மேல்பாதி கோயில் சர்ச்சை: பட்டியலின மக்கள் வழிபாட்டுக்கு திறக்கப்பட்ட மேல்பாதி கோயில் மீண்டும் மூடல்! உச்சகட்ட பரபரப்பு!

paragraph

<p>நீதிமன்ற உத்தரவுப்படி பட்டியலின மக்கள் வழிபாட்டுக்காக திறக்கப்பட்ட மேல்பாதி திரௌபதி அம்மன் கோயில் மீண்டும் மூடப்பட்டதால் பரபரப்பு ஏற்பட்டு உள்ளது.</p><p>விழுப்புரம் மாவட்டம், மேல்பாதி கிராமத்தில் உள்ள திரௌபதி அம்மன் கோயில், சென்னை உயர்நீதிமன்ற உத்தரவின்படி இன்று திறக்கப்பட்ட நிலையில், இரு மணி நேரத்தில் மீண்டும் மூடப்பட்டது. 2023 ஏப்ரல் மாதம் இரு தரப்பினர் இடையே ஏற்பட்ட மோதல் காரணமாக கோயில் பூட்டப்பட்டிருந்தது. நீதிமன்ற உத்தரவை அடுத்து, 500-க்கும் மேற்பட்ட காவலர்கள் பாதுகாப்புடன் கோயில் திறக்கப்பட்டது.</p><p>ஆனால், ஒரு தரப்பினர் வழிபாட்டுக்கு எதிர்ப்பு தெரிவித்ததால், சமரச முயற்சிகள் தோல்வியடைந்து கோயில் மூடப்பட்டது. இதனால், அப்பகுதியில் பரபரப்பு ஏற்பட்டுள்ளது. மூன்று மாவட்ட காவல்துறையினர் பாதுகாப்பு பணியில் ஈடுபட்டு, வெளியூர் வாகனங்களை சோதனை செய்து அனுமதிக்கின்றனர். பொதுமக்களுடன் பேச்சுவார்த்தை நடத்தப்பட்டு வருகிறது. உயர்நீதிமன்ற உத்தரவு இருந்தபோதிலும், ஒத்துழைப்பு இல்லாததால் கோயில் மூடப்பட்டுள்ளது.</p><h2>மேல்பாதி திரௌபதி அம்மன் கோயில் பிரச்னை</h2><p>விழுப்புரம் மாவட்டம், மேல்பாதி கிராமத்தில் அமைந்துள்ள திரௌபதி அம்மன் கோயிலில் பட்டியலின மக்கள் வழிபாடு செய்ய அனுமதி மறுக்கப்படுவதாக குற்றச்சாட்டு எழுந்தது.</p><p>இதனால் இரு சமூகங்களுக்கு இடையே பதற்றம் உருவானதால் பொது அமைதியைப் பாதுகாக்கும் நோக்கில், அரசு அதிகாரிகள் கோயிலுக்கு சீல் வைத்து மூடினர். இது, பட்டியலின மக்களின் வழிபாட்டு உரிமை மறுக்கப்பட்டதாக புகார்களை எழுப்பியது.</p><p>கோயில் மூடப்பட்டதை எதிர்த்து, சென்னை உயர்நீதிமன்றத்தில் வழக்கு தொடுக்கப்பட்டது. அனைவருக்கும் சமமான வழிபாட்டு உரிமை உறுதி செய்யப்பட வேண்டும் என வாதிடப்பட்டது</p><p>கடந்த ஆண்டு மார்ச் மாதம், சென்னை உயர்நீதிமன்ற நீதிபதி ஆனந்த் வெங்கடேஷ், கோயிலை உடனடியாக திறக்க உத்தரவிட்டார். 2024 ஏப்ரல் 22 முதல் தினமும் இரு வேளை பூஜைகள் நடத்தப்பட வேண்டும் என்றும், பொதுமக்கள் அனைவரும் தடையின்றி வழிபட அனுமதிக்கப்பட வேண்டும் என்றும் தீர்ப்பு வழங்கப்பட்டது. </p><h2>கோயில் மீண்டும் திறப்பு</h2><p>கடந்த ஆண்டு மார்ச் 22ஆம் தேதி அன்று நீதிமன்ற உத்தரவை அமல்படுத்தும் வகையில், 9 மாதங்களுக்குப் பிறகு கோயிலின் சீல் அகற்றப்பட்டு, அதிகாரிகள் மற்றும் காவல்துறை முன்னிலையில் கோயில் திறக்கப்பட்டது. முதல் நாள் முதல், மறு உத்தரவு வரும் வரை ஒரு வேளை பூஜை நடத்த அனுமதிக்கப்பட்டது. ஆனால், இந்தத் திறப்பு நீண்ட காலம் நீடிக்கவில்லை. பட்டியலின மக்கள் கோயிலுக்குள் வழிபட அனுமதிக்கப்படவில்லை என்ற புகார்கள் மீண்டும் எழுந்தன. </p><h2>மீண்டும் நீதிமன்ற உத்தரவு</h2><p>கடந்த பிப்ரவரி மாதம் சென்னை உயர்நீதிமன்றம் மற்றொரு முக்கிய தீர்ப்பை வழங்கியது. பட்டியலின பக்தர்கள் கோயிலுக்குள் வழிபடுவதை யாரேனும் தடுத்தால், காவல்துறை உடனடியாக சட்டப்படி நடவடிக்கை எடுக்க வேண்டும் என்று உத்தரவிடப்பட்டது. இந்த உத்தரவு, வழிபாட்டு உரிமையை உறுதி செய்யும் முயற்சியாக பார்க்கப்பட்டது.</p><h2>நாம் தமிழர் கட்சியின் எச்சரிக்கை</h2><p>கடந்த மார்ச் 29ஆம் தேதி அன்று நாம் தமிழர் கட்சியின் தலைவர் சீமான் வெளியிட்ட அறிக்கையில்,  கோயிலை பொதுமக்கள் வழிபாட்டுக்கு முழுமையாக திறக்காவிட்டால், ஆலய நுழைவு போராட்டம் நடத்தப்படும் என்று எச்சரித்தார். மேலும் சீமான், அறநிலையத்துறையை விமர்சித்து, கோயிலை திறக்க உரிய நடவடிக்கை எடுக்காவிட்டால் மக்கள் போராட்டம் நடத்தப்படும் என்று மீண்டும் அறிவித்தார்.  </p><h2>கோயில் திறப்பு </h2><p>நீதிமன்ற உத்தரவை அமல்படுத்தும் வகையில், திரௌபதி அம்மன் கோயில் மீண்டும் திறக்கப்பட்டது. 500-க்கும் மேற்பட்ட காவலர்கள் பாதுகாப்புக்கு நிறுத்தப்பட்டனர். பட்டியலின மக்கள் கோயிலுக்குள் வழிபட அனுமதிக்கப்பட்டு, மகிழ்ச்சி தெரிவித்தனர். ஆனால், இரு மணி நேரங்களுக்குள், ஒரு தரப்பினர் எதிர்ப்பு தெரிவித்ததால் கோயில் மீண்டும் மூடப்பட்டது. காவல்துறையினர் பேச்சுவார்த்தை நடத்தி வருகின்றனர். இந்தச் சம்பவம், மேல்பாதி கிராமத்தில் தொடர்ந்து பரபரப்பை ஏற்படுத்தி வருகிறது.</p>

<ul><li>2023 ஏப்ரல் மாதம் இரு தரப்பினர் இடையே ஏற்பட்ட மோதல் காரணமாக கோயில் பூட்டப்பட்டிருந்தது. நீதிமன்ற உத்தரவை அடுத்து, 500-க்கும் மேற்பட்ட காவலர்கள் பாதுகாப்புடன் கோயில் திறக்கப்பட்டது.</li></ul>

டாப் 10 தமிழ் நியூஸ்: மேல்பாதி கோயிலில் பட்டியலின மக்கள் வழிபாடு முதல் தமிழ்நாடு அமைச்சரவை கூட்டம் வரை!

