கதவைத்தட்டி தேதி கேட்ட ரவிக்குமார்; ‘நட்புக்காக’ வாய்ப்பு என்னோடது.. அந்த பிரச்சினையாலதான் அது சிம்ரனுக்கு” - மந்த்ரா

திருமணத்திற்கு பிறகு சினிமாவில் இருந்து விலகிய இவர் தற்போது மீண்டும் ரீ என்ட்ரி கொடுத்திருக்கிறார். இந்த நிலையில் அவர் ஆகாயம் தமிழ் யூடியூப் சேனலுக்கு அண்மையில் பேட்டி ஒன்றைக்கொடுத்தார். அதில் நட்புக்காக படத்தில் சிம்ரனுக்கு கிடைத்த வாய்ப்பு முதலில் தனக்கு வந்தது என்றும் அது எப்படி கை நழுவி போனது என்பது குறித்தும் பேசி இருக்கிறார்.

ரவிக்குமார் கொடுத்த வாய்ப்பு

இது குறித்து அவர் பேசும் போது, “இயக்குநர் ரவிக்குமார் சாருக்கு என்னுடைய ஆக்டிங் ரொம்ப பிடிக்கும். அவருடைய இயக்கத்தில் நான் கொண்டாட்டம் திரைப்படத்தில் நடித்திருந்தேன். அந்த படத்தில் ஒரு பாடலை எடுத்து முடித்தவுடன் நான் வழக்கம் போல ஹோட்டல் ரூமுக்கு வந்து விட்டேன். உள்ளே நானும், அப்பாவும் இருந்தோம்

திடீரென்று வெளியே ஹாலிங் பெல் அடித்தது. திறந்து பார்த்தால் கே எஸ் ரவிக்குமார் சார் நின்று கொண்டிருந்தார். தொடர்ந்து சடாரென உள்ளே வந்த அவர், அங்கே இருக்கும் பேப்பரையும் பென்சிலையும் கையில் எடுத்து, அதில் சில தேதிகளை குறிப்பிட்டு,  என்னுடைய அடுத்த திரைப்படத்தில் மந்த்ரா தான் ஹீரோயினாக நடிக்க வேண்டும். அதற்காக நான் இதில் எழுதி இருக்கும் தேதிகள் அனைத்தும் எனக்கு வேண்டும் என்று கேட்டார். நான் அப்போது தெலுங்கில் மிகவும்  பிஸியாக நடித்துக் கொண்டிருந்தேன்.

ஒரு தேதியைக்கூட கொடுக்க முடியவில்லை

ஒரு நாளில் மூன்று படங்களுக்கான ஷூட்டிங் ஷிஃப்ட் வாரியாக சென்று கொண்டிருந்தது. அதனால் ரவிக்குமார் சார் கொடுத்த தேதிகளில் ஒரு தேதியைக் கூட என்னால் அட்ஜஸ்ட் செய்து அவருக்கு கொடுக்கவில்லை. இந்த நிலையில் தான் அந்த படத்தில் எனக்கு பதிலாக சிம்ரன் நடித்தார். சிம்ரனுக்கு அந்த திரைப்படம் வேறு மாதிரியான திருப்புமுனையைக் கொடுத்தது; உண்மையில் சிம்ரனுக்கு கொடுக்கப்பட்ட வாய்ப்பு எனக்கானது. அந்தப்படத்திற்கு பிறகு சிம்ரனின் கெரியர் அடுத்தக்கட்டத்திற்குச் சென்றது. ஒரு வேளை நான் அந்த படத்தில் நடித்திருந்தால் என்னுடைய கெரியரும் வேறு தளத்திற்கு சென்று இருக்குமோ என்ற எண்ணம் அந்தப்படத்தை பார்க்கும் போதெல்லாம் எனக்கு வரும்” என்று பேசினார். 

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல்/பொருள்/அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.