The GOAT: ‘என்ன நட என்ன நட எரிமலை ஜிலுக்கா’ - வெளியானது தி கோட் படத்தின் மட்ட பாடல்!

தி கோட் திரைப்படத்தில் நடிப்பவர்கள் விவரம்:

இயக்குநர் வெங்கட் பிரபு இயக்கத்தில் நடிகர் விஜய் நடித்து வரும் திரைப்படம், தி கோட். அதாவது தி கிரேட்டஸ்ட் ஆஃப் ஆல் டைம் (The Greatest Of All Time) என்பதின் சுருக்கமே ‘ தி கோட்’. இது விஜய்யின் 68ஆவது படமாகும். இப்படத்தில் நடிகர் விஜய்க்கு ஜோடியாக மீனாட்சி செளத்ரி நடித்துவருகிறார்.

தவிர, இந்தப் படத்தில் பிரசாத், பிரபுதேவா, மோகன், ஜெயராம், சினேகா, லைலா, அஜ்மல், வைபவ், பிரேம்ஜி அமரன், யுகேந்திரன் ஆகியோரும் முக்கியக் கதாபாத்திரங்களில் நடித்துள்ளனர்.

இரட்டை வேடத்தில் தி கோட் படத்தில் நடிக்கும் விஜய்:

‘தி கிரேட்டஸ்ட் ஆஃப் ஆல் டைம்’ திரைப்படத்தின் படப்பிடிப்பு தமிழ்நாட்டின் சென்னை மட்டுமல்லாது, தாய்லாந்து, ஹைதராபாத், இலங்கை, புதுச்சேரி, திருவனந்தபுரம், ரஷ்யா ஆகிய இடங்களிலும் நடைபெற்று வருகிறது. மேலும் நடிகர் விஜய், இந்த திரைப்படத்தில், இரண்டு வேடங்களில் நடித்திருக்கிறார். முன்பே, நடிகர் விஜய், அழகிய தமிழ் மகன், வில்லு, கத்தி, மெர்சல்,பிகில், லியோ ஆகியப் படங்களில் இரட்டை வேடங்களில் நடித்திருந்த நிலையில் தற்போதும் இரட்டை வேடத்தில் நடித்து இருக்கிறார் என்பது குறிப்பிடத்தக்கது.

தி கோட் தொழில்நுட்பக் குழுவினர் விவரம்:

இந்தப் படத்தின் மூலம் நடிகர் விஜய்யின் படத்துக்கு, பல ஆண்டுகளுக்குப் பின், யுவன் சங்கர் ராஜா முதன்முறையாக இசையமைக்கிறார். இப்படம் தமிழ், தெலுங்கு மற்றும் இந்தி மொழிகளில் ரிலீஸாகும் வகையில் தயார் ஆகி வருகிறது. இப்படத்தை ஏஜிஎஸ் என்டர்டெயின்மென்ட் சார்பாக, கல்பாத்தி அகோரம்,கல்பாத்தி கணேஷ், கல்பாத்தி சுரேஷ் என சகோதரர்கள் மூவர் இணைந்து தயாரிக்கின்றனர்.

‘’தி கிரேட்டஸ்ட் ஆஃப் ஆல் டைம்'' படத்துக்கு உண்டான ஒளிப்பதிவினை சித்தார்த்தா நுனி புரிய, வெங்கட் ராஜின் என்பவர் எடிட் செய்கிறார். இப்படத்துக்குண்டான வசனத்தை விஜி மற்றும் வெங்கட் பிரபு ஆகிய இருவரும் இணைந்து எழுதியுள்ளனர்.

இப்படத்தில் கங்கை அமரன், மதன் கார்க்கி, கபிலன் வைரமுத்து, விவேக் ஆகிய நால்வர் சேர்ந்து, படத்துக்குண்டான பாடல்களை எழுதியுள்ளனர்.

பொதுவாகவே விஜய் படத்தில் நடனம் பட்டையைக் கிளப்பும். இப்படத்திலும் நடனத்திற்கு வலுவாக இடம்தரும் ராஜூ சுந்தரம், சேகர் மற்றும் சதீஷ் ஆகியோர் சேர்ந்து பாடல்களுக்கு நடன அமைப்பினை செய்துள்ளனர்.

அதேபோல், விஜய் படத்தில் அதிரடி ஆக்‌ஷன் காட்சிகளுக்கும் பஞ்சமிருக்காது. அதற்கும் தீனிபோடும் வகையில் திலீப் சுப்புராயன் மாஸ்டர், தி கோட் திரைப்படத்துக்கான சண்டைக் காட்சிகளை வடிவமைத்துள்ளார். மேலும், இத்திரைப்படத்தை நெட்ஃபிளிக்ஸ் ஓடிடி தளம் வாங்கியுள்ளதாகவும் கூறப்படுகிறது.

தி கோட் படத்தில் லேட்டஸ்ட்டாக வெளியான நான்காவது பாடல்:

இப்படத்தின் அதிகாரப்பூர்வ படப்பிடிப்பு அக்டோபர், 2023ல் தொடங்கியது. மேலும், இப்படத்தினை 2024ஆம் ஆண்டு, செப்டம்பர் மாதம் ரிலீஸ் செய்ய படக்குழு திட்டமிட்டு வருகின்றனர். ‘தி கோட்’ திரைப்படத்தின் முதல் சிங்கிள் பாடல், விசில் போடு, ஏப்ரல் 14 சித்திரை முதல் நாளை ஒட்டி ரிலீஸ் செய்யப்பட்டது.

அடுத்து நடிகர் விஜய்யின் பிறந்த நாளையொட்டி, தி கோட் படத்தின் இரண்டாவது பாடலான ’சின்ன சின்ன கண்கள்’ பாடல், நடிகர் விஜய்யின் 50ஆவது பிறந்த நாளை ஒட்டி ரிலீஸானது. இப்பாடலில் ஏ.ஐ. தொழில் நுட்பத்தில் பவதாரிணி குரல் பயன்படுத்தப்பட்டது.

அடுத்து தி கோட் படத்தில் இருந்து ‘ஸ்பார்க்’ பாடல் வெளியானது.இந்தப் பாடல் ஓரளவு கவனம் பெற்றது. அதைத் தொடர்ந்து, நான்காவதாக, இசையமைப்பாளர் யுவன் சங்கர் ராஜாவின் பிறந்தநாளை ஒட்டி, ஆகஸ்ட் 31ஆம் தேதியான இன்று மாலை‘ மட்ட’ என்னும் பாடலை ‘தி கோட்’ படக்குழு வெளியிட்டுள்ளது. இப்படத்தின் பாடலை யுவன் சங்கர் ராஜா, செண்பக ராஜ், வேலு, சாம், நாராயணன் ரவி சங்கர் ஆகியோர் சேர்ந்து பாடியுள்ளனர். இப்பாடலை கவிஞர் விவேக் இயக்கியுள்ளார். இதில் ‘என்ன நட என்னநட எரிமலை ஜிலுக்கா’, என எழுதப்பட்ட இப்படத்தின் பாடல்வரிகள் இளைஞர்கள் பலரை ஈர்க்கும் வகையில் இருக்கிறது.