தெறிக்கவிடும் வருண் தவான் - கீர்த்தி சுரேஷ் கெமிஸ்ட்ரி..தெறி ரீமேக் பேபி ஜான் படத்தின் முதல் சிங்கிள் அறிவிப்பு

பாடகி தீ பாடியிருக்கும் டான்ஸ் நம்பர்

முராத் கெடானி, ப்ரியா அட்லீ மற்றும் ஜோதி தேஷ்பாண்டே ஆகியோர் ‘பேபி ஜான்’ படத்தைத் தயாரித்துள்ளனர். படத்தின் முதல் பாடலான 'நைன் மடாக்கா' நிச்சயம் டான்ஸ் ஆந்தமாக இருக்கும் என்பதில் சந்தேகம் இல்லை. இர்ஷாத் கமில் எழுதிய இந்தப் பாடலுக்கு எஸ். தமன் இசையமைத்துள்ளார். உலகப்புகழ் பெற்ற பாடகர்களான தில்ஜித் தோசன்ஜ் மற்றும் தீக்‌ஷிதா வெங்கடேசன் என்கிற தீ ஆகிய இருவரும் முதல்முறையாக இணைந்து இந்தப் பாடலை பாடியுள்ளனர்.

வருண் தவான் மற்றும் கீர்த்தி சுரேஷ் ஆகியோருக்கு இடையேயான கெமிஸ்ட்ரியை வெளிக்கொண்டு வரும் வகையில் அதிரடி பெப்பி பாடலாக இது இருக்கும். தில்ஜித்தின் வைப்ரண்ட் குரலும் தீயின் மாயாஜால குரலும் நிச்சயம் பாடலை ஹிட்டாக்கி விடும்.

அதிரடி ஆக்‌ஷன் காட்சிகள் இடம்பெற்றுள்ள இந்த படத்தின் டீசர் சமீபத்தில் வெளியாகி ரசிகர்களை குஷிப்படுத்தியுள்ளது. இப்போது, இசையும் படத்துக்கு மேலும் வலுசேர்க்கும் விதமாக அமைந்திருக்கும் என கூறப்படுகிறது.

பேபி ஜான் படம்

இந்த படத்தில் வருண் தவான், ஜாக்கி ஷெராஃப், வாமிகா கபி, சான்யா மல்கோத்ரா முக்கிய கதாபாத்திரங்களில் நடித்துள்ளார்கள். தென் இந்தியாவில் முன்னணி ஹீரோயினாக இருந்து வரும் கீர்த்தி சுரேஷ் பேபி ஜான் படம் மூலம் பாலிவுட்டில் அறிமுகமாகிறார்.அட்லீ மற்றும் சினி1 ஸ்டுடியோஸுடன் இணைந்து ஜியோ ஸ்டுடியோஸ் வழங்கும் ’பேபி ஜான்’ படத்தை, ஏ ஃபார் ஆப்பிள் ஸ்டுடியோஸ் மற்றும் சினி1 ஸ்டுடியோஸ் தயாரித்துள்ளது. படம் டிசம்பர் 25, 2024 அன்று வெளியாகிறது.

பேபி ஜான் படத்தை இந்தியுடன், தமிழ், தெலுங்கு உள்பட இதர தென்னிந்திய மொழிகளிலும் டப்பிங் செய்து வெளியிட இருப்பதாக தகவல்கள் தெரிவிக்கின்றன.

பாலிவுட் படங்களில் தமிழ் நடிகைகள்

வழக்கமாக மும்பை சேர்ந்த மாடல்கள், பாலிவுட் படங்களில் நடித்தவர்கள் பலரும் தென் இந்திய சினிமாக்களில் நடிகையாக அறிமுகமாக இங்கு ஜொலித்துள்ளார்கள். அப்படிதான் சிம்ரன், ஜோதிகா, லைலா, தமன்னா, இலியானா என பல நடிகைகள் தமிழ், தெலுங்கு உள்ளிட்ட தென் இந்திய மொழிகளில் டாப் நடிகைகளாக கோலோச்சியுள்ளார்கள்.

இதைப்போல் தென் இந்திய சினிமாக்களில் இருந்து சில நடிகைகள் பாலிவுட் சினிமாக்களில் தங்களது திறமையை வெளிக்காட்டியுள்ளனர். இதில், மறைந்த நடிகை ஸ்ரீதேவி, த்ரிஷா, அசின், ஸ்ருதிஹாசன் உள்பட பலரும் உள்ளார்கள். இந்த லிஸ்டில் லேட்டஸ்டாக லேடி சூப்பர் ஸ்டார் நயன்தாரா, சமந்தா, ரெஜினா காசண்ட்ரா ஆகியோர் இணைந்துள்ளனர். இவர்களை தொடர்ந்து தற்போது பேபி ஜான் படம் மூலம் கீரித்தி சுரேஷும் இணையவுள்ளார்.   

தெறி படத்தில் சமந்தா நடித்த கதாபாத்திரத்தில் பேபி ஜான் படத்தில் கீர்த்தி சுரேஷ் நடித்துள்ளார்.