Paal Dappa:சில் ப்ரோ.. டேக் இட் ஈஸி..இது மிஸ் அண்டர்ஸ்டேன்டு தான்.. பால் டப்பாவிடம் மன்னிப்பு கேட்ட டைரக்டர்

மக்காமிஷி

இதற்கடுத்து அவர், ராஜேஷ் இயக்கத்தில் ஜெயம் ரவி நடிக்கும் பிரதர் படத்திலும் ஒரு பாடலை எழுதியுள்ளார். மக்காமிஷி என்ற இந்தப் பாடலின் வரிகளும், நடனமும் பலரையும் கவர்ந்தது. வித்தியாசமான முறையில் அமைக்கப்பட்டிருந்த இந்த பாடல் வெளியான நாள் முதல் பட்டி தொட்டி எங்கும் ஹிட் அடித்தது.

இதற்கிடையில், காத்து மேல காத்தடிக்குது எனும் ஆல்பம் பாடலையும் அவர் வெளியிட்டார். இந்தப் பாடல், பெரியவர்கள் மட்டுமின்றி, சிறு சிறு குழந்தைகளையும் கவர்ந்தது. இந்தப் பாட்டில் வரும் வரி, குரல், இசை என அனைத்தும் புதிதாக இருந்ததால், குழந்தைகள் அதை எளிதில் புரிந்து கொண்டு மீண்டும் மீண்டும் பாடலை கேட்டு அந்தப் பாட்டை ஹிட்டாக்கினர்.

இயக்குநர் புகார்

இப்படி, ஆல்பம் மற்றும் திரைப்படப் பாடல்களில் கலக்கி வரும் பால் டப்பா குறித்து முக்கியமான குற்றச்சாட்டை முன் வைத்துள்ளார் பிரதர் பட இயக்குநர் ராஜேஷ். பிரதர் படத்தில் பால் டப்பா மக்காமிஷி எனும் பாடலை எழுதியுள்ளார். அந்தப் பாடல் வெளியாகி மாபெரும் வரவேற்பை பெற்றது. அந்த சமயத்தில் தான் பிரதர் படத்தின் இசை வெளியீட்டு விழாவிற்காக நான் பால் டப்பாவை அழைத்தேன்.

ஆனால், அவர் வர மறுத்துவிட்டார். என்னுடைய பாடல் தான் ஏற்கனவே வெளியாகி ஹிட்டாகிவிட்டது. பின் நான் ஏன் இசை வெளியீட்டு விழாவிற்கு வரவேண்டும் எனக் கேட்கிறார் எனக் கூறியிருந்தார். இந்த நிலையில், இயக்குநர் ராஜேஷ் பால்டப்பாவிடம் மன்னிப்பு கேட்டு வீடியோ வெளியிட்டுள்ளார்.

மன்னிப்பு வீடியோ

அதில், நண்பர் பால் டப்பா, பிரதர் படத்தில் எழுதிய மக்காமிஷி பாடல் பயங்கரமான ஹிட் ஆனது. யூடியூப்பில் கிட்டத்தட்ட 25 மில்லியன் பார்வையாளர்களை கடந்து பெரும் ஹிட் ஆகியுள்ளது. அவரை நான் பிரதர் படத்தின் ஆடியோ லான்சுக்கு கூப்பிடபோது வரல. திரும்ப திரும்ப கூடப்பிட்ட போதும் வரலன்னு சும்மா ஜாலியா பேசிட்டு இருந்தேன். அது சின்ன கான்ட்ரோவெர்சி ஆகிடுச்சு. அது சம்பந்தமா சின்ன விளக்கம் தரலாம்னு நினச்சேன். 

விழா நடந்த அன்னைக்கு எப்படியாவது அவர வரவச்சி மேடைல நிறுத்தி அவருக்கான மரியாதைய தரணும்னு நெனச்சேன். அவருக்கான மரியாதைய குடுக்கணும்னுங்குறது தான் என்னோட ஆசை. அவர் ஒரு யங்க்ஸ்டர். அவரோட பாட்டு பயங்கரமா ஹிட் ஆகிருக்கு. அதுனால், ஹாரிஸ் சாரோட ஒரு ஸ்கிரின் ஸ்பேஸ் கொடுக்கணும்ன்னு நினைச்சேன்.

இன்னைக்கு பாடலாசிரியர்கள், இசையமைப்பாளர்கள், பாடகர்கள் அப்படி ஒரு மேடை கிடைக்கலன்னு ஏங்கிகிட்டு இருக்காங்க. அத ஸ்பேஸ் இவருக்கு கொடுக்கணும்ங்குறது தான் என்னோட மோட்டிங்வா இருந்தது. அதுனால தான் இவரு எப்படியாவது வரணும்ன்னு நெனச்சேன்.

யூடியூபர்ஸ் ஈவன்ட்

ஆனா, அவரால அன்னைக்கு வர முடியாத நிலமை. அன்னைக்கு யூடியூபர்ஸோட லைவ் ஈவன்ட் நடந்திருக்கு. அதுனால் அவரு வரலன்னு சொன்னாறு. ஆனா, நிகழ்ச்சி நடந்த அன்னைக்கு காலைல வந்து எல்லோரையும் மீட் பண்ணி ஹாய் சொல்லிட்டு போய்ட்டாரு. எனக்கு ஒரே குழப்பம். ஏன் அவர் ஸ்டேஜ்க்கு வரலன்னு. அன்னைக்கு இதுபத்தி எனக்கு எதும் தெரியாது. அத அப்படியே விட்டுட்டேன்.

அப்புறம் அடுத்து வேற ஒரு நிகழ்ச்சியில தான் பால் டப்பா ஆடியோ லான்ச்சுக்கு வரலன்னு சொன்னேன். ஆனா, அவருக்கு அன்னைக்கு யூடியூர்ஸ் கூட ஷோ இல்லைன்னா கண்டிப்பா இங்க வந்திருப்பாருன்னு எனக்கு பின்னாடி தான் தெரிஞ்சது. இது ஒரு சின்ன மிஸ் கம்யூனிகேஷன் தான்.

மிஸ் கம்யூனிகேஷன்

இதபத்தி நான் பால் டப்பா கிட்டயும் பேசுனேன். உண்மையிலேயே ஆடியோ லான்சுக்கு வர ரொம்ப ஆர்வமா இருந்தாரு. இது அவரோட ஃபர்ஸ்ட் ஆடியோ லான்ச்சுன்னு எல்லாம் சொல்லிட்டு இருந்தாரு. இது ஒரு மிஸ் கம்யூனிகேஷன் தான். ஜாலியா தான் பேசுனேன். தப்பா நெனச்சுக்காதிங்க. இது உங்கள டீகிரேட் பண்ணனும்னு பேசல. இதுல எனக்கு எந்த உள்நோக்கமும் இல்ல. டேக் இட் ஈஸி ப்ரோ. சில் பண்ணுங்க. நாம தொடர்ந்து பேசலாம் எனக் கூறியுள்ளார்.