<p>தமிழ்நாட்டில் இன்று காலை வரை நடந்த முக்கிய செய்திகளின் தொகுப்பு இதோ!</p><h2>1.இன்று அமைச்சரவை கூட்டம்&nbsp;</h2><p>தமிழ்நாடு அமைச்சரவை கூட்டம் முதலமைச்சர் மு.க.ஸ்டாலின் தலைமையில் இன்று தலைமை செயலகத்தில் நடைபெறுகிறது.</p><h2>2.செல்வப்பெருந்தகை மீது வழக்குப்பதிவு&nbsp;</h2><p>நேஷனல் ஹெரால்டு விவகாரத்தில் சென்னை சாஸ்திரி பவனில் முற்றுகையில் ஈடுபட்ட தமிழ்நாடு காங்கிரஸ் கமிட்டி தலைவர் செல்வப்பெருந்தகை உட்பட 214 பேர் மீது வழக்குப்பதிவு செய்யப்பட்டு உள்ளது.</p><h2>3.திரௌபதி அம்மன் கோயில் வழிபாடு</h2><p>நீதிமன்ற உத்தரவை அடுத்து விழுப்புரம் மாவட்டம் மேல்பாதி கிராமத்தில் உள்ள திரௌபதி அம்மன் கோயிலில் பட்டியலின மக்கள் வழிபாடு செய்ய அனுமதி அளிக்கப்பட்டு உள்ளது.</p><h2>4.கல்வி நிறுவனங்களில் பிரிவினைக்கு இடமில்லை</h2><p>பிரிவினையைத் தூண்டக்கூடிய கருத்துக்கோ, நடவடிக்கைகளுக்கோ கல்வி நிலையங்களில் இடமில்லை. இதில் எந்தவித சமரசங்களையும் நாம் ஏற்றுக்கொள்ள முடியாது என துணை வேந்தர்கள் மற்றும் பதிவாளர்கள் உடனான ஆலோசனைக் கூட்டத்தில் மு.க.ஸ்டாலின் பேச்சு.&nbsp;</p><h2>5.பல்கலைக்கழகங்களை அறிவாலயமாக மாற்றாதீர்கள்</h2><p>பல்கலைக்கழகங்களை கட்சி தலைமை அலுவலகங்களாக மாற்றவிடாதீர்கள்; அறிவு அரங்கமாக இருக்க வேண்டிய பல்கலைக்கழகங்களை அறிவாலயங்களாக மாற்றிவிடாதீர்கள் என முன்னாள் ஆளுநர் தமிழிசை சௌந்தராஜன் பேச்சு.</p><h2>6.3 மாவட்டங்களில் மழை எச்சரிக்கை&nbsp;</h2><p>தஞ்சாவூர், ராமநாதபுரம், புதுக்கோட்டை மாவட்டங்களில் மழை எச்சரிக்கையை சென்னை மண்டல வானிலை ஆய்வு மையம் தெரிவித்து உள்ளது.</p><h2>7.சின்னதுரை மீது மீண்டும் தாக்குதல்&nbsp;</h2><p>நாங்குநேரி மாணவன் சின்னதுரை மீது மீண்டும் தாக்குதல் நடத்திய அடையாளம் தெரியாத 4 பேர் கொண்ட கும்பலை பிடிக்க 2 தனிப்படைகள் அமைப்பு.&nbsp;</p><h2>8.டிடிவி மீதான வழக்கு வாபஸ்</h2><p>அதிமுக கட்சிக் கொடி, பெயரை பயன்படுத்த தடைக் கோரி டிடிவி தினகரனுக்கு எதிராக தொடர்ந்த வழக்கை எடப்பாடி பழனிசாமி திரும்ப பெற்றார்.</p><h2>9.அதிமுக-பாஜக கூட்டணி சந்தேகம்&nbsp;</h2><p>அ.தி.மு.க. - பா.ஜ.க. கட்சிகள் இன்னும் கூட்டணிக்கான முழு வடிவம் பெறவில்லை.. மற்ற கட்சிகள் அந்த கூட்டணியில் இணைவார்களா என்று சந்தேகமாக இருக்கிறது என திருமாவளவன் பேட்டி.&nbsp;</p><h2>10.அமைச்சர் பொன்முடி மீது வழக்கு</h2><p>சைவம், வைணவ குறியீடுகளை ஆபாசமாக பேசிய விவகாரத்தில் அமைச்சர் பொன்முடியை பதவியில் இருந்து நீக்க கோரி சென்னை உயர்நீதிமன்றத்தில் பொதுநல வழக்கு தொடரப்பட்டு உள்ளது.&nbsp;</p><p>&nbsp;</p>

<ul><li>மேல்பாதி கிராமத்தில் பட்டியலின மக்கள் வழிபாடு, தமிழக அமைச்சரவை கூட்டம் இன்று தொடக்கம், செல்வப்பெருந்தகை மீது வழக்குப்பதிவு உள்ளிட்ட முக்கிய செய்திகளின் தொகுப்பு இதோ!</li></ul>

MK Stalin: ‘நம்பர் ஒன் முதலமைச்சர்’ என்பதைவிட ’நம்பர் ஒன் தமிழ்நாடு’ என்பதுதான் என்னுடைய இலக்கு! முதலமைச்சர் ஸ்டாலின்!

