’தனுசு ராசிக்கு காதல்திருமணத்தால் கலகல வாழ்கை ரெடி! பணம் தேடி வந்து கிட்டும்!’ ராகு கேது பெயர்ச்சி பலன்கள் 2025!

மாய சிந்தனையை உருவாக்கும் நிலையை ராகு பகவானும், ஞான சிந்தனையை உருவாக்கும் நிலையை கேது பகவானும் அளிக்கின்றனர். இந்த இரண்டு கிரகங்களும் இருக்கும் வீட்டின் உடைய அதிபதியின் பலன்களை தரும் தன்மைகளை பெற்று உள்ளன.

தனுசு

தனுசு ராசிக்கு 4ஆம் இடத்தில் உள்ள ராகு பகவான் 3ஆம் இடத்திற்கும், 10ஆம் இடத்தில் இருந்த கேது பகவான் 9ஆம் இடத்திற்கும் வர உள்ளனர். இந்த கிரக பெயர்ச்சிகள் தனுசு ராசிக்கு ஏற்றங்களை கொடுக்கும் காலமாக அமையும். இதுவரை வாழ்கையில் சந்தித்து வந்த பிரச்னைகள் ராகு பகவான் தரும் தன்னம்பிக்கையால் முடிவுக்கு வரும். 

3ஆம் இடம் என்பது தைரியம், வீரியம், முயற்சி, சகோதரர் உள்ளிட்டோரை குறிக்கும் உபஜெய ஸ்தானம் ஆகும். சதயம் நட்சத்திரத்தில் ராகு பகவான் நுழையும் காலத்தில் தைரியம் பிறக்கும். நீண்ட நாட்களாக கடன் கொடுத்து வராத பணம் மீண்டும் கிடைக்கும். நீண்ட நாட்களாக அடைக்க முடியாத கடன்களை அடைக்க வழிகள் பிறக்கும். 

அர்தாஷ்டம சனி பாதிப்பு இருந்தாலும், ராகு, கேது பெயர்ச்சி முன்னேற்றங்களுக்கான வாய்ப்புகளை உண்டாக்கி தரும். வேலை மற்றும் வேலை சார்ந்த விவகாரங்களில் இருந்த சிக்கல்கள் தீரும். வங்கி சார்ந்த விவகாரங்களில் நிலவிய சிக்கல்கள் தீரும். பணியிடங்களில் தலைமை பொறுப்புகள் தேடி வரும். வீடு கட்ட, தொழில் விரிவாக்கம் செய்ய, கல்வி பயில கடன்கள் கிடைக்கும். 

அரசுத் தேர்வுகளுக்கு தயாராகி வருபவர்களுக்கு புதிய வாய்ப்புகளும், அனுபவங்களும் உண்டாகும். சினிமா உள்ளிட்ட கலைத்துறையில் இருப்பவர்கள் புதிய ஒப்பந்தங்களில் கையெழுத்து ஈடுவீர்கள். கனரக வியாபாரத் தொழில் செய்பவர்களுக்கு லாபம் பெருகும். 

போதை உள்ளிட்ட தீய பழக்கம் கொண்டவர்களுக்கு விடிவு காலம் பிறக்கும். 9ஆம் இட கேது பகவானால் தந்தையார் சார்ந்த உறவுகளில் இருந்து வந்த பிரச்னைகள் தீரும். சிலருக்கு திடீர் திருமண வாய்ப்புகள் உண்டாகும். காதல் திருமணத்திற்கு குடும்பத்தினர் ஆதரவு கிடைக்கும். அரசு சார்ந்த ஆதாயங்கள் மற்றும் அரசு பதவிகள் தேடி வரும். நீண்ட தூர பயணங்கள் மேற்கொள்வீர்கள். சிலர் புதிய வாகனங்களை வாங்கி மகிழ்வீர்கள். தந்தை வழி சொத்துக்களில் இருந்து வந்த தகராறுகள் முடிவுக்கு வரும்.  

பொறுப்புத் துறப்பு

இந்தக் கட்டுரையில் உள்ள எந்தவொரு தகவல்/பொருள்/கணக்கீட்டின் துல்லியம் அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்கள் / ஜோதிடர்கள் / பஞ்சாங்கங்கள் / சொற்பொழிவுகள் / நம்பிக்கைகள் / வேதங்களில் இருந்து சேகரித்து உங்களுக்குத் தெரிவிக்கப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்