IND W vs UAE W: அடுத்தடுத்து இரண்டு வெற்றிகள்! ஐக்கிய அரபு அமீரகத்தை வீழ்த்தி டி20யில் இந்திய மகளிர் மிக பெரிய வெற்றி
Published Jul 21, 2024 07:45 PM IST
பாகிஸ்தான், ஐக்கிய அரபு அமீரகம் மகளிர் அணிகளை வீழ்த்தி அடுத்தடுத்து இரண்டு வெற்றிகள் இந்திய மகளிர் அணி தனது குரூப்பில் முதல் இடத்தில் உள்ளது. இதில் க்கிய அரபு அமீரகத்தை வீழ்த்தி டி20யில் இந்திய மகளிர் மிக பெரிய வெற்றியை பதிவு செய்துள்ளது.
ஐக்கிய அரபு அமீரகத்தை வீழ்த்தி டி20யில் இந்திய மகளிர் மிக பெரிய வெற்றி (PTI)
மகளிர் ஆசிய கோப்பை கிரிக்கெட் போட்டிகள் இலங்கையில் நடைபெற்று வருகிறது. மொத்தம் 8 அணிகள் பங்கேற்கும் இந்த தொடரில் இந்திய, பாகிஸ்தான், ஐக்கிய அரபு அமீரகம், நேபாளம் மகளிர் ஆகிய அணிகள் குரூப் ஏ பிரிவில் உள்ளன.
அதேபோல் குரூப் பி பிரிவில், இலங்கை, வங்கதேசம். தாய்லாந்து, மலேசியா மகளிர் அணிகள் இடம்பிடித்துள்ளன. இதையடுத்து இந்திய மகளிர் தனது முதல் போட்டியிலேயே எதிரி அணியான பாகிஸ்தான் மகளிரை எதிர்கொண்டது.
இந்த போட்டியில் இந்திய மகளிர் 7 விக்கெட் வித்தியாசத்தில் வெற்றி பெற்றது. இதைத்தொடர்ந்து இந்திய மகளிர் தனது இரண்டாவது லீக் ஆட்டத்தில் ஐக்கிய அரபு அமீரகம் மகளிர் அணியை எதிர்கொண்டது.