<p>சில எதிர்க்கட்சித் தலைவர்கள் வெறும் குறைகளை மட்டுமே சொல்லிக்கொண்டு இருக்கிறார்கள். அது ஆட்சியின் குறை இல்லை, அவர்கள் சிந்தனையில் ஏற்பட்டிருக்கக்கூடிய குறைபாடு என முதலமைச்சர் மு.க.ஸ்டாலின் தெரிவித்து உள்ளார்.&nbsp;</p><h2>எனக்கு கிடைத்த வாழ்நாள் பெருமை!</h2><p>விழுப்புரத்தில் வன்னியர் இடஒதுக்கீட்டு போராட்டத்தில் உயிர்நீத்த 21 பேரின் மணிமண்டபம் மற்றும் முன்னாள் அமைச்சர் ஏ.கோவிந்தசாமியின் மணிமண்டபத்தை முதலமைச்சர் மு.க.ஸ்டாலின் திறந்து வைத்தார். இந்த நிகழ்ச்சியில் பேசிய அவர், தந்தை பெரியார், பேரறிஞர் அண்ணா ஆகியோர் இட்ட பணியை தட்டாமல் செய்து முடிப்பதுதான் தன்னுடைய ஒரே வேலை என்று வாழ்ந்த ஏ.கோவிந்தசாமி அவர்களுக்கு கழக அரசு மணிமண்டபம் அமைப்பதும், அதை நான் திறந்து வைப்பதும் எனக்கு கிடைத்த வாழ்நாள் பெருமை!</p><h2>திமுக ஆட்சியின் வரலாறு!</h2><p>அடுத்து, 21 சமூகநீதிப் போராளிகளுக்கு நினைவு மண்டபம் திறந்து வைக்கப்பட்டிருக்கிறது. மிகவும் பிற்படுத்தப்பட்ட <a class="manualbacklink" target="_blank" href="https://tamil.hindustantimes.com/tamilnadu/minister-duraimurugan-urges-vanniyar-community-to-stand-loyal-to-chief-minister-mk-stalin-for-progressive-tamil-nadu-131738043379628.html">வன்னிய</a> சமுதாய மக்கள் தங்களின் சமூகநீதி உரிமையைக் கேட்டு <a class="manualbacklink" target="_blank" href="https://tamil.hindustantimes.com/videos/admk-is-not-your-fathers-house-property-kc-palaniswami-turmoil-131720285581611.html">அ.தி.மு.க</a> ஆட்சிக் காலத்தில் போராடியபோது, காக்கை குருவிகளை சுடுவது போல சுட்டுக் கொல்லப்பட்டார்கள். 1987-ஆம் ஆண்டு இது நடந்தது. வன்னிய சமுதாய மக்களின் கோரிக்கைக்கு அன்றைக்கு அ.தி.மு.க. அரசு செவிமடுக்கவில்லை. 1989-ஆம் ஆண்டு சட்டமன்றத் தேர்தல் அறிக்கையில் தலைவர் கலைஞர், “<a class="manualbacklink" target="_blank" href="https://tamil.hindustantimes.com/topic/dmk">திமுக</a> ஆட்சிக்கு வந்தால் மிகவும் பிற்படுத்தப்பட்ட மக்களின் நியாயமான கோரிக்கையை ஏற்று தனி ஒதுக்கீடு வழங்க வழிவகை செய்வோம்; என்று வாக்குறுதி கொடுத்தார். சொன்னதுபோல், தலைவர் கலைஞர் அவர்கள் முதலமைச்சர் நாற்காலியில் அமர்ந்த 43-ஆவது நாளில், மிகவும் பிற்படுத்தப்பட்டோருக்கான 20 விழுக்காடு இடஒதுக்கீட்டை உருவாக்கிக் கொடுத்த வரலாறுதான் கலைஞருடைய வரலாறு! திமுக ஆட்சியின் வரலாறு!</p><h2>நமக்கு நிதி ஒன்றுதான் தடையே தவிர, வேறு எந்தத் தடையும் கிடையாது!</h2><p>உயிர்த் தியாகம் செய்த 21 பேர் குடும்பத்திற்கு மூன்று இலட்சம் ரூபாய் கருணைத் தொகையும் மாதந்தோறும் ஓய்வூதியமும் வழங்கியவர் முதலமைச்சர் கலைஞர். இன்றைக்கும் அந்தக் குடும்பங்கள் மாதம் 3 ஆயிரம் ரூபாய் பெற்று வருகிறார்கள். அவர்களுக்கு சமூகநீதிப் போராளிகள் பட்டமும் வழங்கப்பட்டது. சமீப காலமாக நான் சுற்றுப்பயணம் செய்த மாவட்டங்களில், அதிக அறிவிப்புக்களை பெற்ற மாவட்டம் எந்த மாவட்டம் என்று கேட்டால் இந்த விழுப்புரம் மாவட்டம் தான். நமக்கு நிதி ஒன்றுதான் தடையே தவிர, வேறு எந்தத் தடையும் கிடையாது. நிதி இல்லை, நிதி இல்லை என்று புலம்பிக்கொண்டு இருக்காமல், மக்கள் குறைகளை நீக்கிட, அதை நீக்கி, நிறைவேற்றுகின்ற அரசாக தி.மு.க. அரசு இருக்கிறது.</p><p>சில எதிர்க்கட்சித் தலைவர்கள் வெறும் குறைகளை மட்டுமே சொல்லிக்கொண்டு இருக்கிறார்கள். அது ஆட்சியின் குறை இல்லை, அவர்கள் சிந்தனையில் ஏற்பட்டிருக்கக்கூடிய குறைபாடு! அவர்கள் தானும் நல்லது செய்ய மாட்டார்கள், அடுத்தவர்களையும் நல்லது செய்ய விடமாட்டார்கள். மக்களுக்கு நல்லது நடந்தால் அவர்களுக்குப் பிடிக்காது. அதைப் பற்றி கவலைப்படாமல் நாம் நம்முடைய கடமையை தொடர்ந்து ஆற்றிக் கொண்டு வருகிறோம்.</p><h2>தாமதமாக கிடைத்தால்தான் அதற்கு வலு அதிகம்!</h2><p>இதே விழுப்புரத்தில், பொன்முடி சொன்னாரே மாநாட்டைப் பற்றி…. நான் அரசியல் அதிகம் பேச விரும்பபில்லை. ஒன்றை மாத்திரம் சுட்டிக்காட்டுகிறேன். இதே விழுப்புரத்தில், தலைவர் கலைஞர் அவர்கள் 2004-ஆம் ஆண்டு சொன்னதை நான் இன்னும் மறக்கவில்லை… விழுப்புரத்தில் நடந்த தி.மு.க. மாநாட்டுக்கு முதன்முதலாக நான் தலைமை வகித்தேன். பொன்முடி சொன்னது உண்மைதான். அப்போது தலைவர் கலைஞர் பேசும்போது, எனக்கு ஒரு அறிவுரையைச் சொன்னார்! “நான் என்னுடைய 26-ஆவது வயதில் ஒரு மாநாட்டிற்கு தலைமை வகிக்கும் வாய்ப்பைப் பெற்றேன். ஸ்டாலினுக்கு அந்த வாய்ப்பு 50-ஆவது வயதில்தான் கிடைத்திருக்கிறது. இவ்வளவு தாமதமாக கிடைக்கக் காரணம், எதுவும் அவசரமாக, விரைவாக கிடைப்பதைவிட தாமதமாக கிடைத்தால்தான் அதற்கு வலு அதிகம். அந்த வலு உனக்கு சேர்ந்திருக்கிறது என்று குறிப்பிட்டார் தலைவர் கலைஞர்.</p><h2>பாகுபாடும் பார்க்காமல் முதலமைச்சராக செயல்பட்டுக் கொண்டிருக்கிறேன்!</h2><p>சொல்லிவிட்டு, மற்றொன்றையும் கூறினார். “எல்லோரும் உன்னை அங்கீகரித்ததாக நினைத்து நீ நடைபோடக்கூடாது. எங்கிருந்து உனக்கு அங்கீகாரம் கிடைக்கவில்லையோ அதை தெரிந்துக்கொண்டு எல்லோரிடமும் அங்கீகாரம் பெறவேண்டும் என்ற அணுகுமுறையை நீ கற்றுக்கொள்ளவேண்டும்” என்று சொன்னார். அந்த அறிவுரையை என் வாழ்க்கைக்கு வழிகாட்டும் நெறிமுறையாக கொண்டு செயல்படத் தொடங்கினேன். அதனால்தான் வாக்களித்த மக்களுக்கு மட்டுமல்ல – வாக்களிக்காதவர்களுக்கும் சேர்த்து எந்தப் பாகுபாடும் பார்க்காமல் முதலமைச்சராக செயல்பட்டுக் கொண்டிருக்கிறேன். என்னைப் பொறுத்தவரையில், ‘நம்பர் ஒன் முதலமைச்சர்’ என்பதைவிட ’நம்பர் ஒன் தமிழ்நாடு’ என்பதுதான் என்னுடைய இலக்கு! அதற்காக தான் இந்தியாவையே திரும்பிப் பார்க்கின்ற திட்டங்களை செய்கிறோம்.</p>

<ul><li>பொறுத்தவரையில், ‘நம்பர் ஒன் முதலமைச்சர்’ என்பதைவிட ’நம்பர் ஒன் தமிழ்நாடு’ என்பதுதான் என்னுடைய இலக்கு! அதற்காக தான் இந்தியாவையே திரும்பிப் பார்க்கின்ற திட்டங்களை செய்கிறோம்.</li></ul>

MK Stalin: அரிட்டாப்பட்டியில் முதலமைச்சரிடம் இளைஞர் தந்த   கடிதம்! அறிக்கை வெளியிட்டு அதிரவிட்ட ஸ்டாலின்!

