2 Years OF Jai Bhim: 2 ஆண்டுகளை நிறைவு செய்த 'ஜெய்பீம்'..சூர்யா நெகிழ்ச்சி பதிவு!

பட்டியலினப் பிரிவினுள் வரும் இருளர் சமுதாயத்தைச் சேர்ந்தவர்கள் காவல்துறையால் துன்புறுத்தலுக்கு ஆளாகியது பற்றிய உண்மைச் சம்பவத்தை அடிப்படையாகக் கொண்டு இந்தப் படம் உருவாகி இருந்தது. சர்வதேச அளவில் கவனத்தை ஈர்த்த இந்தப்படம் உலகம் முழுவதும் பல்வேறு திரைப்பட விழாக்களில் திரையிடப்பட்டது.

விமர்சன ரீதியாக ஜெய்பீம் வரவேற்பைப் பெற்றாலும் பல விவாதங்களையும் ஏற்படுத்தி இருந்தது. இருப்பினும் ரசிகர்கள் ஆதரவைப் பெற்ற இந்த திரைப்படம் 94-வது ஆஸ்கர் விருதுக்கான பரிந்துரை பட்டியலிலும் இடம்பிடித்திருந்தது.

இந்நிலையில் 'ஜெய்பீம்' திரைப்படம் வெளியாகி இன்றுடன் (நவ.02) இரண்டு ஆண்டுகள் நிறைவடைந்துள்ளது. இதையொட்டி நடிகர் சூர்யா தனது எக்ஸ் தளத்தில், "ஜெய்பீம் திரைப்படம் வெளியான இரண்டாம் ஆண்டு நிறைவை ஒட்டி, வருகிற வாழ்த்தும், வெளிப்படுகிற அன்பும் சிலிர்ப்பூட்டுகின்றன. மக்களின் மனதில் நிலைத்திருப்பதே ஒரு படைப்பிற்கான சிறந்த அங்கீகாரம். நல்முயற்சியை வரவேற்று கொண்டாடி வாழ்த்திய அனைவருக்கும் மனமார்ந்த நன்றிகள்.

திரைப்படம் வெளியான பிறகு தமிழ்நாட்டில் வசிக்கும் பழங்குடி மக்களுக்கு, கிடைத்திருக்கும் நன்மைகள், எங்கள் படைப்பின் நோக்கத்தை முழுமை அடைய செய்த தமிழ்நாடு முதல்வருக்கும், அரசுக்கும் நெஞ்சம் நிறைந்த நன்றிகள்." என்று பதிவிட்டுள்ளார்.

முன்னதாக, 'ஜெய் பீம்' படத்தில் இரண்டாம் ஆண்டு நிறைவை ஒட்டி இந்தப் படத்தின் மேக்கிங் வீடியோவை படக்குழு வெளியிட்டிருந்தது.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9  

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், ஆன்மிகம், புகைப்பட கேலரி, வெப் ஸ்டோரி, வேலைவாய்ப்பு தகவல்கள், சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.