Lubber Pandhu : செம குஷியில் ஹரிஷ் கல்யாண்.. லப்பர் பந்து இயக்குநருக்கு தங்க செயின் பரிசளித்து நெகிழ்ச்சி!

கிரிக்கெட் விளையாட்டை மையமாக வைத்து திரைக்கதை

ஹரிஷ் கல்யாண், அட்டக்கத்தி தினேஷ் நடிப்பில் வெளியான இப்படத்தை கனா, எப்.ஐ.ஆர் போன்ற படங்களில் உதவி இயக்குனராகவும், நெஞ்சுக்கு நீதி படத்திற்கு வசனம் எழுதியவருமான தமிழரசன் பச்சமுத்து இயக்கியுள்ளார். இந்த படம் கிராமத்தில் நடைபெறும் கிரிக்கெட் விளையாட்டை மையமாக வைத்து திரைக்கதை அமைக்கப்பட்டுள்ளது. ஷான் ரோல்டன் இசையமைத்த இந்த படத்தை பிரின்ஸ் பிச்சர்ஸ் தயாரித்துள்ளது.

கடந்த செப்டம்பர் 20ஆம் தேதி வெளியான இப்படம் ரசிகர்கள் மத்தியில் நல்ல வரவேற்பை பெற்று வருகிறது. மேலும் பிரபலங்கள் பலரும் இந்த படத்திற்கு பாராட்டுக்களை தெரிவித்து வருகின்றனர். தமிழ் சினிமாவில் கிரிக்கெட்டை மையமாக வைத்து பல படங்கள் வெளியாகி உள்ளது. ஆனால் அவை அனைத்தும் வெற்றி வாகை சூடியதா என்பது சந்தேகம் தான். அந்த வகையில் பெரிய எதிர்பார்ப்பு எதுவும் இல்லாமல் சமீபத்தில் வெளியாகி வெற்றி பெற்ற திரைப்படம் தான்  லப்பர் பந்து.

பாக்ஸ் ஆபீஸில் நல்ல வசூல்

முதலில் இப்படத்திற்கு தமிழ்நாட்டில் 200 திரையரங்குகள் மட்டுமே ஒதுக்கப்பட்டு இருந்தது. ஆனால் ரசிகர்களிடம் கிடைக்கும் வரவேற்பால் படிபடியாக உயர்ந்து 300 திரையரங்குகளில் தற்போது ஒடிக் கொண்டு இருக்கிறது.

இந்நிலையில் லப்பர் பந்து படத்திற்கு கிடைத்த வரவேற்பு காரணமாக பாக்ஸ் ஆபீஸில் நல்ல வசூல் கிடைத்து வருகிறது. முதல் நாள் 75 லட்சம் ரூபாய் முதல் 85 லட்சம் ரூபாய் வரை மட்டுமே வசூல் செய்யப்பட்டது. இரண்டாம் நாள் வசூல்: ரூ. 1. 35 கோடியில் இருந்து ரூ.1. 75 கோடி வரை வசூல். மொத்தமாக 7 நாட்களில் லப்பர் பந்து பட உலகளவில் ரூ. 10 கோடிக்கும் மேல் வசூல் செய்து உள்ளது. இப்படத்தை மறைந்த நடிகரும் அரசியல்வாதியுமான விஜயகாந்துக்கு அர்ப்பணித்திருக்கிறார் இயக்குநர் தமிழரசன் பச்சமுத்து.

தமிழரசன் பச்சமுத்துவுக்கு நடிகர் சிறப்பு பரிசு கொடுத்த ஹரிஷ் கல்யாண்

ஹரிஷ் கல்யாணுக்கு இந்த படம் ஒரு பெரிய வெற்றிப்படமாக அமைந்துள்ளது. இந்நிலையில், தனக்கு வெற்றியை கொடுத்த இயக்குனர் தமிழரசன் பச்சமுத்துவுக்கு, நடிகர் ஹரிஷ் கல்யாண் மூன்று பவுன் தங்க சங்கிலியை பரிசாக கொடுத்துள்ளார். இது தொடர்பான புகைப்படங்கள் மற்றும் வீடியோக்கள் ரசிகர்கள் மத்தியில் வைரலாகி வருகிறது. முதல் படத்திலேயே பலரின் கவனத்தை ஈர்த்த இயக்குனர் தமிழரசன் பச்சமுத்துவுக்கு பிரபலங்கள் பலரும் பாராட்டுக்களை தெரிவித்து வருகின்றனர்.

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல்/பொருள்/அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.