Ram Navami in Ayodhya: அயோத்தியில் ராமர் கோயில் ராம நவமி அன்று எத்தனை மணி நேரம் திறந்திருக்கும்?

குடமுழுக்கு விழாவிற்குப் பிறகு அயோத்தியில் முதல் ராம நவமியில் பக்தர்கள் அதிக அளவில் வருவார்கள் என்று எதிர்பார்க்கப்படுவதைக் கருத்தில் கொண்டு, ஸ்ரீ ராம் ஜன்மபூமி தீர்த் க்ஷேத்ரா அறக்கட்டளை திங்கள்கிழமை ஏப்ரல் 19 க்குப் பிறகு ராம் லல்லாவை தரிசிக்க அயோத்திக்கு வருமாறு VIP-களுக்கு வேண்டுகோள் விடுத்தது.

ஏப்ரல் 16 முதல் 18 வரை ராம் லல்லாவின் தரிசனம் மற்றும் ஆரத்திக்கான அனைத்து சிறப்பு பாஸ் முன்பதிவுகளையும் ரத்து செய்துள்ளது. ராமர் கோவிலுக்குள் நுழைய மற்ற பக்தர்களைப் போலவே அனைவரும் அதே வழியைப் பின்பற்ற வேண்டும் என்று அறக்கட்டளை தெரிவித்துள்ளது.

ராம நவமி அன்று அயோத்திக்கு தேவையற்ற அவசரத்தைத் தவிர்க்குமாறு அறக்கட்டளை திங்களன்று தனது அதிகாரப்பூர்வ சமூக வலைத்தளமான எக்ஸ் மூலம் பக்தர்களுக்கு வேண்டுகோள் விடுத்தது.

"ராம நவமி நாளில், அதிகாலை 3:30 மணிக்கு பிரம்ம முகூர்த்தத்தில் (அதிகாலை) தொடங்கி, பக்தர்கள் தரிசனத்திற்காக வரிசையில் நிற்பதற்கான ஏற்பாடுகள் செய்யப்படும். இரவு 11 மணி வரை பக்தர்கள் ராம் லல்லாவை தரிசிக்க முடியும்" என்று அறக்கட்டளை தெரிவித்துள்ளது.

தரிசனத்தின் போது சிரமம் மற்றும் நேரத்தை வீணடிப்பதைத் தவிர்க்க, பக்தர்கள் தங்கள் மொபைல் போன்கள் மற்றும் பிற மதிப்புமிக்க பொருட்களை கொண்டு வர வேண்டாம் என்று அறிவுறுத்தப்படுகிறார்கள் என்று அறக்கட்டளை தெரிவித்துள்ளது.

யாத்ரீகர்களுக்கான சேவை மையம் சுக்ரீவ் குயிலாவில் அறக்கட்டளையால் நிறுவப்பட்டுள்ளது.

பொது ஒளிபரப்பு நிறுவனமான பிரசார் பாரதி தூர்தர்ஷனில் ராமர் கோயிலில் ராம நவமி கொண்டாட்டங்களை நேரடியாக ஒளிபரப்பு செய்யும்.

ராம் மந்திரில் ராம நவமி கொண்டாட்டங்களின் நேரடி ஒளிபரப்புக்காக அயோத்தி மாநகராட்சி அயோத்தி முழுவதும் சுமார் 100 எல்.ஈ.டி திரைகளை அமைக்கும் என்று அறக்கட்டளை தெரிவித்துள்ளது.

"ராம நவமி கொண்டாட்டங்களின் நேரடி ஒளிபரப்பு கிடைக்கும், எனவே பக்தர்கள் ராமர் கோயிலின் நடவடிக்கைகளை தங்கள் வீடுகளிலிருந்தே காணுமாறு கேட்டுக்கொள்ளப் படுகிறார்கள். ராம நவமி அன்று அயோத்திக்கு தேவையில்லாமல் விரைந்து செல்வதைத் தவிர்க்கவும்" என்று அறக்கட்டளை தெரிவித்துள்ளது.

ராம நவமி

ராம நவமி என்பது பிரபலமான தெய்வங்களில் ஒருவரான ராமரின் பிறப்பைக் கொண்டாடும் ஒரு இந்து பண்டிகையாகும், ராமர் விஷ்ணுவின் ஏழாவது அவதாரம் என்றும் நம்பப்படுகிறது. அவருடைய நீதி, நன்னடத்தை மற்றும் நல்லொழுக்கத்தின் மூலம் ஒரு சிறந்த அரசராகவும் மனிதனாகவும் இருப்பதற்காக அவர் பெரும்பாலும் இந்து மதத்திற்குள் ஒரு சின்னமாக கருதப்படுகிறார். இந்து நாட்காட்டியின் முதல் மாதமான சைத்ராவின் சந்திர சுழற்சியின் (மார்ச்-ஏப்ரல்) பிரகாசமான பாதியின் (சுக்ல பக்ஷ) ஒன்பதாம் நாளில் திருவிழா வருகிறது. இது வசந்த காலத்தில் சைத்ர நவராத்திரி திருவிழாவின் ஒரு பகுதியாகும். இந்தியாவில் உள்ள அரசு ஊழியர்களுக்கு ராம நவமி விடுமுறையாக அறிவிக்கப்பட்டுள்ளது.

ராம நவமியுடன் தொடர்புடைய சடங்குகள் மற்றும் பழக்கவழக்கங்கள் இந்தியா முழுவதும் பிராந்தியத்திற்கு பிராந்தியம் வேறுபடுகின்றன. ராமரின் கதையை விவரிக்கும் இந்து இதிகாசமான ராமாயணத்திலிருந்து பாராயணம் செய்வதன் மூலம் நாள் குறிக்கப்படுகிறது.