“அவதான் என்னோட டீச்சர்; அவதான் என்னோட தத்துவ ஞானி..அவளுக்கும் ஆசை இருக்கும்ல” - ஜோதிகா குறித்து சூர்யா நெகிழ்ச்சி!

மிஸ் செய்து இருக்கிறேன்.

என்னுடைய மனைவியையும் குழந்தைகளையும் நான் பல வருடங்களாக பிரிந்து மிஸ் செய்து இருக்கிறேன். அவர்களின் அழகான தருணங்களில் நான் இல்லாமல் இருந்திருக்கிறேன். ஆனால் முடிந்த அளவு அதனை மாற்றிக்கொள்ள முயற்சி செய்து கொண்டிருக்கிறேன். 5 வருடத்திற்கு ஒருமுறை ஒரு மனிதன் மாறிக்கொண்டே இருப்பான். வாழ்க்கை அவனை அப்படி மாற்றும். அந்த வகையில் நான் ஜோதிகாவுடன் முன்னாளில் இழந்த தருணங்களை வரும் காலத்தில் சரி செய்வதற்கான முயற்சிகளில் இறங்க வேண்டும் என்று நினைக்கிறேன்.

ஜோதிகா மிக மிக கனிவான பெண். ஜோதிகா தான் என்னுடைய டீச்சர்; ஜோதிகா தான் என்னுடைய தத்துவ ஞானி; அவருடன் உட்கார்ந்து பேசுவது எனக்கு அவ்வளவு பிடிக்கும். அவர் பேசுவதை கவனிப்பது எனக்கு அவ்வளவு பிடிக்கும். வாழ்க்கையை மிகவும் ஆழமாகவும், வேறொரு கோணத்திலும் பார்க்கும் மக்களுடன் நீங்கள் உட்கார்ந்து பேச வேண்டும்.

அவள் ஒரு மிகச் சிறந்த நண்பி.

அவர்களிடமிருந்து நீங்கள் வாழ்க்கையை புரிந்து கொள்ள முயற்சி செய்ய வேண்டும். அது உங்களை மேம்பட்ட மனிதனாக மாற்றும் அதை ஜோதிகாவிடம் என்னால் உணர முடிந்தது. நானும் அவளும் கணவன் மனைவி தான். ஆனால் அதைத்தாண்டி எனக்கு அவள் ஒரு மிகச் சிறந்த நண்பி. எனக்கு எப்போதும் உத்வேகம் தரக்கூடிய நபர். அதனால் என்னால் முடிந்தவரை நான் ஜோதிகாவிற்கு நல்ல கணவராக இருக்க முயற்சி செய்கிறேன். அவரிடமிருந்து நான் நிறைய விஷயங்களை கற்றுக் கொண்டிருக்கிறேன்

ஜோதிகா அவளது 19 வயதில் சென்னைக்கு ஷிஃப்ட் ஆனார். அடுத்த 27 வருடங்களை அவள் இங்கு தான் கழித்தாள். அவள் எனக்காக அவளது நண்பர்கள், உறவினர்கள் அவளது கெரியர் என எல்லாவற்றையும் தியாகம் செய்திருக்கிறாள். ஆனால் கொரோனாவிற்கு பிறகு நாங்கள் மும்பைக்கு ஷிப்டாக வேண்டிய காரணம் இருந்தது. அவரும் நடிப்பதற்கான முனைப்பைக்காட்டினார். 2டி நிறுவனம் ஆரம்பிப்பதற்கான காரணமும் அவள்தான். அவளுக்காக நிறைய கதாபாத்திரங்கள் எழுதப்பட்டன. அவை முக்கியத்துவம் வாய்ந்தவையாகவும் இருந்தன.

27 வருடங்களுக்கு பிறகு அவள் அவருடைய பெற்றோருடன் இருக்க விரும்பினாள். ஒரு ஆணுக்கு என்ன தேவைப்படுகிறதோ, அதே தேவை ஒரு பெண்ணுக்கும் இருக்கிறது. இதையே நான் மிகவும் தாமதமாகதான் புரிந்து கொண்டேன். அவளுக்கும் அவளுடைய நண்பர்கள் தேவை. அவளுக்கும் அவளுடைய பெற்றோர் தேவை. அவளுக்கு மரியாதை தேவை; 

அவளுக்கும் சுதந்திரம் தேவை. அவளுக்கும் உடற்பயிற்சி செய்வதற்கான நேரம் தேவை. ஆக ஒரு ஆணாக எனக்கு என்னவெல்லாம் செய்யத்தோன்றுகிறதோ, அது அனைத்தும் அவளுக்கும் தேவை. குழந்தைகளுக்கும் மும்பை இருக்கக்கூடிய பள்ளிகளில் நல்ல கல்வி கிடைக்கிறது. அதனால்தான் நாங்கள் அங்கு ஷிஃப்ட் ஆனோம். மாதத்தில் நான் 20 நாட்கள் தான் ஷூட்டிங் செய்வேன். மீதி பத்து நாட்கள் முழுக்க முழுக்க மும்பையில்தான் இருப்பேன். அந்த 10 நாட்களும்  குடும்பதான் என்னுடைய முக்கியத்துவம்.” என்று பேசினார்.