Manjummel Boys: இது தான் ஃப்ர்ஸ்ட்.. மலையாள சினிமாவில் சாதனை படைத்த மஞ்சுமெல் பாய்ஸ்..
Manjummel Boys: ரஷ்யாவில் நடைபெற்று வரும் கினோபிராவோ திரைப்பட விழாவில் மஞ்சுமெல் பாய்ஸ் திரைப்படம் திரையிடப்படுகிறது. இதுவரை எந்த மலையாளப் படமும் இந்த விழாவில் திரையிடப்படாத, மஞ்சுமெல் பாய்ஸ் திரைப்படம் இந்த சாதனையை படைத்துள்ளது
நண்பர்களுடன் கொடைக்கானலுக்கு சுற்றுலா சென்றபோது நடந்த உண்மை சம்பவத்தை அடிப்படையாகக் கொண்டு வெளியான மலையாளத் திரைப்படம் மஞ்சுமெல் பாய்ஸ். இந்தத் திரைப்படம் மலையாளத்தில் பெரும் தாக்கத்தை ஏற்படுத்திய நிலையில், தமிழ் உள்ளிட்ட மொழிகளில் டப் செய்யப்பட்டது. திரையரங்குகளில் இந்தப் படத்தை பார்ப்பவர்களின் எண்ணிக்கை நாளுக்கு நாள் அதிகரிக்கத் தொடங்கி வசூலையும் பாராட்டையும் குவித்து வந்தது.
ரஷ்யாவில் திரையிடப்படும் மஞ்சுமெல் பாய்ஸ்
இந்த நிலையில், அந்தப் படம் புதிதாக ஒரு சாதனையையும் படைத்துள்ளது. அதாவது அந்தப் படம் தற்போது ரஷ்யாவில் நடைபெற்று வரும் கினாபிராவோ திரைப்பட விழாவில் திரையிடுவதற்காக தேர்ந்தெடுக்கப்பட்டுள்ளதாம். மேலும் இந்தப் படம் செப்டம்பர் 30 மற்றும் அக்டோபர் 1ம் தேதி அந்த விழாவில் திரையிடுவதற்கு திட்டமிடப்பட்டுள்ளதாம். இதன்மூலம் மஞ்சுமெல் பாய்ஸ் திரைப்படம் தான் இந்த விழாவில் திரையிடப்படும் முதல் மலையாளப்படம் என்ற பெருமையை பெற்று சாதனை படைத்துள்ளது.
இளைஞர்கள் சுற்றுலா
கேரள மாநிலம் கொச்சி அருகே உள்ள மஞ்சுமெல் எனும் கிராமத்தில் வாழும் இளைஞர்கள் சிலர் கொடைக்கானலுக்கு சுற்றுலா வருகிறார்கள். அங்கு கமல்ஹாசனின் குணா படப்பிடிப்பு நடந்த குணா குகை பார்க்க செல்கின்றனர். அங்கு ஒருவர் இது உண்மையான குகை அல்ல, குணா குகை இருக்கும் இடம் எனக்கு தெரியும் எனக் கூறுவதைக் கேட்டு அங்கு செல்கின்றர். அப்போது சுற்றுலா சென்றவர்களில் ஒருவர் குகைக்குள் விழுந்து விடுகிறார். அவரைக் காப்பாற்ற இளைஞர்கள் எடுக்கும் முயற்சியும் தவிப்புமே மஞ்சுமெல் பாய்ஸ்.