Jailer Audio Launch: ‘போய் சொல்லுயா.. ரஜினியிடம் போகச் சொன்ன விஜய்’ ரகசியம் உடைத்த நெல்சன்!

சன் பிக்சர்ஸ் தயாரித்துள்ள இத்திரைப்படம், நிறைய எதிர்பார்ப்புகளை ஏற்படுத்தியிருக்கிறது. பீஸ்ட் திரைப்படம் ஏற்படுத்திய தாக்கத்தின் காரணமாக கட்டாய வெற்றியை தர வேண்டிய கட்டாயத்தில் நெல்சன் திலீப்குமார் இருக்கிறார். 

அனிருத் இசையில் ஏற்கனவே பாடல்கள் சில வெளியாகி பட்டி தொட்டி எல்லாம் வைரல் ஆகி வருகிறது. இந்நிலையில் இன்றைய ஆடியோ வெளியீட்டு விழாவில், கூடுதல் பாடல்கள் வெளியாக உள்ளன. 

விழாவில் பங்கேற்க மதியம் முதலே ரசிகர்கள் நேரு விளையாட்டு அரங்கில் படையெடுத்த நிலையில், 
அடுத்தடுத்து திரை பிரபலங்கள் பலரும் அங்கு வந்து சேர்ந்தனர். குறிப்பாக ஜெயிலர் படத்தில் நடித்த அனைவரும் வந்தனர். 

இதைத் தொடர்ந்து கலை நிகழ்ச்சிகளும், ஜெயிலர் படத்தின் கலைஞர்கள் மற்றும் தொழில்நுட்ப கலைஞர்கள் பேசி வருகின்றனர். இயக்குனர் நெல்சல் திலீப்குமார் பேசும் போது, சுவாரஸ்யமான ஒரு விசயத்தை பகிர்ந்தார். அவர் பேசியதாவது: 

‘‘சூப்பர் ஸ்டாரை சந்திப்பேன் என்கிற நம்பிக்கையே எனக்கு இல்லை. அந்த அளவிற்கு சந்தேகம் இருந்தது. அவரை சந்திக்கும் நம்பிக்கையை எனக்கு கொடுத்தவர் தளபதி விஜய் தான். ‘இந்த கதை நன்றாக இருக்கிறது, போய் அவரிடம் சொல்லுங்கள், நன்றாக இருக்கும்’ என்று எனக்கு நம்பிக்கை அளித்தவர் விஜய் தான். 

சூப்பர் ஸ்டார் மற்றும் தளபதி ரசிகர்கள் தான் சண்டை போட்டுக் கொண்டிருக்கிறார்கள். உண்மையில் அவர்கள் இருவரும் பரஸ்பரம் உறவில் நன்றாக இருக்கின்றனர்’’ 

என்று நெல்சல் பேசியுள்ளார். சூப்பர் ஸ்டார் பட்டத்திற்கு விஜய் ஆசைப்படுகிறார் என்கிற போரில் தொடங்கி, ஜெயிலர் படத்தின் பாடலில் இடம் பெற்ற வரிகள் அதற்கு பதிலடி என்பதை வரை, சமீபத்தில் விஜய்-ரஜினி ரசிகர்கள் இடையே கடுமையான வார்த்தை யுத்தம் போய்க் கொண்டிருந்தது. இந்நிலையில் தான் நெல்சன் இந்த தகவலை கூறியுள்ளார்.