TAMIL SERIAL ACTRESS: அழகான தோற்றம்..கிளாசிக்கல் டான்சர்! சைலண்ட் வில்லியாக மனதை கவர்ந்த பிருந்தா தாஸ்
Tamil Serial Actress Brinda Das: குடும்பாங்கான அழகான தோற்றம், சிரித்த முகம் என்று இருந்தாலும் சைலண்ட் வில்லியாக ஆனந்தம் சீரியலில் தோன்றி மனதை கவர்ந்தவர் நடிகை பிருந்தா தாஸ். இப்போது கார்ப்பரேட் ஊழியராக இருந்து வரும் இவர் அடிப்படையில் கிளாசிக்கல் டான்சர்.
தமிழ் சீரியல்களில் மறக்க முடியாத நடிகைகளில் முக்கியமானவர் நடிகை பிருந்தா தாஸ். ஒரு சில படங்களிலும் இவர் நடித்திருந்தாலும் சன்டிவியில் ஒளிபரப்பான ஆனந்தம் சீரியலில் வில்லியாக தோன்றி ரசிகர்கள் மனதில் தனக்கென தனியொரு இடத்தையும் பிடித்தார். அதேபோல் வாசுவும் சரவணனும் ஒன்னா படிச்சவங்கள் உள்பட சில படங்களிலும் சிறு வேடங்களில் நடித்துள்ளார்.
சின்னத்திரை பயணம்
சிரித்த முகம், மூக்குத்தி குத்தியவாறு குடும்ப பாங்கான தோற்றம், என பிருந்தா தாஸ் இளைஞர்கள், பெண்கள் என அனைவரையும் கவர்ந்த முகமாக இருந்தார். அடிப்படையில் கிளாசிக்கல் டான்சரான பிருந்த தாஸ், கல்லூரிகளில் பல்வேறு நடன நிகழ்ச்சிகளில் பங்கேற்றுள்ளார். பரதநாட்டியம், மோகினி ஆட்டம் ஆகியவற்றில் தேர்ந்தவரான பிருந்த தாஸ் பல்வேறு மேடை நிகழ்ச்சிகளிலும் தோன்றியுள்ளார். இதன் மூலம் நடிப்பு வாய்ப்பு கிடைக்க அதன் மூலம் நடிகையாகியுள்ளார்.
டிடியில் ஒளிபரப்பான நம் குடும்பம் தான் இவர் நடித்த முதல் தொடர். எஸ்வி சேகர் காமெடி தொடர்களிலும் நடித்துள்ளார். இதன் பின்னர் 20க்கும் மேற்பட்ட டிவி தொடர்களில் நடித்திருக்கும் பிருந்த தாஸ், டப்பிங் கலைஞராகவும் இருந்துள்ளார். பல்வேறு மேடை நாடகங்களிலும் தோன்றியுள்ளார்.
அதேபோல் ஹாய் டா என்ற பெயரில் புதுமுக நடிகர்களை வைத்து படமும் இயக்கியுள்ளார். இந்த படத்தை இயக்குவதற்கு முன் பெருமான் என்ற படத்தின் நிர்வாக தயாரிப்பாளராகவும் இருந்துள்ளார்.
அடையாளம் தந்த ஆனந்தம் சீரியல்
சன்டிவியில் ப்ரைம் டைம் நேரமான நாள்தோறும் இரவு 7 மணிக்கு ஒளிபரப்பான ஆனந்தம் என்ற டிவி சீரியலில் பிரதான கதாபாத்திரத்தில் சுகன்யா நடித்திருப்பார். இந்த தொடரின் வில்லியாக தோன்றி நடிப்பில் முத்திரை பதித்திருந்தார் பிருந்தா தாஸ். வில்லி என்றால் கத்துவதும், கொடூர முக பாவனைகளை வெளிப்படுத்துவதுமாக இல்லாமல் அமையதியாக வில்லத்தனம் செய்யும் அழகான வில்லியாக தோன்ற பாராட்டையும், வெறுப்பையும் சம்பாதித்தார். இவரது கேரக்டர் பெயரான அபிராமி மிகவும் பிரபலமானது.
இந்த சீரியல் ஒளிபரப்பான காலகட்டத்தில் தான் கோலங்கள் சீரியலும் ஒளிபரப்பானது. இதில் கதையின் நாயகியாக நடித்து வந்த தேவையானியின் பெயர் அபிராமி. அந்த வகையில் இரண்டு முரண் கதாபாத்திரங்களில் இருந்த அபிராமி என்கிற இந்த பெயர் ட்ரெண்டாகவே மாறியது.