<p>MK Stalin: 7வது முறையாக திமுக ஆட்சி அமையும் என முதலமைச்சர் மு.க.ஸ்டாலின் தெரிவித்து உள்ளார்.&nbsp;</p><h2>மதுரையில் நடந்த பாராட்டு கூட்டம்</h2><p>இது தொடர்பாக அவர் வெளியிட்டுள்ள அறிக்கையில், தமிழ்நாட்டின் நலன்களையும் உரிமைகளையும் பாதுகாப்பதில் எந்தவித சமரசமும் இல்லாமல் தொடர்ந்து போராடிக் கொண்டிருக்கிறது உங்களில் ஒருவனான என்னுடைய தலைமையிலான திராவிட மாடல் அரசு. எல்லாருக்கும் எல்லாம் என்பதைக் குறிக்கோளாகக் கொண்டு அனைவருக்குமான ஆட்சியைப் பாகுபாடின்றி வழங்கி வரும் திராவிட மாடல் எனும் மக்கள் அரசின் மீது தமிழ்நாடு எந்தளவு நம்பிக்கையை வைத்திருக்கிறார்கள் என்பதை எடுத்துக்காட்டும் வகையில் மதுரையில் மக்கள் பெருந்திரளுடன் நடைபெற்ற பாராட்டுக் கூட்டம் மெய்ப்பித்திருக்கிறது.</p><p>தமிழர்களின் பண்பாடும், நாகரிகமும் எவ்வளவு தொன்மை வாய்ந்தது என்பதை அண்மையில் வெளியிடப்பட்ட 'இரும்பின் தொன்மை' என்கின்ற ஆய்வறிக்கையின் மூலம் 5,300 ஆண்டுகளுக்கு முன்பே நம் தமிழர்கள் இரும்புத் தாதிலிருந்து, இரும்பைப் பிரித்து எடுத்து, கருவிகள் செய்யும் தொழில்நுட்பத்தை அறிந்த உலகின் மூத்த முன்னோடி நாகரிகம் என்பதை ஆய்வுப்பூர்வமாக நிரூபித்திருக்கிறோம்.</p><p>இத்தகைய சிறப்பு வாய்ந்த பண்பாட்டைக் கொண்ட தமிழ்நிலத்தில் மதுரை மாநகர் என்பது சங்கம் வைத்துத் தமிழ் வளர்த்த பெருமைக்குரியது. வைகை ஆற்று நாகரிகத்தின் தனிச்சிறப்பு மிக்க அடையாளமாக விளங்கி வருகிறது இன்றைய மதுரை.</p><h2>டங்ஸ்டன் சுரங்க பிரச்னை!</h2><p>அந்த மதுரை மாவட்டத்திலுள்ள அரிட்டாபட்டி எனும் பழம்பெருமை வாய்ந்த, வரலாற்றுச் சிறப்புமிக்க, பல்லுயிர்ச் சூழல் கொண்ட பகுதியில் டங்ஸ்டன் என்கின்ற கனிமத்தை எடுப்பதற்கு ஒன்றிய பா.ஜ.க. அரசு திட்டமிட்டபோது, அதனைத் தொடக்கத்தில் இருந்து இறுதி வரை எதிர்த்து நின்றது திராவிட முன்னேற்றக் கழகம். டங்ஸ்டன் கனிமம் எடுப்பதற்கு ஒன்றிய பா.ஜ.க. அரசு சட்ட விதிகளைத் திருத்தி ஏலம் விடுவதற்கு முனைப்பு காட்டிய போது, அதற்கும் கண்டனம் தெரிவித்துச் செயல்பட்டது திராவிட மாடல் அரசு.</p><p>டங்ஸ்டன் கனிமம் எடுப்பதற்கு ஏலம் விட்டு, தங்களின் வாழ்வாதாரத்தைப் பறிக்கக் கூடாது என்று மதுரை அரிட்டாபட்டி மற்றும் சுற்றுவட்டார மக்கள் தங்கள் கிராமசபைக் கூட்டங்களில் கருத்துகளைத் தெரிவித்தபோது, "உங்களுக்கு என்றும் துணையாக இருப்போம்" என்று அவர்களுக்கு உறுதி அளித்தவர் மதுரை வடக்கு மாவட்டக் கழகச் செயலாளரும் மாண்புமிகு வணிகவரி மற்றும் பத்திரப்பதிவுத்துறை அமைச்சர் மூர்த்தி அவர்கள்.</p><p>மதுரை மக்களின் மனநிலையை உடனுக்குடன் அவர் எனக்குத் தெரிவித்து வந்தார். மக்கள் தீர்ப்பே மகேசன் தீர்ப்பு என்று பேரறிஞர் பெருந்தகை அண்ணா காட்டிய வழியில் செயல்படுகின்ற திராவிட மாடல் அரசு மதுரையில் டங்ஸ்டன் கனிமத்தை எடுக்க அனுமதிக்க கூடாது என்பதில் உறுதியாக இருந்து, கழகத்தின் நாடாளுமன்ற உறுப்பினர்களும் தோழமைக் கட்சிகளின் நாடாளுமன்ற உறுப்பினர்களும் இதனை நாடாளுமன்ற விவாதங்களில் உறுதியான குரலில் எதிரொலித்தனர். சட்டமன்றத்திலும் இதற்கான தீர்மானத்தை உங்களில் ஒருவனான நான் தமிழ்நாட்டின் முதலமைச்சர் என்ற முறையில் முன்னெடுத்து, மக்களின் குரலாக ஒலித்தேன். ஆளுங்கட்சி உறுப்பினர்களின் ஆதரவு மட்டுமின்றி நம் தோழமைக் கட்சியினர், மாற்றுக் கட்சியினர் ஆகியோருடன் எதிர்க்கட்சியினரும் ஒருங்கிணைந்து ஆதரிக்கின்ற அளவில் அந்தத் தீர்மானத்தை நிறைவேற்றி ஒன்றிய அரசுக்கு அனுப்பி வைத்தோம்.</p><p><a class="manualbacklink" target="_blank" href="https://tamil.hindustantimes.com/tamilnadu/bjp-president-annamalai-slams-mk-stalin-over-his-madurai-visit-to-stick-a-sticker-on-tungsten-mine-cancellation-notice-131737874646100.html">மதுரை</a> மக்கள் தங்கள் உணர்வை வெளிப்படுத்தும் வகையில் <a class="manualbacklink" target="_blank" href="https://tamil.hindustantimes.com/tamilnadu/tamil-nadu-chief-minister-mk-stalin-speaking-at-the-tungsten-auction-issue-at-vallalapatti-in-madurai-district-131737902153422.html">டங்ஸ்டன்</a> கனிம ஏலத்திற்கு எதிராக நடத்திய மாபெரும் மக்கள் பேரணியை சிறு அசம்பாவிதமும் இன்றி அமைதியான முறையில், அழுத்தமான வகையில், அறவழியில் தங்கள் எதிர்ப்பைத் தெரிவிப்பதற்கு திராவிட மாடல் அரசு உறுதுணையாக இருந்தது. இந்தப் பேரணி நடைபெற்றபோது அமைச்சர் மூர்த்தி அவர்கள் ஒவ்வொரு கட்டத்திலும் என்னைத் தொடர்பு கொண்டு மக்களின் உணர்வையும், அவர்களின் கட்டுப்பாட்டையும் விளக்கிக் கொண்டே இருந்தார்.