Samantha: விவகார போஸ்!தி பேமிலி மேன் இயக்குநருடன் டேட்டிங் வதந்தி..ஜாடை மாடையாக சமந்தா பகிர்ந்த பதிவு - என்னன்னு பாருங்க

தற்போது பங்காரம் படத்தின் படப்பிடிப்பில் பிஸியாக இருந்து வரும் சமந்தா, வழக்கம் போல் தனது சமூக வலைத்தள பக்கத்திலும் ஏதாவது பதிவுகளை பகிர்ந்து வைரலாகவே வலம் வந்து கொண்டிருக்கிறார்.

டேட்டிங் வதந்தி

சமந்தாவின் முன்னாள் கணவரான நாக சைதன்யாவுக்கும், பிரபல தெலுங்கு நடிகை சோபிதா துலிபாலாவுக்கும் கடந்த வாரம் நிச்சயதார்த்தம் நடந்து முடிந்துள்ளது.

நாக சைதன்யா இரண்டாவது திருமணத்துக்கு தயாராகி விட்ட நிலையில், சமந்தா ரியாக்‌ஷன் என்னவாக இருக்கும் என்று ரசிகர்கள் கண்களில் விளக்கென்னை ஊற்றாத குறையாத அவரை கண்காணித்து வந்தனர்.

ஆனால் எதிர்பாராத டுவிஸ்ட்டாக தி பேமிலி மேன் வெப் சீரிஸ் இயக்குநர்களின் ஒருவரான ராஜ் நிடிமோருவுடன், சமந்தா டேட்டிங்கில் இருந்து வருவதாக தகவல்கள் வெளியாகின. இது ரசிகர்கள் மத்தியில் ஒரு புறம் அதிர்ச்சியை ஏற்படுத்தினாலும், பலரும் சமந்தாவுக்கு இந்த புதிய காதல் வாழ்க்கை சிறப்பாக அமைய வேண்டும் எனவும் கருத்துகளை பகிர்ந்தனர்.

இன்ஸ்டா பதிவில் பதில்

இதையடுத்து இந்த டேட்டிங் வதந்தி குறித்தும் வாய் திறக்காமலேயே மெளனம் காத்து வந்த சமந்தா, இது தொடர்பாக ஜாடை மாடையாக தனது லேட்டஸ்ட் இன்ஸ்டா பதிவில் குறிப்பிட்டுள்ளார்.

அழகான கூலர்ஸ் அணிந்து எந்த கேப்ஷனும் இல்லாமல், கேஷுவலாக காரில் அமர்ந்திருக்கும் புகைப்படம் ஒன்றை பகிர்ந்திருக்கிறார் சமந்தா. இதில் அவர் அணிந்திருக்கும் டி ஷர்டில் "சமாதானம் மற்றும் அமைதிக்கான அருங்காட்சியகம்" என்று ஆங்கிலத்தில் எழுதப்பட்டிருக்கிறது.

அதேபோல், தனது கைவிரலை வைத்து போட்டோவுக்கு அவர் போஸ் கொடுத்திருக்கும் விதம் ஹேட்டர்களுக்கு மறைமுகமாக பதில் சொல்லும் விதமாகவும் தெரிகிறது.

இதன் மூலம் நான் என் வேலையை பார்த்தவாறு அமைதியாக செல்கிறேன் என்பதை சூசகமாக அவர் வெளிப்படுத்தியுள்ளார் என்றே தெரிகிறது.

சிட்டாடல்: ஹனி பன்னி வெப் தொடர்

ஹாலிவுட்டில் பிரியங்கா சோப்ரா - ரிச்சர்டு மேடன் நடிப்பில் ஆக்‌ஷன் கலந்த ஸ்பை த்ரில்லராக வெளியான வெப் தொடர் சிட்டாடல். இதன் இந்திய பதிப்பாக சிட்டாடல்: ஹனி பன்னி உருவாகியுள்ளது. இதில் சமந்தா, பாலிவுட் நடிகர் வருண் தவான் பிரதான கதாபாத்திரத்தில் நடித்துள்ளார்.

ரசிகர்கள் மத்தியில் எதிர்பார்ப்பை ஏற்படுத்தியிருக்கும் இந்த வெப் தொடர் நவம்பர் 6 முதல் அமேசான் ப்ரைம் ஓடிடி தளத்தில் ஸ்டிரீம் ஆக உள்ளது. தி பேமிலி மேன், பார்ஸி வெப் தொடர்களை இயக்கிய ராஜ் மற்றும் டிகே சிட்டாடல் இந்திய பதிப்பை இயக்கியுள்ளனர்.

இந்த மாத தொடக்கத்தில் இதன் டீசர் வெளியீட்டு நிகழ்ச்சி நடைபெற்றது. சிட்டாடல்: ஹனி பன்னி டீசர் தெறிக்கவிடும் ஆக்‌ஷன், க்யூட்டான ரொமான்ஸ் என பட்டையை கிளப்பியுள்ளார் சமந்தா.

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

Twitter: https://twitter.com/httamilnews

Facebook" https://www.facebook.com/HTTamilNews

You Tube: https://www.youtube.com/@httamil

Google News: https://tamil.hindustantimes.com/