மற்ற கதாபாத்திரங்கள் தூண்டி விட்டு இவர் வெளிப்படுத்திய வில்லத்தன நடிப்பை சின்னித்திரை ரசிகர்கள் வெகுவாக கவர்ந்ததனர். ஒரு கட்டத்தில் இவரது நடிப்பை பார்ப்பதற்கென தனி ரசிகர் கூட்டமும் உருவானது.
ஆனந்தம் சீரியலை தொடர்ந்து கல்யாணம், அஞ்சலி, இதயம், ரேகா ஐபிஎஸ் உள்பட மேலும் சில சீரியல்களிலும் நடித்தார். அதேபோல் ஆனந்தம் சிரீயலுக்காக சிறந்த சின்னத்திரை வில்லி என்ற தமிழக அரசின் விருதையும் வென்றார்.
மிஸ் செய்கிறேன்
"2003இல் தொடங்கிய ஆனந்தம் சீரியல், 2009 வரை 6 ஆண்டுகள் வரை ஓடியது. இதில் சைலன்ட் வில்லியா நடிச்சிருப்பேன். போகப்போக என் கேரக்டரைப் பார்த்து எனக்கே ஆச்சர்யம். எங்கே போனாலும், அபிராமினு பாராட்டும் கிடைக்கும்; பயங்கரமா திட்டும் கிடைக்கும். என் நிஜ பெயரையே மறந்துட்டாங்க. அந்த சீரியல் என் மனசுக்கு ரொம்பவே நெருக்கமானது. அதில் வொர்க் பண்ணினது, மறக்கமுடியாத காலகட்டம். அதை ரொம்பவும் மிஸ் செய்தேன்.
கார்ப்பரேட் நிறுவனத்தில் பணிபுரியும் வாய்ப்பு கிடைத்ததால் நடிப்பை விட்டு விலகினேன். நல்ல கதையாக வந்தால் நடிக்கும் ஆசையும் இருக்கு. குறுகிய காலத்தில் முடியும் கதையாக இருந்தால் நிச்சயம் நடிப்பேன்." என்ற பிரபல ஊடகத்துக்கு அளித்த பேட்டியில் பிருந்தா தாஸ் கூறியுள்ளார்.
புற்றுநோய் பாதிப்புக்கு எதிரான சமூக சேவை
பல்வேறு சமூக சேவை பணிகளில் ஈடுபட்டு வரும் பிருந்தா தாஸ், தனது சகோதரிகளுடன் இணைந்து பி போர்ஸ் என்ற என்ஜிஓ ஒன்றை தொடங்கியுள்ளார். இதன் மூலம் காவல் துறையை சேர்ந்தவர்களின் குடும்பத்தினரின் புற்று நோய் பாதிப்புக்கு எதிராக விழப்புணர்வு மற்றும் நோய் பாதிப்பை போராட உதவுவதற்கு வேண்டிய பணிகள் மேற்கொண்டு வருகிறாராம். தனது சகோதரிகள் பிந்து, பிஜு, பீனா ஆகியோருடன் இணைந்து இந்த பணிகளை அவர் செய்து வருவதாக கூறப்படுகிறது.
பிருந்த தாஸ் தந்தை முன்னாள் காவல் துறை டிஜிபி ஆக இருந்துள்ளார். ஓய்வுக்கு பின்னர் தந்தை இறந்த நிலையில், பிருந்த தாஸ் தாயாரும் புற்றுநோய் பாதிப்பால் உயிரிழந்ததாக கூறப்படுகிறது.
பிருந்தா தாஸ் மகன் கிஷேன் தாஸ் யூடியூப் பிரபலமாகவும் நடிகராகவும் இருக்கிறார். இவர் முதலும் நீ முடிவும் நீ என்ற படத்தில் கதையின் நாயகனாக நடித்துள்ளார். தொடர்ந்து ஆர்ஜே பாலாஜியுடன் இணைந்து சிங்கப்பூர் சலூன் படத்திலும் முக்கிய கேரக்டரில் நடித்துள்ளார்.
சமூக வலைத்தளங்களில் எங்களை பின் தொடரலாம். லிங்க்குகள் கீழே கொடுக்கப்பட்டு உள்ளன:
Twitter: https://twitter.com/httamilnews
Facebook" https://www.facebook.com/HTTamilNews
You Tube: https://www.youtube.com/@httamil
Google News: https://tamil.hindustantimes.com/
டாபிக்ஸ்