</p><h2>”அழுத்ததால் அறிவித்த ஒன்றிய அரசு”</h2><p>அனைத்துக் கட்சிகளும் ஒருமித்த குரலில் சட்டமன்றத்தில் நிறைவேற்றிய தீர்மானமும், திராவிட மாடல் அரசின் ஆதரவுடன் நடைபெற்ற மாபெரும் மக்கள் பேரணியும் ஒன்றிய பா.ஜ.க. அரசைப் பணியச் செய்தது. டங்ஸ்டன் கனிமம் எடுப்பதற்கான முயற்சியைக் கைவிடுவதாக ஒன்றிய அரசிடமிருந்து அறிவிப்பு வெளியானது.</p><p><a class="manualbacklink" target="_blank" href="https://tamil.hindustantimes.com/entertainment/tamilnadu-deputy-cm-udhayanithi-expressing-his-appreciation-for-ajith-kumar-on-x-131736739728027.html">திராவிட மாடல் </a>அரசின் உறுதியான நிலைப்பாட்டுடன் மக்கள் முன்னெடுத்த போராட்டத்திற்கு கிடைத்த இந்த வெற்றியை அடுத்து, அரிட்டாபட்டி மக்கள் பிரதிநிதிகள் தலைமைச் செயலகத்தில் அமைச்சர் மூர்த்தி அவர்களின் வழியாக என்னைச் சந்தித்து நன்றி தெரிவித்தனர். தங்களுடைய பாராட்டுகளை நேரில் வந்து பெற்றுக் கொள்ள வேண்டும் என்று அன்புக்கட்டளை விடுத்தனர். இது ஒட்டுமொத்தத் தமிழ்நாட்டிற்குக் கிடைத்த வெற்றி என்பதால் தமிழ்நாட்டின் முதலமைச்சரான உங்களில் ஒருவனாக நான் அவர்களின் அன்புக்கட்டளையை ஏற்று மறுநாளே குடியரசு நாளான ஜனவரி 26 அன்று சென்னையில் நிகழ்ச்சிகளை முடித்துக் கொண்டு மதியமே மதுரைக்கு புறப்பட்டேன். அரிட்டாபட்டியில் மக்கள் வெள்ளமெனத் திரண்டு மாபெரும் வரவேற்பு அளித்தனர். பாராட்டுகளைக் குவித்தனர். அவர்களிடம் உரையாற்றிய நான், இது என்னுடைய அரசின் வெற்றியல்ல. நம்முடைய அரசின் வெற்றி என்பதை உறுதிபடத் தெரிவித்தேன்.</p><p>டங்ஸ்டன் உள்ளிட்ட கனிம ஏலங்கள் தொடர்பான ஒன்றிய அரசின் சட்டத்திருத்தங்கள் குறித்து நாடாளுமன்றத்தில் அ.தி.மு.க. உறுப்பினர் தன்னுடைய கருத்தை பா.ஜ.க.வுக்கு ஆதரவாகத் தெரிவித்து இருந்தபோதும், சட்டமன்றத்தில் டங்ஸ்டன் ஏலத்திற்கு எதிராக நிறைவேற்றப்பட்ட தீர்மானத்தை அ.தி.மு.க. ஆதரித்ததையும் மற்ற கட்சிகள் ஆதரித்ததையும் மனதாரப் பாராட்டி, இது தமிழ்நாட்டின் வெற்றி என்பதை அரிட்டாபட்டி மக்களிடம் தெரிவித்தேன். அவர்கள் அதனை முழு மனதுடன் வரவேற்று கைத்தட்டி ஆரவாரம் செய்தனர்<strong>.</strong></p><h2>இளைஞர் கொடுத்த கடிதம்!</h2><p>அரிட்டாபட்டி போலவே அதனைச் சுற்றியுள்ள பகுதி மக்களும் தங்கள் நன்றியைத் தெரிவிப்பதற்காக வல்லாளப்பட்டியில் திரண்டு இருந்தனர். அவர்களையும் நேரில் சந்தித்து அவர்களின் பாராட்டுதல்களைப் பெற்றதுடன், உங்களுக்கு என்றும் இந்த அரசு துணையாக இருக்கும் என்பதை தெரிவித்து, மக்கள் நலன் காப்பதில் திராவிட மாடல் அரசு எப்போதும் உறுதியாக இருக்கும் என்ற நம்பிக்கையையும் வழங்கினேன். அவர்களின் வாழ்த்து முழக்கங்களும் ஆரவாரமும் இந்த அரசு மீது அவர்கள் வைத்திருக்கும் நம்பிக்கையை வெளிப்படுத்தியது.</p><p>வல்லாளப்பட்டியில் கழகத் தொண்டர் ஒருவர் என்னிடம் ஒரு தாளைக் கொடுத்தார். அதனைப் படித்துப் பார்த்த பொழுது மிகவும் மனம் நெகிழ்ந்தேன். அதில், "டங்ஸ்டன் ஏலத்தை ரத்து செய்யக்கோரி மக்களின் மாபெரும் போராட்டத்தின் எதிரொலியாக நமது A.வல்லாளப்பட்டி, அரிட்டாபட்டி பகுதியில், நமது பகுதி மக்களின் வாழ்வாதாரத்தை மீட்டு தந்ததில் பெரு மகிழ்ச்சி அடைகிறேன். குறிப்பு: கடந்த 1984ல் இதே இடத்தில் டாக்டர் கலைஞர் உரையாற்றினார். 41 வருடங்களுக்குப் பிறகு தற்போது எங்களது ஊரில் தாங்கள் கலந்துகொள்ளும் இந்நிகழ்ச்சி இன்று நடைபெறுகிறது" என்று எழுதப்பட்டிருந்தது. கழகத் தொண்டரின் அந்த உணர்ச்சிமிகு சொற்களில் நான் என்னை மறந்தேன். இதுதான் தி.மு.க. என்கின்ற மக்கள் இயக்கம். எத்தனை ஆண்டுகள் இடைவெளி ஆனாலும் மக்களின் உரிமைக்காக இன்றும் துணை நிற்கின்ற மாபெரும் இயக்கம்தான் திராவிட முன்னேற்றக் கழகம். மதுரை மக்களுக்காக அதனை அமைச்சர் மூர்த்தி முன்னெடுத்துச் சிறப்பாகச் செயல்படுத்தி, திராவிட மாடல் அரசின் வெற்றிக்கு துணை நின்று இருக்கிறார்.</p><h2>7வது முறையாக திமுக ஆட்சி</h2><p>தமிழ்நாட்டின் வளர்ச்சிக்கு எதிரான எந்த ஒரு திட்டமாக இருந்தாலும் அதனை எதிர்த்து வெற்றி காண்பதில் உங்களில் ஒருவனாக என்னுடைய தலைமையிலான திராவிட மாடல் அரசு உறுதியாக இருக்கிறது. டங்ஸ்டன் கனிமச் சுரங்கத்தை மக்களின் ஆதரவுடன் ரத்து செய்த பெருமையுடன், விழுப்புரம் மாவட்டத்தில் இரண்டு நாட்கள் ஆய்வுப் பணியை மேற்கொள்கிறேன். விழுப்புரம் மாவட்ட மக்களின் கோரிக்கையை மட்டுமின்றி, நம் உயர்நிகர் தலைவர் முத்தமிழறிஞர் கலைஞரின் உயிரோடு கலந்த உடன்பிறப்புகளான உங்களையும் சந்தித்து மகிழ்வேன்! ஏழாவது முறையும் தி.மு.க.வே ஆட்சி அமைக்கும் என்பதை உங்கள் மீதான நம்பிக்கையுடன் உரக்கச் சொல்வேன்!</p>

