’துன்பங்களை துரத்தி அடிக்க போகும் துலாம் ராசி!’ ராகு கேது பெயர்ச்சி பலன்கள் 2025!

மாய சிந்தனையை உருவாக்கும் நிலையை ராகு பகவானும், ஞான சிந்தனையை உருவாக்கும் நிலையை கேது பகவானும் அளிக்கின்றனர். இந்த இரண்டு கிரகங்களும் இருக்கும் வீட்டின் உடைய அதிபதியின் பலன்களை தரும் தன்மைகளை பெற்று உள்ளன.

துலாம் 

துலாம் ராசிக்கு 5ஆம் இடத்தில் ராகு பகவானும், 11ஆம் இடத்தில் கேது பகவானும் அமர்கின்றனர். தேவைகளை நிறைவேற்றிக் கொள்ளும் காலமாக ராகு கேது பெயர்ச்சி துலாம் ராசிக்காரர்களுக்கு விளங்கப்போகின்றது. கடன், நோய், மன உளைச்சல் உள்ளிட்ட பிரச்னைகள் விலகும். இரவு தூக்கமின்றி தவித்தவர்களுக்கு தீர்வு கிடைக்கும். பராக்கிரம் அதிகரிக்கும். புதிய செயல்திட்டங்களை தொடங்குவீர்கள். பூர்வீக சொத்துக்களில் இருந்து வந்த பிரச்னைகள் தீரும். 

லட்சுமி கடாட்சம் உண்டாகும்

வீட்டில் லட்சுமி கடாட்சம் பெருகும். ராகு பகவானால் திடீர் பணவரவு உண்டாகும். திருமணம் ஆகி குழந்தை இல்லாதவர்களுக்கு புத்தர பாக்கியம் கிடைக்கும். வீட்டில் உள்ள முதியவர்களின் உடல்நலனில் அக்கறை காட்டுவது அவசியம். 

தொழில் மற்றும் வியாபாரத்தில் லாபம் பெருகும். குடும்ப பெரியவர்கள் மூலம் பண ஆதாயம் உண்டாகும். சமூகத்திலும், வீட்டிலும் மதிப்பு மரியாதை கூடும். பணியிடங்களில் செல்வாக்கு அதிகரிக்கும். வெளியூர் பயணம் மூலம் ஆதாயமும், லாபம் உண்டாகும். குழந்தைகள் வழியில் இருந்து வந்த பிரச்னைகள் தீரும். பிள்ளைகள் கல்வி சார்ந்து முன்னேற்றம் அடைவார்கள். பெற்றோர்கள் பிள்ளைகள் மூலம் பாக்கியம் பெறுவீர்கள்.

மன உளைச்சல்கள் தீரும்

தொழில் மற்றும் குடும்ப உறவுகளில் இதுவரை இருந்து வந்த மன உளைச்சல்கள் தீரும். பணியிடங்களில் இருந்து வந்த சிக்கல்கள் மற்றும் பிரச்னைகள் படிப்படியாக நீங்கும். தொழிலில் புதிய கூட்டாளிகளை பெறுவீர்கள். சிலருக்கு வெளிநாடு செல்ல வாய்ப்புகள்  கிடைக்கும். 

இரும்பு, பெட்ரோலியம் சார்ந்த தொழில் செய்வோருக்கு கூடுதல் லாபம் உண்டாகும். குறைந்த முதலீட்டில் அதிக லாபம் கிடைக்கும் காலம் இது. தொழில் தொந்தரவுகள் நீங்குவதை கண்கூடாக பார்ப்பீர்கள். 

சிலருக்கு வீடு மாற்றம், இட மாற்றம், உத்யோக மாற்றம், ஊர் மாற்றம் உண்டாகும். தடைப்பட்ட பணவரவுகள் சீராகும். எண்ணெய் வித்து மற்றும் போக்குவரத்து தொழில்களில் ஈடுபட்டு உள்ளவர்களுக்கு புதிய வாடிக்கையாளர்கள் மூலம் அனுகூலம் கிடைக்கும். சிலர் குடும்பத்தினர் உடன் வெளியூர்களுக்கு சுற்றுலா செல்வீர்கள். ஆன்மீக ஈடுபாடு அதிகரிக்கும். 

பொறுப்புத் துறப்பு

இந்தக் கட்டுரையில் உள்ள எந்தவொரு தகவல்/பொருள்/கணக்கீட்டின் துல்லியம் அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்கள் / ஜோதிடர்கள் / பஞ்சாங்கங்கள் / சொற்பொழிவுகள் / நம்பிக்கைகள் / வேதங்களில் இருந்து சேகரித்து உங்களுக்குத் தெரிவிக்கப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.