“சாப்ட்டு சாப்ட்டு தூங்கி.. ரொம்ப வெயிட் போட்டுட்டேன்.. சேலை உடுத்தினா கூட கிளாமரா.. செக்ஸி வேற.. கிளாமர் வேற” -மந்த்ரா

தெலுங்கில் ராசி என்ற பெயரில் அறிமுகிமாகி அங்கும் பல திரைப்படங்களில் நடித்தவர், மலையாள படங்களிலும் நடித்திருக்கிறார். இவர் தற்போது மீண்டும் ரீ என்ட்ரி கொடுத்திருக்கிறார். இந்த நிலையில் அவர் தற்போது கலாட்டா சேனலுக்கு கொடுத்த பேட்டியில், தன்னுடைய எடை இழப்பு பற்றி பேசி இருக்கிறார்.

இது குறித்து அவர் பேசும் போது, “கல்யாணத்திற்கு பிறகு நான் வெயிட் போட்டது உண்மைதான். கல்யாணத்திற்கு முன்னதாக, நான் திரைப்படங்களில் மிகவும் பிசியாக நடித்துக்கொண்டிருந்தேன். அதனால், அதற்கு ஏற்றவாறு உடம்பையும் கனகச்சிதமாக பேணி பாதுக்காக்க வேண்டி இருந்தது.

இதனால் பிடித்த உணவுகளை சாப்பிடாமல் டயட் இருந்து கொண்டே இருந்தேன். கல்யாணத்திற்கு பிறகு அவையனைத்தையும் நான் விட்டு விட்டேன். நன்றாக சாப்பிட்டு, சாப்பிட்டு தூங்கினேன். அதனால்தான் என்னுடைய எடை அதிகமானது. மீண்டும் திரைத்துறையில் நடிக்க வேண்டும் என்று முடிவு செய்த பின்னர், டயட் இருந்து, உடற்பயிற்சிகளை மேற்கொண்டு எடையை குறைத்து இருக்கிறேன்.

கிளாமர் என்பது என்ன?

கிளாமர் என்பது தனிப்பட்ட நபர்களின் பார்வையை பொருத்தது. செக்ஸியாக பார்ப்பது வேறு, கிளாமராக பார்ப்பது வேறு. சேலைக்கட்டியதை கூட நீங்கள் கிளாமராக பார்க்கலாம். ஆகையால், அதை குறிப்பிட்டு இதுதான் என்று கூற முடியாது. அது அந்தக்காட்சியின் சூழ்நிலையை பொறுத்தது.

கிளாமரை பொருத்தவரை நான் என்னுடைய டைரக்டர் என்ன கேட்கிறாரோ, அதை அப்படியே நான் நடித்து விடுவேன். காரணம் அது அவரது திரைப்படம், ஆகையால் அவருக்கு என்னை எப்படிக்காட்ட வேண்டும் என்பது நன்றாகவே தெரியும். ஆனாலும், எனக்கு ஏதாவது அசெளகரியம் இருந்தால் அதை நான் அவரிடம் பணிவோடு கூறி விடுவேன். குறிப்பாக ஸ்லீவ் லெஸ் எனக்கு பிடிக்காத ஒரு ஆடை. அதில் மட்டும் மாறுதல்களோடு ஆடைகளை தேர்வு செய்து நடிப்பேன்.

கல்யாண வாழ்க்கை

அவர் பேசும் போது, “என்னுடைய கேரியரில் இருந்து பிரேக் எடுக்க வேண்டும் என்ற காரணத்திற்காகத்தான் நான் திருமணமே செய்து கொண்டேன். எனக்கு அப்போது 21 வயது. பொதுவாக ஹீரோயின்கள் எல்லோரும் 24 அல்லது 25 வயதில் திருமணம் செய்து கொள்வார்கள். ஆனால் நான் அதையெல்லாம் பார்க்கவே இல்லை.

வீட்டிலும் என்னை பெண் கேட்டு பலர் வந்தார்கள். ஒவ்வொரு கதாநாயகிக்கும் பீக் டைம் என்ற ஒன்று உண்டு. அந்த பீக் டைம் இறங்கிய உடன் அவர்கள் கெரியரை விட்டு விலகி விடுவார்கள். அதே போலதான் என்னுடைய மார்க்கெட்டும் கொஞ்சம் கொஞ்சமாக இறங்குவதை என்னால் பார்க்க முடிந்தது. என்னுடைய அப்பா எப்போதுமே கெரியரின் பீக்கில் இருக்கும் போது, நீ சினிமாவை விட்டு வந்து விட வேண்டும். அப்போதுதான் நீ மக்கள் மனதில் நன்றாக நினைவிருப்பாய் என்பார்.

அடுத்தக்கட்டத்திற்குச் சென்ற உறவு

ஆகையால், அந்த எண்ணம் என் மனதில் ஓடிக்கொண்டே இருந்தது. என்னுடைய கடைசி திரைப்படத்தில்தான் என்னுடைய கணவரை நான் சந்தித்தேன். அவர் அந்தப்படத்தில் அசோசியேட் டைரக்டராக இருந்தார். இருவரும் பேசினோம். பழகினோம்.. நண்பர்கள் ஆனோம். நாளடைவில் உறவு அடுத்தக்கட்டத்தை நோக்கி செல்வதை என்னால் உணர முடிந்தது. இதனையடுத்து நான் என்னுடைய காதலை வீட்டில் சொன்னேன். ஆனால், அவர்கள் ஒத்துக்கொள்ளவே இல்லை. அவர்கள் டாப் ஹீரோயினியாக இருக்கும் உனக்கு அவர் கணவரா? இது இருவருக்குமே பிரச்சினையை உருவாக்கும் என்றனர்.

ஆனால் நான் என்னுடைய முடிவில் உறுதியாக இருந்தேன். ஒரு கட்டத்தில், அவர்கள் சமாதானம் ஆகி கல்யாணத்திற்கு ஒத்துக்கொண்டார்கள். கல்யாணம் ஆகி 2, 3 வருடங்கள் கழித்து குழந்தை பெற்றுக்கொள்ளலாம் என்று திட்டமிட்டு இருந்தோம். ஆனால், 10 வருடங்கள் ஆகிவிட்டது. அதனை நாங்கள் எதிர்பார்க்கவில்லை. பெரியவர்கள் குழந்தை பிறப்பை திட்டமிடாதீர்கள் என்பார்கள். அது என் விஷயத்தில் அப்படியே நடந்தது. அந்த 10 வருடங்களில் எனக்கு அவ்வளவு அனுபவம் கிடைத்தது. அது ஒரு பக்கம் இருந்தாலும், நான் சந்தோஷமாகத்தான் இருந்தேன். நானும் அவரும் நன்றாக ஊர் சுற்றுவோம். பிடித்ததை வாங்கி சாப்பிடுவோம்.. ஜாலியாக இருந்தோம்.” என்று பேசினார்.