<ul><li>MK Stalin: அனைத்துக் கட்சிகளும் ஒருமித்த குரலில் சட்டமன்றத்தில் நிறைவேற்றிய தீர்மானமும், திராவிட மாடல் அரசின் ஆதரவுடன் நடைபெற்ற மாபெரும் மக்கள் பேரணியும் ஒன்றிய பா.ஜ.க. அரசைப் பணியச் செய்தது. டங்ஸ்டன் கனிமம் எடுப்பதற்கான முயற்சியைக் கைவிடுவதாக ஒன்றிய அரசிடமிருந்து அறிவிப்பு வெளியானது.</li></ul>

‘திமுக வெளிச்சத்தில் மார்க்சிஸ்ட் கம்யூனிஸ்ட் இல்லை’ புதிய செயலாளர் பெ.சண்முகம் பேட்டி!

<ul><li>எங்கள் பேரணிக்கு அனுமதி மறுத்ததால் தான், அன்று காவல் துறையின் இந்த அணுகுமுறைக்கு தோழர் பாலகிருஷ்ணன் அவ்வாறு பேசினார். இதை திமுக தலைமை புரிந்து கொள்ளும் என்று நம்புகிறோம்.</li></ul>

’15 லட்சம் பேர் வந்தாங்க! ஒத்த ரூபா தரல! இதுதான் முதல் வெற்றி மாநாடு!’ பொங்கி எழுந்த புஸ்ஸி ஆனந்த்!

<ul><li>இந்த மாநாடு மிக சிறப்பான மாநாடக இருந்தது. தளபதி அழைக்கிறார் என்று சொல்லி, ஒரு அழைப்பிதழ் கூட அடிக்கவில்லை. மாநாடு குறித்து தோழர்களுக்கும், பொதுமக்களும் விஜய் சொன்னார். அதற்கு 15 லட்சம் பேர் கூடினார்கள். 15 லட்சம் பேர் கூடுவதற்கு ஒரு ஒத்த ரூபாயை கூட நாங்கள் செலவு செய்யவில்லை.</li></ul>

Viluppuram

ஆன்லைன் புதுப்பிப்புகளுடன் இன்றைய தமிழ்நாட்டின் சமீபத்திய செய்திகளைக் கண்டறியவும். தமிழ்நாட்டின் அரசியல், நிகழ்வுகள் மற்றும் முக்கியச் செய்திகள் மற்றும் தமிழ்நாட்டிலிருந்து வரும் பல நிகழ்வுகளைப் பற்றிய இன்றைய செய்திகளை HT தமிழில் படித்து தெரிந்துகொள்ளுங்கள். Stay informed with Latest Tamil Nadu today news on politics, events, and breaking news, and more from Tamil Nadu only on HT Tamil.

Tamil Nadu

Tamil Nadu News Today: இன்றைய தமிழக செய்திகள்: தமிழக செய்திகள் ஆன்லைன் அப்டேட்ஸ் & பிரேக்கிங் நியூஸ்

வாழ்க்கையில் ஒரு முறையாவது மிஸ் செய்யாமல் செல்ல வேண்டிய இடங்கள்.. யுனெஸ்கோ அங்கீகாரம் பெற்ற இந்திய கோயில்கள்

UNESCO temples in India

இந்தியா பல்வேறு முக்கியமான கோயில்கள் மற்றும் பாரம்பரிய தளங்களைக் கொண்ட நாடாக திகழ்கிறது. பல நூற்றாண்டுகள் பழமையான வரலாற்றைக் கொண்ட இந்த இடங்கள் இந்திய கலை மற்றும் கைவினைத்திறனின் சின்னமாகத் திகழ்கின்றன

மண்ணில் மக்களாட்சி இருக்கும் வரை.. மாநிலத்தில் சுயாட்சி! மத்தியில் கூட்டாட்சி.. உணர்ச்சி பொங்கி பேசிய ஸ்டாலின்..

<p>தமிழ்நாடு சட்டமன்றப் பேரவையில் நிறைவேற்றி அனுப்பிய சட்டமுன்வடிவுகளுக்கு ஆளுநர் ஒப்புதல் அளிக்காமல் நிறுத்தி வைத்திருந்தது சட்டவிரோதமானது என்று உச்சநீதிமன்றம் தீர்ப்பு வழங்கியது. தமிழ்நாடு அரசுக்கு சாதகமாக வழங்கிய வரலாற்று சிறப்புமிக்க தீர்ப்பை பெற்றுத் தந்த உச்சநீதிமன்ற மூத்த வழக்கறிஞர்களுக்கான பாராட்டு விழா இன்று நடைபெற்றது. அதில், தமிழ்நாடு முதலமைச்சர் மு.க.ஸ்டாலின் பங்கேற்று தன் கருத்துகளை வெளிப்படுத்தினார்.</p><p>மேலும் படிக்க| <a href="https://tamil.hindustantimes.com/tamilnadu/ss-sivasankar-who-set-to-take-on-additional-responsibility-as-the-minister-of-electricity-to-be-faced-some-challenges-131745765784107.html" target="_blank">தொடர்ந்து ஏறுமுகத்தில் அமைச்சர் எஸ்.எஸ்.சிவசங்கர்.. கூடுதல் பொறுப்பால் வரும் சவால்கள்..</a></p><h2>பாராட்டு விழா</h2><p>அப்போது பேசிய முதலமைச்சர், " இந்த விழாவை பாராட்டு விழா என்று சொல்வதைவிட, வெற்றி விழா என்று சொல்வதுதான் பொருத்தமாக இருக்கும். இந்திய அரசியல் சட்ட வரலாற்றில் எந்த மாநிலமும் எப்போதும் பெற்றிடாத இந்த மாபெரும் வெற்றிக்கு வித்திட்ட வழக்கறிஞர்களைப் பாராட்ட நாம் கூடி இருக்கிறோம்.