‘அடேய் நான் கேப்டன் - டா.. நம்புங்கடா!…ஆட்டையை கலைக்கும் அருண்; வெளுத்து வெள்ளாவி வைத்த பவித்ரா - பிக்பாஸ் பஞ்சாயத்து!

இதெல்லாம் ஒரு சண்டையா? 

இவர்களுக்கு இடையேயான சண்டையில் ஸ்கோர் செய்ய நினைத்த அருண், உள்ளே புகுந்து சமாதானம் செய்ய முயற்சித்தார். அதனை சரியாக புரிந்து கொண்ட விஜே விஷால், நீ உள்ளே வராதே என்று ஒரே போடாக போட்டு விட்டார். இருப்பினும் அருண் கேட்டபாடில்லை. இதற்கிடையே அணியின் கேப்டன் என்ற முறையில் உள்ளே வந்த தர்ஷிகா, விஜே விஷால் தான் கூறியது தவறு என்று உணர்ந்து உன்னிடம் மன்னிப்பு கேட்க வருகிறான் பவி. அவன் வேண்டுமென்றே உன்னை ‘டி’ போட்டு கூப்பிடவில்லை; அவனது தவறை உணறுவதற்கு அவனுக்கு நேரம் தேவைப்படும் அல்லவா? என்று சொல்ல, மேலும் கடுப்பாகி பவி பேசுவதற்குள், இதோ வருகிறேன் என்று அருண் உள்ளே வர, நான் ஒரு கேப்டனாக இங்கு பேசிக்கொண்டிருக்கிறேன் பவி அருணிடம் கூறினார்.

அதற்கு அருண் நீங்கள் கேப்டனாக பேசுகிறீர்கள்.. ஆனால் அந்த சம்பவம் நடந்த இடத்தில் நான் இருந்தேன். அதனால் நானும் இங்கு பேசுகிறேன் என்றார் அருண். அவர் உருட்டுகிறார் என்று தெரிந்து கொண்ட பவி, அருண் நீங்கள் செல்லுங்கள்.. நான் அந்த பிரச்சினையை பார்த்துக்கொள்கிறேன் அனுப்பி வைத்தார். இந்த நிலையில் கேப்டன் பக்கம் தலையை திருப்பிய பவி.. அவன் அவனது தவறை உணரும் வரையெல்லாம் இங்கு காத்திருக்க முடியாது என்று காட்டமாக அனுப்பி வைத்தார்.

யார் யார்? 

முன்னதாக, சின்னத்திரையில் ரசிகர்கள் எதிர்பார்த்துக்கொண்டிருக்கும் நிகழ்ச்சி பிக்பாஸ் சீசன் 8. இந்த நிகழ்ச்சியின் முந்தைய சீசன்களை தொகுத்து வழங்கி வந்த கமல்ஹாசன், பட வேலைகள் இருப்பதாக ஒதுங்கிக்கொள்ள, அவருக்கு பதிலாக விஜய் சேதுபதியை களமிறக்கி இருக்கிறது விஜய் டிவி. சந்தோஷம், கோபம், நட்பு, காதல், நகைச்சுவை, கொண்டாட்டம், துரோகம், போட்டி, களேபரம் என சுவாரஸ்யத்திற்கு பஞ்சமே இல்லாமல் செல்லும் இந்த சீசன் வருகிற அக்டோபர் 6 ஆம் தேதி தொடங்கியது. இந்த நிகழ்ச்சியில்

ரஞ்சித், ரவீந்தர், தீபக், சாச்சனா, ஜாக்குலின், தர்ஷா குப்தா, அருண் பிரசாத், அர்ணவ், அன்ஷிதா, சுனிதா கோகோய், விஜே விஷால், தர்ஷிகா, சத்யா கானா பாடகர் ஜெஃப்ரி, செளந்தர்யா, ஆர்ஜே ஆனந்தி மற்றும் முத்துக்குமரன் ஆகியோர் பங்கேற்றனர். இதில் சாச்சனா 24 மணி நேர எலிமினேஷனில் வெளியேற்றப்பட்டார்.