Sridevi Marriage: மகளை திருமணம் செய்ய கோரிய ஸ்ரீதேவி தாயார்! மறுப்பு சொன்ன கமல் - இப்படியும் ஒரு காரணம்
contents
Follow on:
  • WhatsApp Channel
  • Facebook
  • Twitter
  • You tube
Notification
தமிழ் செய்திகள்  /  பொழுதுபோக்கு  /  Sridevi Marriage: மகளை திருமணம் செய்ய கோரிய ஸ்ரீதேவி தாயார்! மறுப்பு சொன்ன கமல் - இப்படியும் ஒரு காரணம்

Sridevi Marriage: மகளை திருமணம் செய்ய கோரிய ஸ்ரீதேவி தாயார்! மறுப்பு சொன்ன கமல் - இப்படியும் ஒரு காரணம்

Muthu Vinayagam Kosalairaman HT Tamil Published Sep 11, 2024 06:50 PM IST
Muthu Vinayagam Kosalairaman HT Tamil
Published Sep 11, 2024 06:50 PM IST

Sridevi Kamal Marriage: கமல்ஹாசன் தனது மகள் ஸ்ரீதேவியை திருமணம் செய்ய வேண்டும் என விரும்யுள்ளார் அவரது தாயார். ஆனால் அதற்கு கமல்ஹாசன் மறுப்பு தெரிவித்ததுடன், அவர் அதற்கான காரணத்தையும் பேட்டி ஒன்றில் வெளிப்படுத்தியுள்ளார்.

Sridevi Marriage: மகளை திருமணம் செய்ய கோரிய ஸ்ரீதேவி தாயார்! மறுப்பு சொன்ன கமல் - இப்படியும் ஒரு காரணம்
Sridevi Marriage: மகளை திருமணம் செய்ய கோரிய ஸ்ரீதேவி தாயார்! மறுப்பு சொன்ன கமல் - இப்படியும் ஒரு காரணம்
Share on Whatsappஎங்களை பின் தொடரலாம்
  • Share on Twitter
  • Share on Facebook

தமிழ் சினிமாவில் ரசிகர்களை பெரிதும் கவர்ந்த ஜோடியாக கமல்ஹாசன் - ஸ்ரீதேவி ஆகியோர் இருந்துள்ளார்கள். ரெமாண்டிக் ஜோடி என்று ரசிகர்களால் அழைக்கப்பட்ட இவர்கள் இருவரும் இணைந்து சுமார் 25க்கும் மேற்பட்ட படங்களில் ஜோடியாக நடித்துள்ளனர்.

இவர்கள் இருவரும் சினிமாவில் உச்சத்தில் இருந்தபோது, கமல்ஹாசனை தனது மகள் திருமணம் செய்து கொள்ள வேண்டும் என நடிகை ஸ்ரீதேவியின் தாயார் விரும்பியுள்ளாராம்.

திருமணத்துக்கு கமல் மறுப்பு

தமிழ் சினிமாவில் காதல் ஜோடிகளாக இருந்தாலும், நிஜத்தில் கமல் - ஸ்ரீதேவி ஆகியோர் நல்ல நண்பர்களாக இருந்துள்ளனர். ஸ்ரீதேவியின் தாயார் கமலிடம் தனது மகளை திருமணம் செய்து கொள்ளுமாறு கேட்டுக்கொண்டாராம். பலமுறை கமலிடம் இதுபற்றி பேசியபோதிலும் விடாப்படியாக மறுப்பு தெரிவித்துள்ள கமல்ஹாசன், ஸ்ரீதேவியை தனது குடும்பத்தின் ஒரு நபராக பார்ப்பதாகவும் தெரிவித்துள்ளாராம்.

இதுதொடர்பாக பிரபல இணையத்தளமான Bollywoodshaadies பகிர்ந்துள்ள தகவலின் படி, "ஸ்ரீதேவியின் தாயும், நானும் அவரது திருமண வாய்ப்புகள் பற்றி பல முறை விவாதித்துள்ளோம். அவர் தனது மகளை திருமணம் செய்து கொள்ளுமாறு பலமுறை ஜோக் செய்துள்ளார்.