</p><h2>மிகப் பெரிய வெற்றி</h2><p>மக்களால் தேர்ந்தெடுக்கப்பட்ட மாநில அரசுகளை ஆளுநர் என்ற நியமனப் பதவி மூலம் கட்டுப்படுத்தலாம் என்ற எண்ணம் கொண்டு, போட்டி அரசுகளை நடத்த தொல்லைகள் கொடுக்கின்ற காலத்தில், மிக முக்கியமான இந்த தீர்ப்பை உச்சநீதிமன்றம் வழங்கியிருக்கிறது. உச்சநீதிமன்ற நீதிபதிகள் பர்த்திவாலா, மகாதேவன் அமர்வு வழங்கிய தீர்ப்பு தமிழ்நாட்டுக்கு மட்டும் கிடைத்த வெற்றி அல்ல. மக்களாட்சிக்கும் மாநில சட்டமன்றங்களின் உரிமைகளுக்கும் கிடைத்த மகத்தான வெற்றி. ஆளுநருக்கும், குடியரசுத் தலைவருக்கும் காலக்கெடு நிர்ணயித்தது மிகப்பெரிய வெற்றி.</p><h2>தலைநிமிர்ந்து வணக்கம்</h2><p>“அரசியல் சாசன பிரிவு 142-இன் கீழ் உச்சநீதிமன்றத்திற்கு உள்ள சிறப்பு அதிகாரத்தைப் பயன்படுத்தி, தமிழ்நாடு அரசின் 10 மசோதாக்களுக்கும் ஒப்புதல் அளிக்கப்படுகிறது. இந்த மசோதாக்கள் அனைத்தும் உடனே சட்டமாகி நடைமுறைக்கு வருகிறது” என்று நீதியரசர்கள் தீர்ப்பளித்தபோது, ஒட்டுமொத்த இந்திய மாநிலங்களும் தலைநிமிர்ந்து உச்சநீதிமன்றத்திற்கு வணக்கம் செலுத்தியது.</p><p>மேலும் படிக்க|<a href="https://tamil.hindustantimes.com/tamilnadu/what-is-the-political-journey-of-former-minister-senthil-balaji-who-started-in-karur-district-131745767543467.html" target="_blank"> 'எங்கே செல்லும் இந்தப் பாதை..' அரசியல்வாதியாக செந்தில் பாலாஜியின் பயணமும் நிறுத்தமும்!</a></p><h2>தமிழ்நாடு அரசு பெற்றுத் தந்த விடுதலை</h2><p>ஒன்றிய அரசுக்கும், மாநில அரசுக்கும் இடையே இருக்கக்கூடிய அதிகாரப் பகிர்வில் மாநில அரசுகளின் உரிமைகளை எக்காலத்திலும் பாதுகாத்திடும் வரலாற்று சாசனமாக இந்த தீர்ப்பு என்றென்றும் நிலைத்திருக்கும். இன்னும் பெருமையோடு சொல்கிறேன். இது இந்திய மாநிலங்களுக்கு தமிழ்நாடு அரசு உச்சநீதிமன்றத்தால் பெபெற்றுத்தந்திருக்கக்கூடிய மாபெரும் விடுதலை.</p><h2>தமிழ்நாடு அரசின் பாராட்டு</h2><p>இந்த அரசியல் உரிமையை சட்டபூர்வமான வாதங்களின் மூலமாக தமிழ்நாடு அரசு முன்வைத்து வாதாடியது. அந்த அறிவார்ந்த வாதங்களுக்குச் சொந்தக்காரர்களான வழக்கறிஞர்கள்தான் இன்றைக்கு நம்மோடு இருக்கிறார்கள். இவர்கள் ஒவ்வொருவரையும் தனித்தனியாக, தமிழ்நாடு அரசின் சார்பில் பாராட்ட நான் கடமைப்பட்டிருக்கிறேன்.</p><p>உச்சநீதிமன்றத்தின் மூத்த வழக்கறிஞர் முன்னாள் அட்டர்னி ஜெனரல் முகுல் ரோத்தகியால், உச்சநீதிமன்றத்தின் மூத்த வழக்கறிஞர் முன்னாள் கூடுதல் சொலிசிட்டர் ஜெனரல் அபிஷேக் சிங்வி, உச்சநீதிமன்றத்தின் மூத்த வழக்கறிஞர் - ராகேஷ் திவேதி, உச்சநீதிமன்றத்தின் மூத்த வழக்கறிஞரும் மாநிலங்களவை உறுப்பினருமான வில்சன் ஆகியோரை தமிழ்நாடு அரசின் சார்பில் நான் பாராட்டுகிறேன்.</p><h2>வரலாற்றில் நிலைத்திருப்போம்</h2><p>இந்த மண்ணில் மக்களாட்சி இருக்கும் வரைக்கும், இந்த வழக்கும் வலுவான வாதங்களை வைத்த நீங்களும் பேசப்பட்டுக் கொண்டே இருப்பீர்கள். வழக்குத் தாக்கல் செய்த தமிழ்நாடும் வாதிட்ட நீங்களும் தீர்ப்பளித்த நீதியரசர்களும் வரலாற்றில் என்றைக்கும் நிலைத்திருப்போம் என்பது உறுதி.</p><p>மேலும் படிக்க|<a href="https://tamil.hindustantimes.com/tamilnadu/senior-dmk-leader-and-former-minister-k-ponmudy-political-journey-over-131745769248507.html" target="_blank"> ' மூடப்பட்ட கதவுகள்.. முடிந்ததா அரசியல் பயணம்? பொன்முடியின் அரசியலும் சர்ச்சைகளும்!</a></p><h2>மாநிலத்தில் சுயாட்சி! மத்தியில் கூட்டாட்சி</h2><p>இந்த தீர்ப்பு கொடுத்திருக்கும் புத்துணர்ச்சி மற்றும் நம்பிக்கையோடுதான் மாநில சுயாட்சிக் குழுவை நாம் உருவாக்கி இருக்கிறோம். இந்திய ஜனநாயகத்தில் மக்களாட்சிக்கு வலுசேர்க்க, பேரறிஞர் அண்ணா வலியுறுத்தி, தலைவர் கலைஞர் முழக்கமாக வடித்து கொடுத்ததுதான் “மாநிலத்தில் சுயாட்சி! மத்தியில் கூட்டாட்சி” என்ற இலக்கு. அந்த இலக்கை வென்றெடுக்க இந்தத் தீர்ப்பு வழிகாட்டி இருக்கிறது. மாநில சுயாட்சியைப் பெறுவோம். கூட்டாட்சி இந்தியாவை உருவாக்குவோம் " என உணர்ச்சி பொங்க பேசினார்.</p>

