Kayal Serial: எழிலை கொல்ல பலே திட்டம்.. பொக்கேவிற்குள் கத்தி.. அதிர்ச்சியில் கயல்! - கயல் சீரியலில் இன்று!

கடந்த எபிசோடில் நடந்தது என்ன?

கயல் சீரியலில் இருந்து நேற்றைய தினம் வெளியான எபிசோடில், கயலின் ரிசப்ஷன் கோலாகலமாக நடந்து கொண்டிருந்தது. அப்போது மேடை ஏறிய ராஜேஸ்வரி, கயலுக்கு வைர நெக்லஸை பரிசளித்தாள். அத்துடன் மைக்கை பிடித்து பேசிய ராஜேஸ்வரி கயல் போன்ற ஒரு பெண் கிடைப்பதற்கு எழில் கொடுத்து வைத்திருக்க வேண்டும்.

ஆரம்பத்தில் அவளை புரிந்து கொள்ளாமல் நான் சில விஷயங்களை செய்தேன். ஆனால், அவள் நான் தவறு செய்த இடத்தில் அதை தவறு என்று சுட்டிக்காட்டியதோடு மட்டுமில்லாமல், முடிந்தவரை எனக்கு சூழ்நிலையை புரிய வைக்க அவள் நிறைய போராட்டங்களை சந்தித்தாள். ஒரு கட்டத்தில் அவளுடைய நல்லுள்ளம் எனக்கு புரிய ஆரம்பித்தது.

கயலின் அத்தை

நான் இங்கு மிகப் பெரிய கோடீஸ்வரி ராஜேஸ்வரி என்று சொல்வதை விடவும், கயலின் அத்தை என்று சொல்வதையே பெருமையாக நினைக்கிறேன் என்று கூறினாள். இதை பார்த்த வடிவு, இந்த மிளகாய் மூக்கி என்ன திடீரென்று பாசத்தை கொட்டுகிறாள் என்ற ரீதியில் கடுப்பாக, தர்ம லிங்கமும் கோபத்தின் உச்சிக்கு சென்றார்.

ஆனால் இன்னொரு பக்கம், காமாட்சி இதைப் பார்த்து சந்தோஷத்தில் திழைத்தாள். மற்றொரு பக்கம் கயல் மீது கோபத்தில் இருந்த கௌதம், அந்த கல்யாணத்தை எப்படியாவது நிறுத்த வேண்டும் என்று கூறி கூலிப்படைக்கு பணம் கொடுத்து, கல்யாணத்திற்கு முன்னரே எழிலை கொன்று விட வேண்டும் என்று கூறி, அவர்களை ரிசப்ஷனுக்குள் அனுப்பினான்.

அவர்கள் கல்யாண வீட்டிற்குள் பொக்கேவில் கத்தி வைத்துக்கொண்டு எழிலை கொல்ல நுழைந்தார்கள். எழில் எப்போது தனியாக வருவான் என்பதற்காக காத்துக் கொண்டிருந்தார்கள். அடுத்ததாக கயலின் அண்ணனான மூர்த்தி மேடை ஏறி மயக்கி பிடித்த நிலையில், அவன் திடீரென்று எமோஷன் ஆக, கயலும் எமோஷன் ஆனாள். அத்தோடு நேற்றைய எபிசோடு முடிவடைந்தது.

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல்/பொருள்/அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.