அப்படி மட்டும் நடந்தால், எங்களது வாழ்க்கை பயணமானது பைத்தியக்கார தனமாக இருக்கும். நான் ஸ்ரீதேவியை மறுநாளே அவரது வீட்டுக்கு திருப்பி அனுப்பிவிட நேரிடும்" என கமஹ்ஹாசன் கூறினாராம்.

முதல் சந்திப்பு

தொடர்ந்து, "ஸ்ரீதேவி தன் மீது மிகுந்த மரியாதை வைத்திருந்தார். இறக்கும் வரை அவரை 'சார்' என்றே அழைத்தார். எங்களுக்கு இடையிலான உறவு மிகவும் தூய்மையானது" எனவும் கமல் கூறியுள்ளார்.

முதல் முறையாக மூன்று முடிச்சு படத்தின் செட்டில் வைத்து தான் கமல்ஹாசன் - ஸ்ரீதேவி ஆகியோரின் சந்திப்பு நிகழ்ந்துள்ளது. அப்போது ஸ்ரீதேவிக்கு வயது 13 தான். மூன்று முடிச்சு படத்தின் உதவி இயக்குநராகவும் கமல்ஹாசன் இருந்தார். ஸ்ரீதேவிக்கு செட்டில் வசதியாக இருப்பதையும், பயத்தை போக்கவும் உறுதுணையாக கமல்ஹாசன் இருந்துள்ளாராம்.

ஸ்ரீதேவி திருமண வாழ்க்கை, மரணம்

தென்னிந்திய சினிமாவில் முன்னணி நடிகையாக திகழ்ந்த ஸ்ரீதேவி, பாலிவுட் சென்று அங்கும் டாப் நடிகையானார். இதன்பின்னர் பாலிவுட் சினிமாவின் முக்கிய தயாரிப்பாளராக திகழ்ந்த போனி கபூரை 1996இல் திருமணம் செய்து கொண்டார்.

ஸ்ரீதேவிக்கு ஜான்வி கபூர், குஷி கபூர் என இரு மகள்கள் உள்ளார்கள். இதில் ஜான்வி கபூர் பாலிவுட்டில் இளம் ஹீரோயினாக இருந்து வருகிறார்.

கடந்த 2018இல் ஐக்கிய அரபு எமிரேட்டில் விடுமுறை சென்றிருந்த ஸ்ரீதேவி, தான் வசித்திருந்த வீட்டில் பாத் டப்பில் இறந்த நிலையில் காணப்பட்டார். ஸ்ரீதேவியின் இறப்பு இந்திய திரையுலகினரை சோகத்தில் ஆழ்த்தியது.

கமல்ஹாசன் திருமண வாழ்க்கை

தமிழ் சினிமாவில் முன்னணி நடிகராக உருவெடுத்த கமல்ஹாசன், பிரபல கிளாசிக்கல் டான்சரான வாணி கணபதியை 1978இல் திருமணம் செய்து கொண்டார்.

பத்து ஆண்டு திருமண வாழ்க்கைக்கு பிறகு அவரை விவாகரத்து செய்து. பாலிவுட் நடிகை சரிகாவை திருமணம் செய்து கொண்டார். இதன் பின்னர் கமல்ஹாசன் - சரிகா ஜோடிக்கு ஸ்ருதிஹாசன், அக்‌ஷராஹாசன் என இரண்டு மகள்கள் உள்ளனர். 2004இல் சரிகாவை பிரிந்த கமல்ஹாசன், தற்போது வரை அடுத்த திருமணம் செய்து கொள்ளாமல் இருந்து வருகிறார்.

சமூக வலைத்தளங்களில் எங்களை பின் தொடரலாம். லிங்க்குகள் கீழே கொடுக்கப்பட்டு உள்ளன: