வேட்டையன் ஓடிடி ரிலீஸ் தேதி..தீபாவளி ஸ்பெஷலாக லப்பர் பந்து உள்பட மேலும் இரண்டு தமிழ் படங்கள் - ஓடிடி அப்டேட்கள்
வேட்டையன் ஓடிடி ரிலீஸ் தேதி அறிவிக்கப்பட்டிருக்கும் நிலையில், தீபாவளி ஸ்பெஷலாக லப்பர் பந்து உள்பட மேலும் இரண்டு தமிழ் படங்கள் வெளியாகியுள்ளன. ஓடிடியில் வெளியாகியிருக்கும் புதிய ரிலீஸ் அப்டேட்களை பார்க்கலாம்
பெரிதும் எதிர்பார்ப்பை ஏற்படுத்திய சூப்பர் ஸ்டார் ரஜினிகாந்த் நடித்திருக்கும் வேட்டையன் படத்தின் ஓடிடி ரிலீஸ் குறித்து அதிகாரப்பூர்வமாக அறிவிக்கப்பட்டுள்ளது. இந்த படத்துடன் தீபாவளி வெளியீடாக பிரபல ஓடிடியில் வந்திருக்கும் தமிழ் படங்கள் எவையெல்லாம் என்பதை பார்க்கலாம்.
வேட்டையன் ஓடிடி ரிலீஸ்
கடந்த 10ஆம் தேதி தசரா பண்டிகை ரிலீஸாக சூப்பர் ஸ்டார் ரஜினிகாந்த் நடித்த வேட்டையன் படம் வெளியானது. கலவையான விமர்சனங்களை பெற்ற போதிலும் ரசிகர்களை கவர்ந்த இந்த படம் பாக்ஸ் ஆபிஸில் இதுவரை ரூ. 300 கோடி மேல் வசூலித்திருப்பதாக கூறப்படுகிறது.
இதையடுத்து வேட்டையன் படம் அமேசான் ப்ரைம் விடியோவில் வரும் நவம்பர் 8 முதல் ஸ்டிரீம் ஆகும் என அறிவிக்கப்பட்டுள்ளது. ஆக்ஷன் த்ரில்லர் பாணியில் உருவாகியிருக்கும் இந்த படத்தை டி. ஜே. ஞானவேல் இயக்கியுள்ளார். பாலிவுட் மெகா ஸ்டார் அமிதாப் பச்சன், மஞ்சுவாரியர், மலையாள நடிகர் ஃபகத் பாசில், தெலுங்கு நடிகர் ராணா, ரித்திகா சிங், துஷாரா விஜயன், அபிராமி என பெரும் நட்சத்திர பட்டாளமே படத்தில் நடித்துள்ளார்கள்.
லப்பர் பந்து
கடந்த செப்டம்பர் 20ஆம் தேதி வெளியாகி ரசிகர்களால் பெரிதும் கொண்டாடப்பட்ட படம் லப்பர் பந்து. இந்த படத்தை அறிமுக இயக்குநர் தமிழரசன் பச்சமுத்து இயக்கியுள்ளார். ஹரிஷ் கல்யாண் மற்றும் அட்டகத்தி தினேஷ் இணைந்து கதாநாயகர்களாக நடித்துள்ளனர். சஞ்சனா கிருஷ்ணமூர்த்தி, ஸ்வாசிகா கதாநாயகிகளாக நடித்துள்ளனர். மேலும் தேவதர்ஷினி, பால சரவணன் உள்ளிட்ட பலர் முக்கிய கதாபாத்திரங்களில் நடித்துள்ளனர்.
குறைந்த பட்ஜெட்டில் உருவாகி பாக்ஸ் ஆபிஸ் நல்ல வசூலை குவித்திருக்கும் லப்பர் பந்து தீபாவளி ஸ்பெஷலாக டிஸ்னி ப்ளஸ் ஹாட்ஸ்டார் ஓடிடி தளத்தில் வெளியாகியுள்ளது.
