ஏ.ஆர். ரஹ்மான் குரு..பாலசந்தரின் அறிமுகம்..தூர்தர்ஷன் டிவியின் முதல் இசை கலைஞர்! சிரிப்பு வித்தகர் மதன் பாப்

இசை கலைஞர் டூ சினிமா பயணம்

அடிப்படையில் கிட்டாரிஸ்டான மதன் பாப், ஆரம்பத்தில் சிறு வயதில் விளையாட்டாக இசை கற்றுக்கொண்டுள்ளார். பின்னர் முறையாக அவர் வளர்ந்த காலகட்டத்தில் பிரபலமான இசைகலைஞராக இருந்தவர்களிடம் முறையாக இசையை கற்றுக்கொண்டார்

1975இல் தூர்தர்ஷன் முதல் முறையாக தொடங்கியபோது ஜனாதிபதி உறைக்கு பின்னர் ஒலித்த இசை, மதன்பாப் வாசித்த கிட்டார் இசைதான். இசைகலைஞராக தூர்தர்ஷன், மேடை நாடகம், விளம்பரங்கள், டிவி சீரியல்கள் என இசை கலைஞராக இருந்து வந்துள்ளார்.

அந்த காலகட்டத்தில் பாலுமகேந்திராவின் நீங்கள் கேட்டவை படத்தில் அடியே மனம் நில்லுனா நிக்காத டீ என்கிற குத்து பாடலில் கேமியோவாக தோன்றியிருப்பார். மதன் பாப்புக்கு தனது தந்தையை போல் பேசும்போது அடிக்கடி சிரிக்கும் பழக்கம் கொண்டவராக இருந்துள்ளார்.

இதில் இம்ரஸ் ஆன மறைந்த இயக்குநர் சிகரம் பாலசந்தர், தனது வானமே எல்லை படத்தில் காமெடி வேடத்தில் நடிக்க வைத்தார். அப்போது தொடங்கிய இவரது நடிப்பு பயணம் சுமார் மூன்று தசாப்தங்களுக்கும் மேலாக 200 படங்களுக்கு மேல் தொடர்ந்து வருகிறது.

மதன் பாப் பெயர் சுவாரஸ்ய பின்னணி

மதன் பாப் ஒரிஜினல் பெயர் கிருஷ்ணமூர்த்தி. வீட்டில் எட்டாவது பிள்ளையாக பிறந்த அவருக்கும், அவரது சித்தப்பாவுக்கும் ஒரே பெயர் என்பதால், இவரை மதன் என வீட்டில் இருப்பவர்கள் அழைத்தார்கள். சிறு வயதிலேயே கொழு கொழுவென தோற்றத்தில் இருந்து வந்த மதன், தனது தம்பி பாபுவுடன் இணைந்து மதன் பாபு என்ற ட்ரூப் உருவாக்கி இசைபணிகளில் ஈடுபட்டு வந்தார். மதன்பாப் தான் தனது குரு என ஏ.ஆர். ரஹ்மானே கூறியதாகவும் இயக்குநர் கே.எஸ். ரவிக்குமார் பல பேட்டிகளில் கூறியுள்ளார்.

இதுவே பின்னர் மதன் பாப் என மாறியுள்ளது. இசைப்புயல் ஏ.ஆர். ரஹ்மான் இவரது ட்ரூப்பில் பல்வேறு விளம்பரங்களுக்கு கீபோர்டிஸ்டாக பணியாற்றியுள்ளார். இதுதவிர இசைஞானி இளையராஜா, கங்கை அமரன் போன்றோரும் மதன்பாப் ட்ரூப்புக்காக வாசித்துள்ளனராம்.

தமிழ் சினிமாவில் சூப்பர் ஸ்டார் ரஜினிகாந்த், உலக நாயகன் கமல்ஹாசன், அஜித்குமார், விஜய், சிம்பு, தனுஷ், சூர்யா,விக்ரம் என முன்னணி நடிகர்கள் பலருடன், கவுண்டமணி, விவேக், வடிவேலு, சந்தானம் போன்ற பல காமெடியன்களுடன் இணைந்து நடித்த நடிகராக உள்ளார்.

காமெடியனாக மட்டுமல்லாமல், குணச்சித்திர வேடங்களிலும் பல படங்களில் தோன்றியிருக்கும் இவர் பல்வேறு முன்னணி இயக்குநர்களின் பேவரிட்டான நடிகராகவும், செண்டிமென்டாக தங்களது படங்களில் நடிக்க வைக்க நடிகராகவும் இருந்துள்ளார்.

எதற்கெடுத்தாலும் சிரிக்கும் குணம் கொண்டவராக இருந்து வந்த மதன்பாப், இந்த சிரிப்பால் சில தர்மசங்கடமான சூழ்நிலையிலும் சிக்கலில் மாட்டிக்கொண்டுள்ளாராம். தாயின் மறைவு, தந்தை மருத்துவனையில் இருந்து சிகிச்சை பெற்று திரும்பும்போது அந்த சூழலில் ஏற்பட்ட நகைச்சுவை உணர்வில் இது போன்ற அனுபவத்தை பெற்றதாக பல பேட்டிகளில் தெரிவித்துள்ளார்.