TAMIL MOVIES ON THIS DAY: ரசிகர்கள் மனம் கவர்ந்த காதல் தேசம், தேசிங்கு ராஜா..ஆகஸ்ட் 23இல் வெளியான தமிழ் படங்கள் லிஸ்ட்
Tamil Movies on this day Aug 23: பெரிய ஸ்டார், வெள்ளிவிழா படங்கள் எதுவும் ஆகஸ்ட் 23ஆம் தேதியில் வெளியாகவில்லை என்றாலும் ரசிகர்கள் மனம் கவர்ந்ததுடன், ஹிட்டாகி வசூலை குவித்த படங்களான காதல் தேசம், தேசிங்கு ராஜா போன்ற சில படங்கள் இந்த தேதியில் வெளியாகி இருக்கின்றன.
ஆகஸ்ட் 23ஆம் தேதியான இன்றைய தேதியில், 1940களில் இருந்து தற்போது வரை தமிழில் வெளியாகியிருக்கும் படங்கள் எவை என்பதை பார்க்கலாம். இந்த தேதியில் டாப் ஹீரோக்கள், வெள்ளி விழா படங்கள் எதுவும் வெளியாகவில்லை என்றாலும் ரசிகர்கள் மத்தியில் வரவேற்பை பெற்ற சில படங்கள் வந்துள்ளன. அவற்றின் லிஸ்டை பார்க்கலாம்
சகட யோகம்
கொத்தமங்கலம் சீனு, வி.என். ஜானகி, டி.ஆர். ராமச்சந்திரன், டி.எஸ். துரைராஜ் பிரதான கதாபாத்திரங்களில் நடிக்க சகடயோகம் திரைப்படம் 1946இல் வெளியானது. இந்தியாவின் சுதந்திரத்துக்கு முன்னர் வெளியான இந்த படத்துக்கு ப. நீலகண்டன் திரைக்கதை, வசனம் எழுத, ஆர். பத்மநாபன் இயக்கியிருந்தார். மாடர்ன் தியேட்டர்ஸ் தயாரித்திருந்தது. சகடயோகம் படம் வெளியாகி இன்றுடன் 78 ஆண்டுகள் ஆகிறது
குங்குமச்சிமிழ்
மோகன், இளவரசி, ரேவதி, சந்திரசேகர் பிரதான கதாபாத்திரத்தில் நடிக்க ஆர். சுந்தரராஜன் இயக்கத்தில் 1985ஆம் ஆண்டு வெளியான படம் குங்குமச்சிமிழ்.