அந்தகன்
பாலிவுட்டில் வெளியான அந்தாதூன் படத்தின் ரீமேக்காக கடந்த ஆகஸ்ட் 9ஆம் வெளியாகியிருக்கும் அந்தகன் கலவையான விமர்சனங்களை பெற்ற போதிலும் பாக்ஸ் ஆபிஸில் நல்ல வசூலை பெற்றது. செப்டம்பர் மாதம் வெளியான படங்கள் கூட ஓடிடியில் வெளியாகியிருக்கும் நிலையில், தற்போது பிரசாந்த் நடித்திருக்கும் அந்தகன் அமேசான் ப்ரைம் விடியோவில் வரும் அக்டோபர் 30ஆம் தேதி முதல் தீபாவளி ஸ்பெஷலாக ஸ்டிரீம் ஆகி வருக்கிறது.
அஞ்சாமை
எஸ்.பி.சுப்புராமன் இயக்கியிருக்கும் பேமிலி ட்ராமா படமான அஞ்சாமை படத்தில விதார்த், வாணி போஜன், ரஹ்மான், ரேகா சிவன், கிருத்திக் மோகன் உள்பட பலரும் நடித்துள்ளார்கள். நீட் தேர்வைச் சுற்றியுள்ள பிரச்சனைகள் மற்றும் அதனுடன் பின்னிப்பிணைந்த அரசியலை கூறும் விதமாக படத்தின் கதை அமைந்துள்லது. டாக்டராக ஆசைப்படும் மாணவன் சந்திக்கும் அதிகாரத்துவ தடைகள் மற்றும் அமைப்பு ரீதியான குறைபாடுகள் அவரது கனவுகளை அச்சுறுத்துவதால், ஒரு அதிர்ச்சியூட்டும் திருப்பம் அவரை நீதிக்கான ஒரு பிடிமான பயணத்தில் அமைக்கிறது.
விக்ரம் நடிப்பில் பா. ரஞ்சித் இயக்கத்தில் வெளியான தங்கலான் இன்று நெட்பிளிக்ஸ் தளத்தில் வெளியாவதாக இருந்த நிலையில், கடைசி நேரத்தில் தள்ளிபோயுள்ளது.
தமிழில் மேற்கூறிய மூன்று படங்கள் தீபாவளிக்காக ஓடிடியில் வெளியாகி இருக்கிறது. இது தவிர பிற மொழி படங்கள் எவையெல்லாம் தீபாவளி ஸ்பெஷலாக வருகிறது என்பதை பார்க்கலாம்
ஜோக்கர் 2
உலக அளவில் சினிமா ரசிகர்களை ஈரத்த ஜோக்கர் படத்தின் இரண்டாம் பாகமான 'ஜோக்கர்: ஃபோலி `எ டியூக்ஸ்' இரட்டை அடையாளத்துடன் போராடும் ஒரு தோல்வியுற்ற நகைச்சுவை நடிகரை மையமாகக் கொண்டுள்ளது. ஆர்காம் அரசு மருத்துவமனையில் ஹார்லி க்வின்னைச் சந்தித்து காதலில் விழும் போது ஏற்படும் திருப்பங்களை கொண்ட திரைக்கதையுடன் அமைந்துள்ளது. இந்த படத்தில் ஜோக்வின் பீனிக்ஸ் மற்றும் ஹார்லி க்வின் ஆகியோர் முக்கிய வேடங்களில் நடித்துள்ளனர்.
மித்யா
‘மித்யா தி டார்க் சாப்டர்’ என்ற இந்தி சீரஸில் ஹுமா குரேஷி, அவந்திகா தசானி மற்றும் நவீன் கஸ்தூரியா ஆகியோர் முக்கிய வேடங்களில் நடித்துள்ளனர். இந்த சீரிஸ் நவம்பர் 1ஆம் தேதி ஜீ5 ஓடிடி தளத்தில் ஸ்டிரீமிங் ஆக இருக்கிறது
கிஷ்கிந்தா காண்டம்
‘கிஷ்கிந்தா காண்டம்’ ஒரு புதுமணத் தம்பதிகள் மற்றும் வன அதிகாரிகளைச் சுற்றி சுழலும் கதையாக இருக்கிறது. கிராமத்தில் குரங்குகளால் ஏற்படும் இடையூறுக்கான காரணத்தைக் கண்டறியும் முயற்சியாக திரைக்கதை அமைந்துள்ளது. படம் டிஸ்னி+ ஹாட்ஸ்டாரில் நவம்பர் 1ஆம் தேதி வெளியாகிறது. இப்படத்தில் ஆசிப் அலி, விஜயராகவன் மற்றும் அபர்ணா பாலமுரளி ஆகியோர் முக்கிய வேடங்களில் நடித்துள்ளனர்.
டாபிக்ஸ்