எனது அதிர்ஷ்டம்.. நான் இப்போதும் சராசரிதா.. எத்தனையோ வெற்றிகளை சந்தித்து இருந்தாலும்.. நடிகை சமந்தா ஓபன் டாக்

தெறிக்கவிடும் ஆக்‌ஷன் அவதாரம்

சுமார் 2.51 நிமிடங்கள் ஓடக்கூடிய சிட்டாடல்: ஹனி பன்னி ட்ரெயல்ர் முழுவதிலும் தெறிக்கவிடும் ஆக்‌ஷன் காட்சிகளில் மிரட்டியுள்ளார் சமந்தா. பாலிவுட் நடிகர் வருண் தவான் ஜோடியாக நடித்திருக்கும் சமந்தா, பெண் குழந்தைகளுக்கு தாயாகவும், சீக்ரெட் ஏஜெண்டாகவும் தோன்றுகிறார். ட்ரெயலரில் இடம்பிடித்திருக்கும் காட்சிகளில் பைக் ஸ்டண்ட், கார் சேஸ், கன் பைட் என வருண் தவானுடன் இணைந்தும், தனியாகவும் மிரட்டியுள்ளார் சமந்தா. இதன் மூலம் புதிய அவதாரம் ரசிகர்களுக்கு சமந்தாவின் விருந்து காத்திருக்கிறது என்றே கூறலாம். இந்த ட்ரெயலர் நல்ல வரவேற்பை பெற்றுள்ளது.

இது எனது அதிர்ஷ்டம்

இந்த நிலையில் சமந்தா அளித்த பேட்டியில், "நான் இப்போதும் சராசரி நடிகை தான். இன்னும் நடிப்பில் முதிர்ச்சியை கொண்டு வரும் முயற்சியில் இருக்கிறேன். எனது சினிமா பயணத்தில் எத்தனையோ வெற்றிகளை சந்தித்து இருந்தாலும் இவை அனைத்தும் கூட்டு முயற்சி காரணம். ஒரு படத்திற்கு பின்னால் நிறைய நிபுணர்களின் உழைப்பு உள்ளது. ஒரு திரைப்படத்திற்கு என்னால் திறமையான குழுவினர் இருந்தால்தான் நமது திறமை வெளியே வரும். நான் திறமையான குழுவினர் மற்றும் நடிகர் நடிகைகள் தொழில்நுட்ப கலைஞர்களுடன் இணைந்து பணியாற்றி இருக்கிறேன். இது எனது அதிர்ஷ்டம்" இவ்வாறு அவர் தெரிவித்துள்ளார்

தமிழ் ரசிகர்களிடையே காதலை புது பாணியில் பேசிய படம் கௌதம் வாசுதேவ் மேனனின் விண்ணைத் தாண்டி வருவாயா. இந்தப் படத்தில் சிறு கதாப்பாத்திரத்தில் நடித்து சினிமாவில் எண்ட்ரி கொடுத்தவர் சமந்தா. பின் இதே படத்தின் தெலுங்கு வெர்ஷனில் திரிஷாவிற்கு பதிலாக கதாநாயகியாக அறிமுகமானார் சமந்தா. இந்தப் படத்தில் கதாநாயகனாக நடித்தவர் நாக சைதன்யா.

திருமணம்- விவாகரத்து

இந்தப் படத்தின் மூலம் அறிமுகமான இருவரும் காதல் வலையில் விழுந்தனர். பின் இருவரும் திரைத்துறையில் தங்களை நிலை நிறுத்த போராடினாலும் காதலர்களாக வலம் வந்தனர். இதற்கிடையில், தமிழ், தெலுங்கு என இரு மொழிகளிலும் சமந்தா முன்னணி நடிகையாக வலம் வரத் தொடங்கியிருந்தார்.

பின் சமந்தாவும்- நாக சைதன்யாவும் இருவீட்டார் சம்மதத்துடன் கடந்த 2017ம் ஆண்டு திருமணம் செய்து கொண்டனர். திருமணத்திற்கு பின்னும் இருவரும் சினிமாவில் நடித்து வந்தனர். இந்தநிலையில், சமந்தா ரசிகர்கள் கொண்டாடும் மாபெரும் நடிகையாக உருவெடுத்தார்.

இதற்கிடையில் நாக சைதன்யாவிற்கும் சமந்தாவிற்கும் இடையே கருத்து வேறுபாடுகள் ஏற்பட்டது. இந்தத் தகவல்கள் மீடியாவில் கசியத் தொடங்கியது. இதைத் தொடர்ந்து இருவரும் திருமண வாழ்வில் இருந்து விலகுவதாக கூட்டாக அறிவித்தனர். இது அவர்களது ரசிகர்களுக்கு பேரதிர்ச்சியாக இருந்தது. இவர்களின் பிரிவுக்கு பல காரணங்கள் கூறப்பட்டு வந்த நிலையில், சமந்தா மீண்டும் கெரியரில் கவனம் செலுத்தத் தொடங்கினார்.

வெப் சீரிஸ்களிலும் கவனம்

ஆனால், சில நாட்களிலேயே அவர் மையோசிடிஸ் எனும் அரியவகை நோயினால் பாதிக்கப்பட்டார். காதல் கணவரின் பிரிவும் நோயும் ஒருசேர சமந்தாவை தாக்கியது. அந்த நேரங்களில் எல்லாம் மனம் தளராத சமந்தா தொடர்ச்சியாக தன்னை நோயில் இருந்து வெளியில் கொண்டு வரவும் தன்னை உயிர்ப்புடன் வைத்துக்கொள்ளவும் பல முயற்சிகளை செய்தார். அவ்வப்போது தனது ஒர்க் அவுட் வீடியோக்களை இன்ஸ்டாவில் வெளியிட்டார். அது அவரது ரசிகர்களுக்கு ஆறுதலாக இருந்தது.

பின், சிகிச்சைக்காக சினிமாவிலிருந்து சில காலம் ஓய்வெடுத்து வந்தார். தற்போது சிகிச்சை முடிந்து நடிப்பைத் தொடங்கிய சமந்தா தற்போது டாப் கியரில் பறந்து வருகிறார். இவர் தற்போது திரைப்படங்களைத் தொடர்ந்து வெப் சீரிஸ்களிலும் முக்கியமாக கவனம் செலுத்தி வருகிறார் என்பது குறிப்பிடத்தக்கது.

சினிமா தொடர்பான பல சுவாரஸ்யமான தகவல்களை அறிந்து கொள்ள இந்துஸ்தான் டைம்ஸ் தமிழுடன் இணைந்திருங்கள்