“அமரனுக்கும், பிக்பாஸூக்கும் சம்பந்தம் இருக்கு.. ஒற்றுமை ரொம்ப முக்கியம் ஜி” - பிக்பாஸ் வீட்டில் சிவகார்த்திகேயன்!

அந்த வீடியோவில் பிக்பாஸ் கதவு திறந்த உடன், சிவகார்த்திகேயன் உள்ளே நுழைகிறார். அவரைப்பார்க்கும் போட்டியாளர்கள் ஆச்சரியத்தில் ஆர்ப்பரிக்கின்றனர். அனைவரும் அவரை கட்டிப்பிடிக்க, தொடர்ந்து சேர் போட்டு உட்கார்ந்த சிவகார்த்திகேயன், அவரது நடிப்பில் தீபாவளிக்கு வெளியாக இருக்கும் அமரன் திரைப்படத்தை குறித்து பேச ஆரம்பித்தார்.

அப்போது அவர் அமரன் திரைப்படம், எமோஷன்களை பதிவு செய்யும் படமாக இருக்கும். அன்பை பற்றி பேசும் படம் என்றார். மேலும் பேசிய அவர், பிக்பாஸிற்கும், அமரனுக்கும் நிறைய சம்பந்தம் இருக்கிறது. ஒற்றுமை மிகவும் முக்கியம் என்று கூறினார். தொடர்ந்து போட்டியாளர்கள் தங்களின் கிஃப்ட்களை அவரிடம் கொடுக்க, அவர் அப்படியே பிக்பாஸ் வீட்டை ஒரு ரவுண்டு வருகிறார்.

அமரன் திரைப்படம்

சிவகார்த்திகேயன் நடிப்பில், ‘ரங்கூன்’ புகழ் ராஜ்குமார் பெரியசாமி இயக்கத்தில் உருவாகி இருக்கும் திரைப்படம் ‘அமரன்’. India's Most Fearless: True Stories of Modern Millitary புத்தகத்தில் இடம் பெற்ற மேஜர் முகுந்த் வரதராஜன் வாழ்க்கை வரலாற்று அடிப்படையாகக்கொண்டு இந்தப்படம் உருவாக்கப்பட்டு இருக்கிறது. இந்தப்படத்தில் முகுந்தின் மனைவியான இந்து ரெபேக்கா வர்கீஸ் கதாபாத்திரத்தில் நடிகை சாய்பல்லவி நடித்திருக்கிறார்.

Bigg Boss Tamil Season 8’ - நிகழ்ச்சி

‘Bigg Boss Tamil Season 8’ நிகழ்ச்சியானது Oct 6 ஆம் தேதி, 5 மணி நேர தொடக்கவிழாவுடன் பிரமாண்டமாக துவங்கியது. புதிய தொகுப்பாளராக களமிறங்கிய விஜய் சேதுபதி, கமலுக்கு ஈடு கொடுப்பாரா என்ற கேள்வி எழுந்த நிலையில், அதனையெல்லாம் தவிடு பொடியாக்கி, போட்டியாளர்களை கேள்விகளால் துளைத்தெடுத்து, ஓட வைத்தார்.

குறிப்பாக விவாதங்களை நேரடியாக சந்திப்பது, போட்டியாளர்களின் தவறுகளை நேர்மையாக விசாரிப்பது, இடையிடையே அவர் கூறும் தத்துவங்கள் என அவரின் தன்னம்பிக்கை மிக்க அணுகுமுறைக்கு பலத்த பாராட்டுகள் கிடைத்தன. அது ரசிகர்களிடையேயும் மிகப்பெரிய வரவேற்பை பெற்று, பரவலான பாராட்டுகளைப் பெற்று வருகிறது.

மொத்தம் 18 போட்டியாளர்கள்

ரவீந்தர், சுனிதா, சத்யா, ரஞ்சித், ஜாக்குலின், தீபக், ஆனந்தி, முத்துக்குமரன், சௌந்தர்யா நஞ்சுண்டன், தர்ஷா குப்தா, விஜே விஷால், அருண் பிரசாந்த், ஜெஃப்ரி, சாச்சனா, அர்னவ், அக்ஷிதா, தன்ஷிகா, பவித்ரா என 18 போட்டியாளர்கள் களமிறங்கிய நிலையில், 24 மணி நேரத்தில் எலிமினேஷன் என்று குண்டை போட்ட பிக்பாஸ், சாச்சானவை எலிமினேட் செய்து பின்னர் மீண்டும் உள்ளே கொண்டு வந்தார்.

ரவீந்தர் வெளியேற்றப்பட்டார்.

ஸ்டாராங்கான போட்டியாளர் என்று கருதப்பட்ட ரவீந்தர் யாரும் எதிர்பாராத விதமாக முதல் வாரத்தில், குறைவான ஓட்டுகள் பெற்றுள்ளதாக கூறி வெளியேற்றப்பட்டார். முதல் வாரத்தில், விஜய்சேதுபதி போட்டியாளர்களை சகட்டுமேனிக்கு டோஸ் விட்ட நிலையில், உஷாரான போட்டியாளர்கள், இரண்டாவது வாரத்தில் இருந்து கேமை சீரியஸாக விளையாட ஆரம்பித்தனர். இதற்கிடையே அர்னவ் வீட்டில் இருந்து எலிமினேட் செய்யப்பட்டார். போட்டியாளர்கள் ஒரு பக்கம் விளையாட்டை சுவாரசியமாக்க முயன்று கொண்டிருக்க, இன்னொரு பக்கம் பிக்பாஸூம் சுவாரசியமான டாஸ்க்குகளை கொடுத்து அவர்களுக்கு கொடுத்து முடிந்த அளவு மக்களை கன்டெண்ட்டை கொடுக்க வைக்கிறார்.

எவ்வளவு பேர் பார்த்து இருக்கிறார்கள்

தமிழகம் முழுவதும் 9 TVR மற்றும் சென்னையில் 13 TVR என சாதனை படைத்திருப்பது, நிகழ்ச்சிக்கு பெரிய ரசிகர்கள் வட்டம் இருப்பதை உறுதிப்படுத்தியுள்ளது. ரசிகர்கள் டிவியில் மட்டும் அல்லாமல், டிஜிட்டல் தளங்களின் வழியாகவும் பலர் இந்நிகழ்ச்சியினை கண்டுகளித்து வருகிறார்கள். எவ்வளவு பேர் பார்த்திருக்கிறார்கள் தொடர்பான விபரங்களை பார்க்கலாம்.

• முதல் வாரத்தில் 32 Mn+ பார்வையாளர்கள் தொலைக்காட்சியில் நிகழ்ச்சியை பார்த்தனர்.

• 4.4 Bn+ நிமிடங்கள் (TV + Digital + Hotstar) நேரம் கொண்டாடப்பட்டுள்ளது.

• 162 Mn+ பார்வைகள் சமூக ஊடகங்களில் பதிவு செய்யப்பட்டிருக்கின்றனர்.

பிக்பாஸ் சீசன் 8 நிகழ்ச்சியினை, தினசரி இரவு 9:30 மணிக்கு உங்கள் விஜய் தொலைக்காட்சியிலும், 24/7 டிஸ்னி+ ஹாட்ஸ்டார் தளத்திலும் பார்க்கலாம்.