மிரட்டலான லுக்கில் கமல்ஹாசன்.. அன்புள்ள அப்பா என்று கொஞ்சிய ஸ்ருதி.. அடுத்த பட அப்டேட்டா?

நடிகர் கமல்ஹாசன் சமீபத்தில் மணிரத்னத்தின் தக் லைஃப் படப்பிடிப்பை முடித்தார். மேலும் அவர் தனது அடுத்த படத்திற்குத் தயாராக இருப்பதை அவரது தோற்றம் வெளிப்படுத்துகிறது. 

கமல்ஹாசனின் தயாரிப்பு நிறுவனமான ராஜ்கமல் பிலிம்ஸ் இன்டர்நேஷனல் நிறுவனம் தனது எக்ஸ் தளத்தில் நடிகர் கமல்ஹாசனின் படத்தை வெளியிட்டு, "புதிய தோற்றத்துடன் புதிய பயணம்’’ எனக்குறிப்பிட்டு பகிர்ந்து இருக்கிறது. 

அந்தப் படத்தில் சாம்பல் நிறப் பெரிதாக்கப்பட்ட ஹூடி உடையை அணிந்திருந்த கமல் ஹாசன், சால்ட் அண்ட் பெப்பர் தலைமுடியில் இருக்கிறார். மேலும் தனது தாடியை ஃபிரெஞ்சு ஸ்டைலில் வெட்டி, நீளமான தாடியை வைத்திருந்தார். 

கமல்ஹாசன் பற்றி ஸ்ருதி சொன்னது:

அவரது மகளும் நடிகையுமான ஸ்ருதி ஹாசன், இந்த புதிய தோற்றத்தால் ஈர்க்கப்பட்டு, அதனை தனது எக்ஸ் தளத்தில் மீண்டும் பகிர்ந்து, "அன்பு அப்பா’’ என்று எழுதியிருக்கிறார். மேலும், அதில் இளஞ்சிவப்பு இதயம் மற்றும் சன்கிளாசஸ் எமோஜி இருக்கிறது. 

ரசிகர்களும் கமல்ஹாசனின் படத்தை அதிகம் லைக் செய்து வருகின்றனர்.  சமூக வலைதளத்தைப் பயன்படுத்தும் ஒருவர் "ஆண்டவரின் புதிய தோற்றம்!" என்று கருத்து தெரிவித்திருக்கிறார். மற்றொருவர், "என்ன ஒரு தோற்றம்!" என்று எழுதியிருக்கிறார். இந்நிலையில் கமல்ஹாசன் எந்த படத்தின் படப்பிடிப்பில் இருக்கிறார் என்று பலரும் கேள்வி எழுப்பி வருகின்றனர். மேலும் ஒரு ரசிகர், "இது எந்தப் படத்துக்கான தோற்றம்?" என்று கமெண்ட் செய்துள்ளார். மற்றொருவர், "ஏதோ பெரிய விஷயம் வரப்போகிறது" என்று எழுதியிருக்கிறார்.

இந்த ஆண்டு ஜனவரி மாதத்தின் தொடக்கத்தில், கமல்ஹாசனின் 237ஆவது படத்தை ‘அன்பறிவ்’ என்னும் ஸ்டன்ட் இயக்குநர் சகோதரர்கள் இயக்கப்போவதாக அறிவிப்பு வெளியானது. எனவே, இது அந்த சூட்டிங் ஸ்பாட்டில் எடுத்த படமா என்று பலரும் கேள்வி எழுப்பி வருகின்றனர். சமீபத்தில் கே.ஜி.எஃப் 2 படத்தில் சண்டைக்காட்சிகளை இயக்கியதற்காக, அன்பறிவ் சகோதரர்களுக்குத் தேசிய விருது கிடைத்தது.

தக் லைஃப் படம்:

கமல்ஹாசன் நடிக்க, மணிரத்னம் இயக்கிய தக் லைஃப் படக்குழுவினர், கடந்த மாதம் செப்டம்பர் இறுதியில் படப்பிடிப்பை முடித்தனர். இறுதி நாளில் அனைவருக்கும் விருந்து பரிமாறப்பட்டது. 

முன்னதாக, ராஜ்கமல் ஃபிலிம்ஸ் இன்டர்நேஷனல் மற்றும் மெட்ராஸ் டாக்கீஸ் இணைந்து தயாரித்த படம், தக் லைஃப். ஒளிப்பதிவாளர் ரவி கே.சந்திரன் ஒளிப்பதிவு செய்ய, படத்தொகுப்பாளர் ஸ்ரீகர் பிரசாத் எடிட் செய்ய, ஏ.ஆர்.ரஹ்மான் இப்படத்துக்கு இசையமைக்கிறார். 

தக் லைஃப் ஒரு கேங்ஸ்டர் டிராமா என்று கூறப்படுகிறது. இப்படத்தில் கமல்ஹாசன் தவிர, சிலம்பரசன், ஜோஜு ஜார்ஜ், அலி ஃபாசல், அசோக் செல்வன், பங்கஜ் திரிபாதி, நாசர், த்ரிஷா கிருஷ்ணன், அபிராமி கோபிகுமார், ஐஸ்வர்ய லட்சுமி, ஜிஷு சென்குப்தா, சன்யா மல்ஹோத்ரா, ரோஹித் சரஃப் மற்றும் வையாபுரி ஆகியோர் நடித்துள்ளனர்.

 அதேபோல், தக் லைஃப் படத்தின் டைட்டில் அறிவிப்பு வீடியோவில், ஒரு வறண்ட மற்றும் பனி நிலத்தில் ஒருவர் நிற்கிறார். அவர் தன்னை ஒரு கிராமிய உடையில் மூடியிருக்கிறார். அவர் மீது தாக்குதல் நடத்தத் தயாராக ஐந்து பேர் தூரத்தில் பல்வேறு ஆயுதங்களை ஏந்தியபடி நிற்கிறார்கள். அடர்த்தியான மீசை மற்றும் தாடியுடன் அவரின் முகத்தை கேமரா காட்டுகிறது.

ஐந்து பேர் சேர்ந்து அவரை அடிக்க நெருங்கியதும், அவர் தனது முகத்தை மூடியிருந்த உடையை நீக்கி, ஒரு தற்காப்பு கலை நிலையில் சண்டையிடத் தயாராகிறார். பின்னர், தன்னை தாக்க நினைப்பவர்களை வீழ்த்துகிறார். அவர்கள் அனைவரையும் நீக்கிய பிறகு, அவர் மீண்டும் தனது மேலங்கியை அணிந்து கேமராவைப் பார்த்து புன்னகைக்கிறார். அப்போது ’என்பேர் ரங்கராய சக்திவேல் நாயக்கன்’ என வறண்ட நிலத்தில் இருந்தவர் சொல்கிறார். மேலும் அவர் தன்னை கிரிமினல் எனப் பிறர் சொல்வதாகக் கூறுகிறார். படத்தின் தலைப்பு 'தக் லைஃப்' என்று தெரியவருகிறது.

கமல்ஹாசன் கடைசியாக ஷங்கரின் இந்தியன் 2 மற்றும் நாக் அஸ்வினின் கல்கி 2898 கி.பி ஆகியப் படங்களில் நடித்திருந்தார்.