MS Dhoni: “சர்வதேச போட்டிகளில் மட்டும் தான் ஓய்வு”! ரசிகர்களை குஷிப்படுத்திய தோனியின் பேச்சு - ஐபிஎல் விளையாடுவாரா?

இறுதியாக சிஎஸ்கே அணி ஐபிஎல் 2023 தொடரை வென்று ஐந்தாவது முறையாக சாம்பியன் ஆன பின்னர் அவரிடம் இதே கேள்வியை மீண்டும் கேட்டபோது, உடல் ஒத்துழைத்தால் ரசிகர்களுக்காக நான் அடுத்த சீசனிலும் விளையாடினால் அது சிறந்த பரிசாக அவர்களுக்கு அமையும் என்று தெரிவத்தார். அவரது இந்த பதில் ரசிகர்களை இன்பக்கடலில் மூழ்கடித்தது.

தோனி இப்படி சொன்னது நியாயமான விஷயமாகவும் இருந்தது. ஏனென்றால் ஐபிஎல் 2023 தொடரின் தொடக்கத்திலேயே மூட்டு வலியாக அவதிப்பட்ட தோனி, தொடர் முழுவதும் பாதிப்பு மேலும் ஏற்படாலம், உடல் தகுதியை சரியாக பேனி பாதுகாத்து விளையாடியதுடன், கோப்பையும் வென்றார்.

ஐபிஎல் தொடர் முடிவுற்ற பின்னர் ஜூன் மாதம் மூட்டு வலிக்காக அறுவை சிகிச்சையும் செய்தார் தோனி. இதையடுத்து ஐபிஎல் 2024 ஏலம் தொடர்பாக தகவல் வெளியாகியிருக்கும் நிலையில் தோனி விளையாடுவாரா என்கிற கேள்வி எழுந்திருக்கிறது.

இதற்கிடையே நிகழ்ச்சி ஒன்றில் பங்கேற்ற தோனி, ஐபிஎல் 2024 தொடரில் விளையாடுவது பற்றி ரசிகர்களுக்கு தனது ஸ்டைலில் குறிப்பை வெளிப்படுத்தியுள்ளார். அந்த நிகழ்வின்போது தோனியிடம், கிரிக்கெட்டில் இருந்து ஓய்வு பெற்ற நீங்கள் என அவரிடம் பேட்டி எடுத்தவர் பேச முற்பட்டபோது, சர்வதேச கிரிக்கெட்டில் இருந்து மட்டும்தான் என தோனி இடைமறித்துள்ளார்.

இதன்மூலம் அவர் ஐபிஎல் 2024 தொடரிலும் விளையாட இருப்பதை மறைமுகமாக உறுதிப்படுத்தியிருப்பதாக தெரிகிறது. அத்துடன் 42 வயதாகும் தோனி, மூட்டு வலி அறுவை சிகிச்சை செய்த பின்னர் நன்கு குணமாகி விட்ட நிலையில், சிஎஸ்கே சிஇஓ காசி விஸ்வநாதனை தொடர்பு கொண்டு அடுத்த சீசனில் விளையாடப்போகிறேனா அல்லது ஓய்வு எடுக்க போகிறேனா என்பது குறித்து பேசியதாகவும் அவரது சாக்‌ஷி தோனி தெரிவித்துள்ளார்.

இதொல்லாம் போக ஐபிஎல் 2024 ஏலம் வரும் டிசம்பர் மாதத்தில் நடைபெற இருக்கும் நிலையில், அந்த நேரத்தில் அடுத்த ஆண்டு ஐபிஎல் தொடரில் விளையாடுவது பற்றி தோனி முடிவை எடுப்பார் எனவும் தகவல்கள் தெரிவிக்கின்றன.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews  

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9