கூமுட்டை விஜய்.. கொந்தளிக்கும் சீமான்.. வறுத்தெடுக்கும் நெட்டிசன்ஸ்! - தமிழகத்திற்கு விஜய் சரியான தேர்வா?
நடிகர் விஜயின் கொள்கைகளை சீமான் கூமுட்டை என்று விமர்சித்து இருக்கும் நிலையில், அது தொடர்பாக சோசியல் நிலவும் கருத்துக்களை பார்க்கலாம்.
தமிழக வெற்றிக்கழக மாநாடு கடந்த அக்டோபர் 27ம் தேதி விழுப்புரம் மாவட்டம், விக்கிரவாண்டியில் பிரமாண்டமாக நடைபெற்றது. லட்சக்கணக்கான மக்கள் கலந்து கொண்ட இந்த மாநாட்டில், தன்னுடைய கொள்கைகள் மற்றும் திட்டங்களை அறிவித்தார். அப்போது அவர் தமிழ் தேசியமும், திராவிடமும் ஒன்றுதான் என்றும் பிளவுவாத அரசியலை முன்னெடுக்கும் கட்சியும், திமுகவுமே தன்னுடைய எதிரி என்றும் பேசினார். இந்த நிலையில், விஜயின் கொள்கைகளை நாம் தமிழர் கட்சியின் தலைமை ஒருங்கிணைப்பாளர் சீமான் கடுமையாக விமர்சித்து வருகிறார். அண்மையில், நாம் தமிழர் கட்சியின் தமிழ்நாடு நாள் கொண்டாட்டக் கூட்டம் சென்னை பெரம்பூரில் நடைபெற்றது.
அதில் அவர், “விஜய், ஒன்று திராவிடம் அல்லது தமிழ் தேசியம் ஏதாவது ஒரு கொள்கைக்கு வரவேண்டும். தம்பி என்ற உறவு வேறு. கொள்கையில் முரண் வேறு. என்னைப் பெற்ற தாய் தந்தையராகவே இருந்தாலும், எங்களுடைய கொள்கைக்கு எதிராக இருந்தால், எதிரி எதிரிதான் என்று சாடிய அவர், விஜயின் பேச்சை கூமுட்டைத்தனமானது என்றும் விமர்சித்து இருந்தார்.
இந்த நிலையில், சீமானுக்கு எதிராக விஜய் ரசிகர்கள் அவரின் முந்தைய வீடியோக்களை சமூக வலைதளங்களில் ட்ரெண்ட் செய்து வருகின்றனர். இதற்கிடையே, நடிகர் விஜய்க்கு எதிராகவும், ஒரு நடிகர் அரசியலுக்கு வருவதின் வாயிலாக அவர் மக்களை எந்தளவுக்கு முட்டாளாக்குகிறார் என்பது குறித்தான வீடியோக்களும் சமூகவலைதளங்களில் உலா வருகின்றன. அவற்றின் தொகுப்பை பார்க்கலாம்.
இது ஒரு பக்கம் இருந்தாலும், நமக்கான தலைவர்களை திரையில் தேடுவதில் உள்ள பிரச்சினை என்ன, அவர்கள் எவ்வாறு நிறம் மாறுகிறார்கள் உள்ளிட்டவை குறித்து விஜய் டிவியில் ஒளிப்பரப்பான தமிழ் பேச்சு எங்கள் மூச்சு நிகழ்ச்சியில் பேச்சாளர் ஒருவர் பேசினார். இந்த வீடியோவும் சோசியல் மீடியாவில் கவனம் பெற்று வருகிறது.
இந்த பிரச்சினை கொளுந்து விட்டு எரிந்து கொண்டிருக்கும் நிலையில் இன்று விஜய் தன் கட்சியின் மாவட்ட நிர்வாகிகளுடன் சென்னை பனையூரில் உள்ள அலுவலகத்தில் ஆலோசனைநடத்தி வருவது குறிப்பிடத்தக்கது.
டாபிக்ஸ்