Redin Kingsley செய்யும் பிசினஸ்.. காமெடி நடிகர் உருவாக்கிய சாம்ராஜ்ஜியம்.. ரெடின் கிங்ஸ்லி தம்பதி சொல்லும் வளர்ச்சி கதை!
Redin Kingsley செய்யும் பிசினஸ்.. காமெடி நடிகர் உருவாக்கிய சாம்ராஜ்ஜியம்.. ரெடின் கிங்ஸ்லி தம்பதி சொல்லும் வளர்ச்சி கதை!
Redin Kingsley: நடிகர் ரெடின்கிங்ஸ்லி செய்யும் பிசினஸ்.. காமெடி நடிகர் உருவாக்கிய பிசினஸ் சாம்ராஜ்ஜியம்.. ரெடின் கிங்ஸ்லி தம்பதியாக சொல்லும் கதை குறித்துப் பார்ப்போம்.
சென்னை தீவுத்திடலில் துபாய் குளோபல் வில்லேஜ் கண்காட்சி நடந்து வருகிறது. அதை உருவாக்கியிருப்பவர், நடிகர் ரெடின்கிங்ஸ்லி. கடந்த சில ஆண்டுகளாக முக்கியமான காமெடி நடிகராக வலம்வரும் ரெடின்கிங்ஸ்லி, பல ஆண்டுகளாக உருவாக்கி தரும் நபராக தொழில் செய்துவருகிறார். அவரது இன்னொரு பக்கம் குறித்து சமீபத்தில் பிஹெண்ட்வுட்ஸ் ஊடகத்துக்கு அவரும் அவரது மனைவி சங்கீதாவும் அளித்த பேட்டியின் தொகுப்பினைக் காணலாம்.
’இரண்டு பேருமே பிஸியான நடிகர்கள். அதையெல்லாம், தாண்டி கண்காட்சி பண்ணனும்னு நினைச்சது எப்படி?
ரெடின்கிங்ஸ்லி: கண்காட்சி அமைக்கிறதுதான் என்னோட வேலை. அதுக்கப்புறம் தான் சினிமாவுக்கே போனேன். நான் இந்த துறைக்கு 15 வருடங்களில் 80 முதல் 90 கண்காட்சி பண்ணியிருப்பேன். நீங்கள் கேள்விப்பட்டிருப்பீங்க.. சென்னையில் பனிமலை கொண்டாட்டம், அமர்நாத் லிங்கம், இதெல்லாமே நான் பண்ணுனதுதான்.நீருக்கடியில் இருக்கும் மீன் உலகம் இதெல்லாம் நான் பண்ணுனதுதான். வருஷத்துக்கு ஏதாவது மாத்திட்டே இருக்கணும். இந்த தடவை, கல்யாணம் முடிச்சிட்டு துபாய் போய் இருந்தோம். அங்கே பார்த்தால், துபாய் குளோபல் வில்லேஜ்னு ஒன்னு இருக்கு. எக்ஸ்ட்ரா ஆர்டினரியா இருக்கும். 50-யில் இருந்து 100 ஏக்கரில் துபாய் அரசு அதை பண்ணியிருக்காங்க. அது ஒருநாளில் பார்க்கமுடியாது. மூன்று முதல் நான்கு நாட்கள் பார்த்தால்தான் முழுமையாகப் பார்க்கமுடியும். அந்த டைமில், என் வொய்ஃப் தான் சொன்னாங்க. அப்படி பண்ணுனதுதான், சென்னையில் துபாய் குளோபல் வில்லேஜ் மாதிரி.