படி சமாளிக்கிறார் என்பதே கதை. கயல் சீரியல், 11.03 புள்ளிகளுடன் டிஆர்பியில் இரண்டாவது இடத்தில் இருக்கிறது. கடந்த வாரமும் கயல் சீரியல் இரண்டாவது இடத்தில் இருந்தது என்பது குறிப்பிடத்தக்கது. கடந்த வாரம், 10.28 டிஆர்பி புள்ளிகள் பெற்றது.

வானத்தை போல

சன் தொலைக்காட்சியில் இரவு 8.30 மணிக்கு ஒளிபரப்பாகும் சீரியல் வானத்தை போல. அண்ணன், தங்கை பாசத்தை அழகாக காண்பிக்கும் இந்த சீரியல் ரசிகர்களின் விருப்பமான ஒன்று. பலரும் இந்த சீரியல் பார்த்த பிறகு நமக்கு இப்படி ஒரு அண்ணன், தங்கை இல்லையே என ஏங்கி இருக்கிறார்கள். டிஆர்பியில் 10.49 புள்ளிகள் பெற்று வானத்தை போல சீரியல் மூன்றாவது இடத்தில் உள்ளது.

எதிர்நீச்சல் சீரியல்

சன் டிவியில் ஒளிப்பரப்பாகி வரும் சீரியல் எதிர்நீச்சல். இந்த சீரியலுக்கு மக்கள் மத்தியில் ஏகோபித்த வரவேற்பை கிடைத்து வந்தது. அதற்கு காரணம், அந்த சீரியலில் இடம் பெற்ற குணசேகரன் கதாபாத்திரத்தில் நடித்த மாரிமுத்து.

ஆம், அவரது கரடுமுரடான வில்லனிசம் ஏராளமானோரை இந்த சீரியலுக்கு அழைத்து வந்தது. ஆனால் கடந்த வருடம் எதிர்பாராத விதமாக மாரடைப்பு ஏற்பட்டு இறந்து விட, சீரியலுக்கு பெரும் பின்னடைவு ஏற்பட்டது.

இந்த வார டிஆர்பியில், 9.92 டிஆர்பி புள்ளிகள் பெற்று உள்ளது. கடந்த வாரம், 9.91 புள்ளிகள் பெற்று எதிர்நீச்சல் சீரியல் மூன்றாவது இடத்தில் இருந்தது. இந்த சீரியல் தான் 2023 ஆம் ஆண்டு துவக்கத்தில் முதலிடத்தில் இருந்து மாஸ் காட்டியது.

சுந்தரி

சன் தொலைக்காட்சியில் திங்கள் முதல் சனிக்கிழமை வரை இரவு 7 மணிக்கு ஒளிபரப்பாகும் சீரியல் சுந்தரி. இந்த வார டிஆர்பி 9.40 புள்ளிகள் பெற்று ரேட்டிங் லிஸ்டில் 5 வது இடத்தில் சுந்தரி இருக்கிறது. இரண்டு குட்டி பிள்ளைகளுடன் சுந்தரி செயல் ரசிகர்களை கவர்ந்து உள்ளது.

டி.ஆர்.பியில் முதல் ஐந்து இடங்கள் பிடித்த சீரியல்கள் அனைத்து சன் தொலைக்காட்சியை சேர்ந்தது என்பது குறிப்பிடத்தக்கது.

WhatsApp channel

டாபிக்ஸ்

பொழுதுபோக்கு மற்றும் பிக்பாஸ் , கோலிவுட் தொடர்பான அப்டேட் செய்திகளை இந்துஸ்தான் டைம்ஸ் தமிழ் மூலம் உடனுக்குடன் அறியலாம்.