Jiiva Accident: மனைவியுடன் காரில் சென்றபோது ஹைவேயில் நடந்த விபத்து..பொறுமை இழந்து திட்டிய ஜீவா! போலீசில் புகார்
contents
Follow on:
  • WhatsApp Channel
  • Facebook
  • Twitter
  • You tube
Notification
தமிழ் செய்திகள்  /  பொழுதுபோக்கு  /  Jiiva Accident: மனைவியுடன் காரில் சென்றபோது ஹைவேயில் நடந்த விபத்து..பொறுமை இழந்து திட்டிய ஜீவா! போலீசில் புகார்

Jiiva Accident: மனைவியுடன் காரில் சென்றபோது ஹைவேயில் நடந்த விபத்து..பொறுமை இழந்து திட்டிய ஜீவா! போலீசில் புகார்

Muthu Vinayagam Kosalairaman HT Tamil Updated Sep 12, 2024 08:52 PM IST
Muthu Vinayagam Kosalairaman HT Tamil
Updated Sep 12, 2024 08:52 PM IST

Jiiva Accident: சேலத்தில் இருந்து சென்னைக்கு மனைவியுடன் காரில் சென்றபோது ஹைவேயில் நடிகர் ஜீவா விபத்தில் சிக்கியுள்ளார். விபத்தை ஏற்படுத்த காரணமாக இருந்த வாகன ஓட்டி மீது ஜீவா புகார் அளித்துள்ளார். விபத்தின் நடத்த இடத்தில் பொறுமை இழந்த நடிகர் ஜீவா ஒருவரை திட்டிய விடியோ வெளியாகியுள்ளது.

Jiiva Accident: மனைவியுடன் காரில் சென்றபோது ஹைவேயில் நடந்த விபத்து..பொறுமை இழந்து திட்டிய ஜீவா! போலீசில் புகார்
Jiiva Accident: மனைவியுடன் காரில் சென்றபோது ஹைவேயில் நடந்த விபத்து..பொறுமை இழந்து திட்டிய ஜீவா! போலீசில் புகார்
Share on Whatsappஎங்களை பின் தொடரலாம்
  • Share on Twitter
  • Share on Facebook

தமிழ் சினிமாவின் ஹீரோவாக இருந்து வரும் ஜீவா தனது மனைவி சுப்ரியாவுடன் இணைந்து சேலத்தில் இருந்து சென்னைக்கு காரில் வந்துள்ளார். அப்போது கள்ளக்குறிச்சி பகுதி அருகே அமையாகரம் என்ற இடத்தில் ஜீவா பயணித்த கார் விபத்தில் சிக்கியது. இதில் அவரது கார் முன் பகுதி பலத்த சேதமடைந்தது. 

இந்த விபத்தில் ஜீவா, அவரது மனைவிக்கு லேசான காயம் ஏற்பட்டதாக கூறப்பட்டது.

ஜீவா போலீசில் புகார்

ஜீவா பயணித்த கார் முன்னே இருசக்கர வாகனம் ஒன்று குறுக்கே வந்ததுள்ளதாக கூறப்படுகிறது.  அதில் மோதாமல் இருக்க ஜீவா தனது காரை திருப்பியுள்ளார். அப்போது கார் சாலையோர தடுப்பில் மோதி விபத்துக்குள்ளானது. 

இந்த விபத்தில் இதில் அதிர்ஷ்டவசமாக யாருக்கும் எந்த காயமும் ஏற்படவில்லை என்றாலும், ஜீவாவின் கார் முன்பகுதி பயங்கரமாக சேதமடைந்தது. 

இதைத்தொடர்ந்து இந்த விபத்து தொடர்பாக நடிகர் ஜீவா சின்னசேலம் காவல் நிலையத்தில் புகார் அளித்துள்ளார். அதில், விபத்துக்கு காரணமாக இருந்த இருசக்கர வாகன ஓட்டி மணிகண்டன் மீது நடவடிக்கை எடுக்குமாறு புகாரில் தெரிவித்துள்ளார். 

பொறுமையை இழந்த ஜீவா

ஜீவா விபத்தில் சிக்கியதை தொடர்ந்து சம்பவ இடத்தில் இருந்து எடுக்கப்பட்ட புகைப்படங்கள், விடியோக்கள் சமூக வலைத்தளங்கலில் வெளியாகி வைரலாகின. 

ஜீவாவின் கார் விபத்தில் சிக்கியபோது அந்த பகுதியில் இருந்தவர்களிடம் உதவியை நாடியுள்ளார். அப்போது அங்கு கூடியவர்களில் ஒருவர் பேசிய பேச்சால் கடுப்பான ஜீவா,  பொறுமை இழந்து அந்த நபரை திட்டியுள்ளார். மாலை 3 மணியளவில் இந்த விபத்து நிகழ்ந்ததாக கூறப்படுகிறது.

ஜீவா சர்ச்சை கருத்து

சமீபத்தில் மலையாள சினிமாவை உலுக்கிய ஹேமா கமிட்டி அறிக்கை குறித்து நடிகர் ஜீவாவிடம் கேட்டபோது, " மீடு என்ற பெயரில் இதுபோன்ற பாலியல் அத்தமீறல் புகார்கள் வந்தன. அது பகுதி ஒன்றாக இருந்தது. இப்போது ஹேமா கமிட்டி அறிக்கை பகுதி இரண்டாக உள்ளது.

இப்போது பலரும் பாலியல் அத்துமீறலில் ஈடுபடுபவர்களின் பெயர்களை வெளிப்படையாகப் சொல்கிறார்கள். சினிமாவில் ஆரோக்கியமான சூழல் இருப்பதை உறுதி செய்ய வேண்டும்" என்றார்.

அப்போது நிருபர் ஒருவர் ஜீவாவிடம் தொடர்ந்து கேள்விகளை கேட்டுக்கொண்டே இருந்தார். இதனால் கடுப்பான அவர், இந்த பேச்சு சிலர் விமர்சனங்களை முன் வைத்தனர். செய்தி சேகரிப்பது உங்கள் வேலை. ஒரு நல்ல சூழ்நிலையை பராமரிப்பதே எங்கள் வேலை. நடிகர்களாகிய நாங்கள் மக்களின் முகத்தில் புன்னகையை வரவழைக்கிறோம். இங்கே ஒரு நல்ல சூழ்நிலையை பராமரிப்போம். மேலும், இதுபோன்ற பிரச்னைகள் தமிழ்த் துறையில் நடப்பதில்லை. கேரளாவில் மட்டுமே நடந்துள்ளது" என்றார். ஜீவாவின் இந்த பேச்சுக்கு பல்வேறு தரப்பினர் விமர்சனங்களை முன் வைத்தனர்.

ஜீவா புதிய படம்

நடிகர் ஜீவா தற்போது பிளாக் என்ற பெயரில் உருவாகி வரும் படத்தில் நடித்து வருகிறார். இதில் ப்ரியா பவானி ஷங்கர் அவருடன் இணைந்து நடித்துள்ளார்.

கடைசியாக ஜீவா நடிப்பில் யாத்ரா 2 படம் வெளியானது. இந்த படத்தில் அவர் ஆந்திரா முன்னாள் முதலமைச்சர் ஜெகன் மோகன் ரெட்டி கதாபாத்திரத்தில் நடித்திருந்தார்.

சமூக வலைத்தளங்களில் எங்களை பின் தொடரலாம். லிங்க்குகள் கீழே கொடுக்கப்பட்டு உள்ளன: