Top 10 Cinema : நடிகர் மகன் விபத்தில் பலி.. கமல் வீட்டில் நடந்த சோகம்.. அமரன் முதல் நாள் வசூல்.. இன்றைய டாப் 10 சினிமா!
Top 10 Cinema : நடிகர் மகன் விபத்தில் பலி, கமல் வீட்டில் நடந்த சோகம், அமரன் முதல் நாள் வசூல் என இன்றைய டாப் 10 சினிமா செய்திகளை பார்க்கலாம்.
கமல் வீட்டில் நடந்த சோகம்
நடிகர் கமல் ஹாசன் எப்படி சினிமாவில் தவிர்க்க முடியாத மனிதரோ, அதேபோலத் தான் அவரது மூத்த சகோதரரான சாரு ஹாசன். இவர், நடிகையும் இயக்குநர் மணிரத்னத்தின் மனைவியுமான சுஹாசினியின் தந்தை. தற்போது 93 வயதாகும் அவர், இந்த வயதிலும் சினிமாவில் நடித்து வருகிறார். தனது முதுமையிலும் சினிமாவில் ஆக்டிவ்வாக இருந்து வரும் சாரு ஹாசன், தீபாவளி நாளுக்கு முன் தவறி கீழே விழுந்ததாகக் கூறப்படுகிறது. இதையடுத்து, உடனடியாக மருத்துவமனைக்கு அழைத்துச் செல்லப்பட்ட அவருக்கு சிகிச்சை அளிக்கப்பட்டது. மேலும், தற்போது மருத்துவர்களின் ஆலோசனைப் படி, அறுவை சிகிச்சையும் நடந்துள்ளது. இதுகுறித்த வீடியோவை நடிகை சுஹாசினி தனது இன்ஸ்டாகிராம் பக்கத்தில் வெளியிட்டுள்ளார்.
அமரன் முதல் நாள் வசூல்
தமிழ்நாட்டை தாண்டி டோலிவுட் ரசிகர்கள் மத்தியிலும் அமரன் படத்துக்கு முதல் நாளில் நல்ல வரவேற்பு கிடைத்துள்ளது. இந்தியிலும் ரசிகர்கள் இந்த படத்துக்கு ஆதரவு அளித்துள்ளனர். அமரன் திரைப்படம் முதல் நாளில் இந்தியளவில் 21 கோடி ரூபாய் வசூல் ஈட்டியிருப்பதாக தகவல்கள் வெளியாகி உள்ளன. உலகளவில் 28 கோடி ரூபாய் வசூல் செய்திருக்கிறது.
நன்றி தெரிவித்த நடிகர் கமல்
தன்னுடைய அழைப்பை ஏற்று படத்தை கண்டுகளித்த முதலமைச்சர் மு.க.ஸ்டாலின் மற்றும் துணை முதலமைச்சர் உதயநிதி ஸ்டாலினுக்கு இந்த படத்தின் தயாரிப்பாளரும், மக்கள் நீதி மய்யம் கட்சியின் தலைவருமான கமல்ஹாசன் நன்றி தெரிவித்துள்ளார். இது குறித்து எக்ஸ் தளத்தில் பதிவிட்டுள்ளார். நன்றி தெரிவித்த நடிகர் கமல் அதில், ”எங்களது அழைப்பை ஏற்று #Amaran திரைப்படத்தைப் பார்த்து ரசித்ததோடு, படத்தையும், அதில் பங்களிப்பாற்றிய கலைஞர்களையும் மனதார பாராட்டிய மாண்புமிகு தமிழ்நாடு முதல்வர், என் அன்பிற்கினிய நண்பர் திரு. மு.க ஸ்டாலின் அவர்களுக்கும், தமிழ்நாட்டின் துணை முதல்வர், என் அன்பு இளவல் திரு. உதயநிதிஸ்டாலின் அவர்களுக்கும் எங்களது மனமார்ந்த நன்றி. முதல்வரின் பாராட்டு அமரனின் பெரும் வெற்றிக்கு அறிகுறி.” என தெரிவித்துள்ளார்.
வேட்டையன் ஓடிடி ரிலீஸ்
நவம்பர் 8 ஆம் தேதி பிரைம் வீடியோவில் ரஜினிகாந்தின் 'வேட்டையன்' திரையிடப்படும் என்று அமேசான் பிரைம் வீடியோ தனது சமூக ஊடக தளத்தில் அறிவித்துள்ளது. அதாவது, எட்டு நாட்களில் வேட்டையன் தமிழ், தெலுங்கு, கன்னடம், மலையாளம் மற்றும் இந்தி மொழிகளில் ஓடிடி-யில் பார்க்கலாம்.
முதலமைச்சர் மு.க.ஸ்டாலின் வாழ்த்து
அமரன் படத்தை தயாரித்த நடிகர் கமல் ஹாசனின் அழைப்பை ஏற்று முதலமைச்சர் மு. க. ஸ்டாலின் நேற்று (31-10-2024) இரவு படக்குழுவினருடன் அமரன் படத்தை கண்டுகளித்தார், துணை முதலமைச்சர் உதயநிதி ஸ்டாலின் மற்றும் அமைச்சர் தங்கம் தென்னரசு உடன் இருந்தனர். படத்தை பார்த்த முதலமைச்சர் ஸ்டாலின் படக்குழுவை பாராட்டி தனது ட்விட்டர் பக்கத்தில் பதிவு ஒன்றை வெளியிட்டுள்ளார்.
ஜோதிடர் வேணு சுவாமி
நடிகர் நாக சைதன்யா மற்றும் ஷோபிதா துலிபாலா திருமணம் நிலைக்காது என ஜோதிடம் பார்த்துக் கூறிய பிரபல ஜோதிடர் வேணு சுவாமியிடம் விசாரித்து அறிக்கை தாக்கல் செய்ய நீதிமன்றம் உத்தரவிட்டுள்ளது. முன்னதாக பிரபல ஜோதிடர் அவர்களின் ஜாதகத்தைக் கணித்து, அவர்களுக்குள் ஒரு பெண்ணால் பிரச்சனை ஏற்படும். அவர்கள் இருவரும் 3 வருடத்தில் பிரிந்து விடுவார்கள். இவர்கள் இருவரின் ஜாதகமும் 10 சதவீதம் தான் பொருந்திப் போகிறது எனக் கூறி இருந்தார்.
முதல் நாள் பாக்ஸ் ஆபிஸ் வசூல்
வெங்கி அட்லூரி இயக்கிய லக்கி பாஸ்கர் முதல் நாளில் ரூ. 7.50 கோடி வசூல் செய்துள்ளதாக தகவல் வெளியாகி உள்ளது. பிரீமியர் ஷோக்களில் இருந்து ரூ.1 கோடிக்கு மேல் வசூலித்தது. லக்கி பாஸ்கரின் மொத்த பாக்ஸ் ஆபிஸ் வசூல், கட்டண முன்னோட்டங்கள் உட்பட தற்போது இந்தியாவில் ரூ.8.50 கோடியாக உள்ளது. வரும் நாட்களில் இப்படம் நல்ல வரவேற்பை பெறும் என எதிர்பார்க்கப்படுகிறது. இது நன்றாக ட்ரெண்ட் செய்ய முடிந்தால், பாக்ஸ் ஆபிஸில் வெற்றி படமாக லக்கி பாஸ்கர் இருக்கும்.
2K லவ்ஸ்டோரி ரிலீஸ் தேதி
இயக்குநர் சுசீந்திரன் இயக்கத்தின் இளைஞர்களின் வாழ்வை சொல்லும் படைப்பாக, ரொமான்ஸ் ஜானரில் உருவாகியுள்ள திரைப்படம் "2K லவ்ஸ்டோரி". 2K தலைமுறையின் காதல், நட்பு, என அவர்களது வாழ்வை பிரதிபலிக்கும் படைப்பாக இப்படத்தை உருவாக்கியுள்ளார். படத்தின் ஃபர்ஸ்ட் லுக் மற்றும் சில மாதங்களுக்கு முன் வெளியானது. படத்திற்கு தணிக்கை குழு யூ சான்றிதழ் வழங்கியது. தற்பொழுது படக்குழு படத்தின் ரிலீஸ் தேதியை வெளியிட்டுள்ளனர். திரைப்படம் வரும் டிசம்பர் மாதம் 13 ஆம் தேதி வெளியாகவுள்ளது.
சின்னத்திரை நடிகர் கார்த்திக் மகன் விபத்தில் பலி
சென்னை ஆர்.ஏ புரம் ஸ்ரீ காலனி பகுதியில் உள்ள அடுக்குமாடி குடியிருப்பில் வசித்து வருபவர் சின்னத்திரை நடிகர் கார்த்திக்.இவரது மகன் நித்தீஷ் ஆதித்யா (21) இன்று அதிகாலை 2 மணியளவில் தனது நண்பர்கள் ஜெயகிருஷ்ணண் மற்றும் வெங்கட் ஆகியோருடன் தீபாவளி கொண்டாட்டம் முடித்து விட்டு காரில் வேளச்சேரி - தரமணி சாலை வழியாக வீட்டிற்கு வந்து கொண்டிருந்தார். அப்போது கார் சாலை நடுவே இருந்த தடுப்பு சுவரில் மோதி விபத்துக்குள்ளானது. இதில் காரை ஓட்டி சென்ற இளைஞர் நித்தீஷ் ஆதித்யா சம்பவயிடத்திலேயே பரிதாபமாக உயிரிழந்தார்.
டாபிக்ஸ்