2023 Top Box Office Collection: மாஸ்.. 2023ல் அதிக வசூல் செய்த ஐந்து படங்கள் என்னென்ன?

தமிழ் சினிமாவில் முன்னணி நடிகராக இருப்பவர் நடிகர் விஜய். இவரது நடிப்பில் கடைசியாக வெளியான திரைப்படம் ‘லியோ’. லோகேஷ் கனகராஜ் விக்ரம் பட வெற்றிக்கு பிறகு இந்தப்படத்தை இயக்கியதாலும், மாஸ்டர் படத்திற்கு பிறகு மீண்டும் விஜய் லோகேஷூடன் இணைந்த காரணத்தினாலும், இந்தப்படத்திற்கு மிகப்பெரிய எதிர்பார்ப்பு நிலவியது.

ஆனால், படம் அந்த எதிர்பார்ப்பை பூர்த்தி செய்யவில்லை. வசூல் ரீதியாக பெரிய பாதிப்பு இல்லை என்றாலும், விமர்சகர்களாலும், ரசிகர்களாலும் இந்தப்படம் கடுமையாக விமர்சனத்தை பெற்றது. இப்படம் உலகம் முழுவதும் ரூ.650 கோடி வசூல் செய்து இருந்தது.

ஜெயிலர்

நடிகர் ரஜினிகாந்த் நடிப்பில், நெல்சன் இயக்கத்தில் கடந்த ஆகஸ்ட் 10ஆம் தேதி வெளியான திரைப்படம், ஜெயிலர். இப்படத்தில் மோகன் லால், சிவ ராஜ்குமார், ஜாக்கி ஷெராஃப், ரம்யா கிருஷ்ணன், வசந்த் ரவி, தமன்னா, விநாயகன் உள்ளிட்டப் பலர் நடித்திருந்தனர். இப்படத்திற்கு அனிருத் இசை அமைத்திருந்தார். பாடல்கள் மற்றும் தீம் மியூசிக் ஆகியவை பெரியளவில் ஹிட் ஆகின. உலகம் முழுவதும் ஜெயிலர் திரைப்படம் ரூ. 615 கோடி வசூல் செய்து உள்ளது.

பொன்னியின் செல்வன் 2

மணிரத்னம் இயக்கத்தில் கடந்த ஏப்ரல் 28 ஆம் தேதி வெளியான படம், பொன்னியின செல்வன் 2. முதல் பாகத்தை தொடர்ந்து வெளியான இரண்டாம் பாகத்திற்கும் ரசிகர்கள் நல்ல வரவேற்பை கொடுத்தனர். ரசிகர்களின் பெரும் எதிர்பார்ப்புகளுக்கு மத்தியில் இந்த படம் வெளியானது. இந்த படம் உலகம் முழுவதும் படம் ரூ.350 கோடி வசூல் செய்து உள்ளது.

வாரிசு

நடிகர் விஜய் நடித்த வாரிசு படம் தமிழ், தெலுங்கு என இரண்டு மொழிகளில் பொங்கல் பண்டிகை முன்னிட்டு வெளியானது. இயக்குநர் வம்சி இயக்கிய இப்படத்திற்கு இசையமைப்பாளர் தமன் இசையமைத்துள்ளார். தில் ராஜு படத்தை தயாரிக்க, 7 ஸ்க்ரீன் ஸ்டூடியோ நிறுவனம் மற்றும் உதயநிதி ஸ்டாலினின் 'ரெட் ஜெயண்ட் மூவிஸ்' நிறுவனம் இணைந்து படத்தை வெளியீடு செய்தது. வாரிசு படம் உலகம் முழுவதும் ரூ.300க்கும் மேல் வசூல் செய்துள்ளது.

துணிவு

எச்.வினோத் இயக்கத்தில் நடிகர் அஜித் குமார் நடிப்பில் பொங்கல் பண்டிகைக்கு வெளியான திரைப்படம் துணிவு. மஞ்சுவாரியர், சமுத்திரக்கனி, ஜான் கோகைன், வீரா, ஜிஎம் சுந்தர், தர்ஷன், பிரேம்குமார், மகாநதி சங்கர், மோகனசுந்தரம் உள்ளிட்ட பலர் நடித்த இந்த படத்திற்கு ஜிப்ரான் இசையமைத்துள்ளார். இயக்குநர் எச் வினோத், தயாரிப்பாளர் போனி கபூர், நடிகர் அஜித்குமார் ஆகியோர் கூட்டணியில் இது மூன்றாவது திரைப்படம் ஆகும். துணிவு படம் உலகம் முழுவதும் ரூ.250 கோடி வசூல் செய்துள்ளது.

சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9 

ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.

https://www.whatsapp.com/channel/0029Va9NEUA7IUYU4eBTc81v