Too Much Calcium : சுயமாக கால்சியம் மாத்திரை எடுப்பது நல்லதா.. உடலில் அதிகப்படியா கால்சியம் இருந்தால் இத்தனை ஆபத்தா?
சிலர் சுயமாக மருத்துவரின் ஆலோசனை இன்றி கால்சியம் மாத்திரைகள் உள்ளிட்ட பல சத்து மாத்திரைகளை எடுத்து கொள்கிறார்கள். கால்சியம் மாத்திரைகளை அதிகம் உட்கொள்வது ஆரோக்கியமானதா?
இன்றைய காலத்தில் ஆரோக்கியமான உணவுப் பழக்கம் என்று எதுவும் இல்லை. நம்மில் பலரும் காலத்தின் வேகத்தில் கிடைத்ததைச் சாப்பிட்டு பழகி விட்டோம். இதனால் சத்தான உணவுகளை உட்கொள்ள இயலாத சூழலில் பலரும், சத்துக்களை மாத்திரைகளாக உடலுக்குள் செலுத்தும் சூழல். இது நல்ல பழக்கம் இல்லை.. ஆனாலும் வேறு வழி இல்லாமல் நாம் அதை செய்கிறோம். சிலர் சுயமாக மருத்துவரின் ஆலோசனை இன்றி கால்சியம் மாத்திரைகள் உள்ளிட்ட பல சத்து மாத்திரைகளை எடுத்து கொள்கிறார்கள். கால்சியம் மாத்திரைகளை அதிகம் உட்கொள்வது ஆரோக்கியமானதா?
1000-1200 மி.கி கால்சியம் உள்ள உணவுகளில் ப்ரோக்கோலி, டோஃபு, வெல்லப்பாகு, எள் விதைகள் மற்றும் காலார்ட் கீரைகள் ஆகியவை அடங்கும். அதிகப்படியான கால்சியம் உங்கள் எலும்புகள் மற்றும் பற்களுக்கு நிச்சயமாக நல்லதல்ல. இரத்தத்தில் அதிகப்படியான கால்சியம் பல பக்க விளைவுகளை ஏற்படுத்தும் என்பதை கவனத்தில் கொள்ள வேண்டும். ஹைப்பர் தைராய்டிசம், புற்றுநோய் போன்றவை ஹைபர்கால்சீமியாவை ஏற்படுத்தும். இந்த நிலை ஏற்படும் போது, இரத்தத்தில் கால்சியத்தின் அளவு அதிகரிக்கத் தொடங்குகிறது. அதிகப்படியான கால்சியத்தால் ஏற்படும் பிரச்சனைகள் என்ன அதனால் எத்தனை பெரிய சிக்கல்கள் நமக்கு ஏற்படும் என்பதை இங்கு பார்க்கலாம்.
ஒரு ஆய்வின் படி, அதிகப்படியான கால்சியம் ஆயுளைக் குறைக்கிறது என்பது தெரியவந்துள்ளது. பல பெண்கள் தங்கள் 19 வது பிறந்தநாளுக்கு முன்பே இறந்துவிடுகிறார்கள். அதிக கால்சியம் மாத்திரைகளை உட்கொள்வதே இதற்குக் காரணம் என்கிறது அந்த ஆய்வக அறிக்கை. உணவுப் பழக்கம், புகைப்பிடிக்கும் பழக்கம் போன்றவற்றில் 1400 மி.கி கால்சியத்தை எடுத்துக் கொண்டால் இதய நோய் வருவதற்கான வாய்ப்பு இரட்டிப்பாகும் என்கின்றனர் மருத்துவர்கள். இதனால் 40 சதவீத இறப்பு விகிதமும் ஏற்படலாம். முறையான ஆரோக்கியமான உணவை உட்கொள்வதன் மூலம் கால்சியம் குறைபாட்டை குணப்படுத்தலாம். கால்சியம் மாத்திரைகளை தேவையில்லாமல் சாப்பிடுவது நம் உடலுக்கு நல்லதல்ல.
இரத்தத்தில் கால்சியம் அதிகமாக இருந்தால், சிறுநீரகங்கள் அதை வடிகட்ட மிகவும் போராடும் சூழல் ஏற்படலாம். இதனால் நமக்கு அடிக்கடி சிறுநீர் கழித்தல் மற்றும் தாகம் ஏற்படுகிறது. சிறுநீரக கற்களும் உருவாக வாய்ப்புகள் அதிகம். 2015 இல் நடத்தப்பட்ட ஒரு ஆய்வின்படி, கால்சியம் மாத்திரைகள் சிறுநீரக கற்களை உருவாக்கும். கால்சியம் மாத்திரைகளை எடுத்துக் கொள்ளும் நோயாளிகளுக்கு சிறுநீரகக் கற்கள் விரைவாக உருவாகும் என்று நிரூபிக்கப்பட்டுள்ளது. வைட்டமின் டி உட்கொள்பவர்களுக்கு சிறுநீரக கற்களின் தாக்கம் குறைவதையும் கண்டறிந்தனர். வைட்டமின் டி மாத்திரைகள் சிறுநீரக கற்களை தடுக்கும் ஆற்றல் கொண்டது.
கால்சியம் எலும்புகளை வலுப்படுத்த உதவுகிறது. நரம்புகள் சுருங்க, ஓய்வெடுக்க தசைகளுக்கு தூண்டுதல்களை அனுப்ப உதவுகின்றன. அதிகப்படியான கால்சியம் இதய தசையை வேகமாக துடிக்க வைக்கிறது. இதயத் துடிப்பு சீரற்றதாக இருந்தால், உடனடியாக மருத்துவரை அணுகுவது நல்லது. அதனால்தான் மனித உடலுக்கு தேவையான அளவு மட்டுமே கால்சியம் இருக்க வேண்டும். கால்சியம் உணவில் உள்ளது அதை மாத்திரை வடிவில் எடுததுக்கொள்ள வேண்டியது இல்லை என்பதை உறுதிப்படுத்திக் கொள்ளுங்கள். அப்போதுதான் நீங்கள் ஆரோக்கியமாக இருப்பீர்கள்.
ஆனால் உடலில் வேறு காரணங்களால் கால்சியம் சத்து தொடர்ந்து குறைபாடுடன் இருக்க வாய்ப்பு உள்ளது. அதனால் நாம் பக்க விளைவுகளை சந்திக்க நேரிடலாம். அப்படி இருக்கும் பட்சத்தில் முறையாக மருத்துவரின் ஆலோசளை படி கால்சியம் மருந்துகளை எடுத்து கொள்வது நல்லது. ஆனால் தொடர்ச்சியாக ஆலோசனை பெற்று கால்சியம் மாத்திரையை எப்போது தவிர்க்க வேண்டும் என்பதையும் உறுதிப்படுத்த வேண்டும்.
