குழந்தை பெற்றுக் கொள்ளது ஒன்றும் புனிதமானது இல்லை.. சர்ச்சையை கிளப்பிய ரஜினியின் கதாநாயகி

இவர் முதன் முதலில், வா லைஃப் ஹோ டூ ஏசி(2005) என்னும் இந்தி திரைப்படத்தில் நடித்து அறிமுகமானார். பின், இவர் இந்தி, பெங்காலி, தமிழ், தெலுங்கு மற்றும் மராத்தி ஆகிய மொழிப் படங்களிலும் வெப் சீரிஸ்களிலும் நடித்து மக்கள் மத்தியில் பிரபலமானவர்.

தமிழ்நாட்டில் பிறந்த ராதிகா ஆப்தே

தமிழ்நாட்டில் பிறந்த ராதிகா ஆப்தே, மராத்திய பிராமண குடும்பத்தைச் சேர்ந்தவர். இவர், நடிப்பு மட்டுமின்றி, நடனத்திலும் அதிக ஈடுபடு கொண்டவர். பெண்கள் மேல் நடத்தப்படும் வன்முறை, அடக்குமுறைகள், உறவுகளுக்கு இடையே ஏற்படும் சிக்கல்கள் குறித்து மிகவும் வெளிப்படையாக பேசுபவர்.

லண்டனில் படிப்பிற்காக சென்ற ராதிகா ஆப்தே, தனது வாழ்க்கைத் துணை பெனடிக்ட் என்னும் ஆங்கிலேயரை முதன்முதலில் சந்தித்தார். அதன்பின், இருவரும் லிவிங்டூ கெதர் வாழ்க்கையில் வாழ்ந்துவிட்டு, பின், 2012ம் ஆண்டு திருமணம் செய்து கொண்டனர்.

கர்ப்பத்தை அறிவித்த ராதிகா ஆப்தே

இவர்கள் திருமணம் நடந்து 12 ஆண்டுகளுக்குப் பின், தற்போது கர்ப்பமாக உள்ளதாக அறிவித்துள்ளார். பொதுவாக சமூக வலைதளங்களில் தன் புகைப்படங்களை பகிர்வதை விரும்பாத ராதிகா, லண்டனில் நடைபெற்ற பிஎஃப்ஐ திரைப்பட விழாவில் பங்கேற்ற புகைப்படங்களை பகிர்ந்திருந்தார்.

இந்தப் புகைப்படம் மூலமே அவர் கர்ப்பமாக இருப்பது தெரியவந்தது. இந்நிலையில், இவர் சமீபத்தில், தாய்மை அடைவது குறித்து பேசியிருக்கும் விஷயம் சர்ச்சையை ஏற்படுத்தும் விதமாக மாறியது.

என் வாழ்வின் மிகப் பெரிய திருப்பு முனை

தனக்கு குழந்தை பெற்றுக் கொள்ள விருப்பமில்லை. அது எனக்கு வேண்டாம். குழந்தையை பெற்றெடுக்க வேண்டும் என நான் ஒருநாளும் திட்டமிட்டதே இல்லை. என் வாழ்க்கையில் நடைபெற்ற மிகப்பெரிய திருப்புமுனை நான் கர்ப்பமானது தான்.

கர்ப்பம் புனிதமானது அல்ல

கர்ப்பம் இவ்வளவு கடினமாக இருக்கும் என்று நான் ஒருபோதும் நினைத்ததில்லை. என் உடலில் இவ்வளவு மாற்றங்கள் ஏற்படும் என்று நான் கற்பனை செய்ததில்லை. ஒரு பெண் கர்ப்பமடைவது எவ்வளவு புனிதமானது எல்லோரும் சொல்கிறார்கள். ஆனால் அது அப்படியானது அல்ல என்ற உண்மையை யாரும் உங்களிடம் சொல்ல மாட்டார்கள்" என்று கர்ப்ப காலத்தில் தான் அனுபவிக்கும் சிரமங்களை குறிப்பிட்டுள்ளார். தனது கர்ப்ப சிரமம் குறித்து கூறினார்.

நான் இதை செய்திருக்க வேண்டும்

மேலும், நான் லண்டன் நிகழ்ச்சியில் பங்கேற்காமல் இருந்திருந்தால், நான் கர்ப்பமாக இருந்தது யாருக்குமே தெரியாது. எனது கர்ப்பத்தின் தொடக்கத்திலிருந்து என்னால் சரியாக தூங்க முடியவில்லை. நான் இப்படி எல்லாம் நடக்கும் என எதிர்பார்க்கவே இல்லை என பத்திரிகையாளர்களிடம் ராதிகா ஆப்தே பேசியுள்ளார்.

விமர்சனம்

இவரது பேச்சு சமூக வலைதளங்களில் வைரலான நிலையில், பெண்கள் சிலர் இவருக்கு ஆதரவான கருத்துகளை தெரிவித்து வருகின்றனர். சிலர் இவரது பேச்சுக்கு மோசமாக கண்டனங்களைத் தெரிவித்து வருகின்றனர். இவர் நடித்த படங்கள், அவற்றின் கதைகள், கதாப்பாத்திரங்களைக் கொண்டு இவரை விமர்சித்து வருகின்றனர்.

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல், பொருள் அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.