தமிழ்நாடு அரசின் சட்ட முன்முடிவுகளுக்கு ஆளுநர் ஒப்புதல் அளிக்க வலியுறுத்தி வந்த தீர்ப்பை மண்ணில் மக்களாட்சி இருக்கும் வரை நிலைத்திருக்கும் என தமிழ்நாடு முதலமைச்சர் ஸ்டாலின் பாராட்டி பேசி இருக்கிறார்.

ஐபிஎல் 2025: க்ருனால் அதிரடி.. டெல்லிக்கு பதிலடி.. புள்ளிப்பட்டியலில் டாப் இடத்துக்கு சென்ற ஆர்சிபி

<p>ஐபிஎல் 2025 தொடரில் 46வது போட்டி டெல்லி கேபிடல்ஸ் - ஆர்சிபி அணிகளுக்கு இடையே டெல்லி அருண் ஜெட்லி மைதானத்தில் நடைபெற்றது. இந்த போட்டி தொடங்கும் முன் டெல்லி கேபிடல்ஸ் அணி 8 போட்டிகளில் 6 வெற்றி, 2 தோல்வி என புள்ளிப்பட்டியலில் மூன்றாவது இடத்திலும், ஆர்சிபி அணி 9 போட்டிகளில் 6 வெற்றி, 3 தோல்விகளை பெற்று புள்ளிப்பட்டியலில் நான்காவது இடத்திலும் இருந்தது.</p><p>இந்த இரு அணிகளுக்கு இடையிலான முந்தைய மோதலில் டெல்லி கேபிடல்ஸ் வெற்றி பெற்றது. எனவே டெல்லி கேபிடல்ஸ் அணிக்கு பதிலடி தரும் போட்டியாக ஆர்சிபிக்கு இது அமைந்துள்ளது.</p><p>இந்த போட்டியில் டெல்லி கேபிடல்ஸ் அணியில் டூ பிளெசிஸ் அணிக்கு மீண்டும் திரும்பினார். ஆர்சிபி அணியில் ஓபனர் சால்ட்க்கு பதிலாக ஜேக்கப் பீதல் சேர்க்கப்பட்டார்.</p><p><strong>மேலும் படிக்க:</strong> <a href="https://tamil.hindustantimes.com/cricket/ipl-2025-45th-match-mumbai-indias-vs-lucknow-super-giants-match-result-read-more-details-mi-beat-lsg-by-54-runs-131745762860590.html" target="_blank">ஐபிஎல் 2025: பவுலிங்கில் பும்ரா, போல்ட் தெறி சம்பவம்.. லக்னோவை பழிதீர்த்த மும்பை இந்தியன்ஸ்</a></p><p>முதலில் பேட் செய்த டெல்லி கேபிடல்ஸ் 162 ரன்கள் எடுத்த நிலையில், இந்த ஸ்கோரை சேஸ் செய்த ஆர்சிபி 165 ரன்கள் எடுத்து 6 விக்கெட் வித்தியாசத்தில் வெற்றி பெற்றது</p><h2>ஆர்சிபி சேஸிங்</h2><p>முன்னதாக, டாஸ் வென்ற ஆர்சிபி கேப்டன் ராஜத் பட்டிதால் பவுலிங்கை தேர்வு செய்த நிலையில், முதலில் பேட் செய்த டெல்லி கேபிடல்ஸ் 20 ஓவரில் 8 விக்கெட் இழப்புக்கு 162 ரன்கள் எடுத்தது. இந்த ஸ்கோரை சேஸ் செய்த ஆர்சிபி அணி 18.3 ஓவரில் 4 விக்கெட் இழப்புக்கு 165 ரன்கள் எடுத்து, 9 பந்துகள் எஞ்சியிருக்க 6 விக்கெட்டுகள் வித்தியாசத்தில் வெற்றி பெற்றது. டெல்லிக்கு எதிரான முந்தைய மோதலில் பெற்ற தோல்விக்கு ஆர்சிபி பதிலடி கொடுத்ததுடன், இந்த வெற்றிக்கு பின்னர் புள்ளிப்பட்டியலிலும் டாப் இடத்துக்கு முன்னேறியது.</p><p>அதிகபட்சமாக க்ருனால் பாண்டியா 73, விராட் கோலி 51 ரன்கள் அடித்தனர். டெல்லி பவுலர்களில் சிறப்பாக பந்து வீசிய கேப்டன் அக்சர் படேல் 2 விக்கெட்டுகளை கைப்பற்றினார்.</p><h2>விராட் கோலி நிதானம்</h2><p>ஆர்சிபி அணியில் சால்ட்க்கு பதிலாக சேர்க்கப்பட்ட ஜேக்கப் பீதல் 12 ரன்னில் அவுட்டாகி முதல் ஆளாக வெளியேறினார். இதன் பின்னர் இம்பேக்ட் வீரராக தேவ்தத் படிக்கல் களமிறக்கப்பட்டார். ஆனால் அவர் எந்த தாக்கத்தையும் ஏற்படுத்தாமல் டக் அவுட்டான நிலையில், அடுத்து வந்த கேப்டன் பட்டிதார் 6 ரன்னில் நடையை கட்டினார்.</p><p><strong>மேலும் படிக்க: </strong><a href="https://tamil.hindustantimes.com/cricket/ms-dhoni-opened-up-on-his-relationship-with-virat-kohli-addressing-at-length-some-of-the-things-131742823489035.html" target="_blank">எனக்கும் கோலிக்கும் இடையே மெல்லிய கோடும் இருக்கும்.. மனம் திறந்து பேசிய தோனி</a></p><p>பவர்ப்ளே முடிவில் மூன்று முக்கிய விக்கெட்டுகளை இழந்த ஆர்சிபி அணி 35 ரன்கள் மட்டுமே எடுத்தது. ஓபனராக களமிறங்கிய கோலி விக்கெட் சரிவை தடுக்கும் விதமாக நிதான ஆட்டத்தை கடைப்பிடித்தார். அவ்வப்போது பவுண்டரிகளை அடித்த கோலி, ஐந்தாவது பேட்ஸ்மேனாக களமிறங்கிய க்ருனால் பாண்டியாவுடன் இணைந்து பார்ட்னர்ஷிப் அமைத்தார். பொறுமையாக ரன்களை சேர்த்து வந்த கோலி 45 பந்துகளில் அரைசதத்தை எட்டினார். அதன் பின்னர் 51 ரன்னில் முக்கியமான கட்டத்தில் அவுட்டானார்.</p><h2>க்ருனால் அதிரடி</h2><p>அணியின் ஸ்கோர் 4 ஓவரில் 3 விக்கெட் இழப்புக்கு 26 ரன்கள் இருந்தபோது ஆல்ரவுண்டர் க்ருனால் பாண்டியா களமிறக்கப்பட்டார். வழக்கமான பேட்டிங் ஆர்டரில் இருந்து புரொமோட் செய்யப்பட்ட க்ருனால் தொடக்கத்தில் நிதானத்தை வெளிப்படுத்த பின்னர் மெல்ல மெல்ல கியரை மாற்றி அதிரடியை வெளிப்படுத்த தொடங்கினார்.</p><p>இவருடன் பேட் செய்த கோலி ஸ்டிரைக் ரொட்டேட் செய்ய, க்ருனால் கிடைத்த வாய்ப்புக்களை பவுண்டரி, சிக்ஸர்களாக மாற்றினார். இவரது அதிரடியால் அணியின் ஸ்கோர் உயர்ந்த நிலையில் 38 பந்துகளில் அரைசதத்தை எட்டினார்.</p><p><strong>மேலும் படிக்க: </strong><a href="https://tamil.hindustantimes.com/cricket/performing-in-every-game-as-a-team-is-crucial-we-are-focusing-on-that-says-prasidh-krishna-131745766207166.html" target="_blank">ப்ளேஆஃப் வாய்ப்புக்கு நிலைத்தன்மை, குழுவாக விளையாடுவது முக்கியம்.. பிரசித் கிருஷ்ணா</a></p><p>அதன் பின்னர் அதிரடியை தொடர்ந்த க்ருனால் கடைசி வரை களத்தில் இருந்து ஆட்டத்தை பினிஷ் செய்தார். சிறிய கேமியோ இன்னிங்ஸை வெளிப்படுத்திய டிம் டேவிட் 5 பந்துகளில் 19 ரன்கள் அடித்து அவுட்டாகாமல் இருந்தார்.</p><p>டெல்லி பவுலர்களில் முகேஷ் குமார் 3.1 ஓவரில் 51 ரன்களை வாரி வழங்கினார். நெருக்கடி தரும் விதமாக பவுலிங் செய்த அக்சர் படேல் 4 ஓவரில் 19 ரன்கள் மட்டும் விட்டுக்கொடுத்து 2 விக்கெட்டுகளை வீழ்த்தினார்.</p>

ப்வர்ப்ளே முடிவதற்குள் மூன்று முக்கிய விக்கெட்டுகளை இழந்தபோதிலும், அவுட்டாகமல் இருந்த கோலி ஒரு புறம் நிதானம் காட்ட, மறுபுறத்தில் க்ருனால் அதிரடியில் மிரட்டினார். கடைசியில் டிம் டேவிட் சிறிய கேமியோ இன்னிங்ஸை வெளிப்படுத்தி டெல்லிக்கு பதிலடி கொடுத்த ஆர்சிபி புள்ளிப்பட்டியலில் டாப் இடம் சென்றுள்ளது.

இந்த சம்மரை கூலாக மாற்றும் முக்கிய திரைப்படங்கள்.. அமேசான் பிரைம் வீடியோ ஓடிடியில் மிஸ் பண்ணாதீங்க..

<p>பிரபல ஓடிடி தளமான அமேசான் பிரைம் வீடியோவில் இந்த மாதம் (ஏப்ரல், 2025) பல திரைப்படங்கள் ஸ்ட்ரீமிங் செய்யப்பட்டுள்ளன. வெவ்வேறு ஜானர்களைச் சேர்ந்த படங்கள் தங்கள் வருகையின் மூலம் மக்களை கவர்ந்துள்ளன. அவற்றில் சில சுவாரஸ்யமான படங்கள் என்னென்ன என்பதை இங்கு பார்க்கலாம்.</p><p>மேலும் படிக்க| <a href="https://tamil.hindustantimes.com/entertainment/actress-nayanthara-has-demanded-a-salary-of-rs-18-crores-to-act-in-a-telugu-film-rumor-is-circulating-on-the-internet-131745772465671.html" target="_blank">நயன்தாரா கேட்ட சம்பளம்! வாயடைத்துப் போன டோலிவுட்! அப்படி எவ்வளவு கேட்டார் தெரியுமா? தீயாய் பரவும் தகவல்..</a></p><h2>சோரி 2</h2><p>சோரி 2 ஏப்ரல் 11 ஆம் தேதி அமேசான் பிரைம் வீடியோ ஓடிடியில் ஸ்ட்ரீமிங் செய்யப்பட்டது. திகில் த்ரில்லர் படமான இதில் நுஷ்ரத் பருச்சா மற்றும் சோஹா அலிகான் ஆகியோர் முக்கிய கதாபாத்திரங்களில் நடித்தனர். விஷால் ஃபூரியா இயக்கியுள்ள இந்த படம் தனது மகளை காப்பாற்ற தாயார் எடுக்கும் முயற்சிகளை மையமாக வைத்து எடுக்கப்பட்டுள்ளது. சோரி 2 படத்தில் திகில் கூறுகள் மற்றும் பரபரப்பான காட்சிகள் நிரம்பி உள்ளதால் இப்படத்தை பார்க்க பலரும் ஆர்வம் காட்டி வருகின்றனர்.</p><h2>நிலவுக்கு என் மேல் என்னடி கோபம்</h2><p>தமிழில் வெளியான 'நிலவுக்கு என் மேல் என்னடி கோபம்' (நீக்) படம் அமேசான் பிரைம் வீடியோவில் படம் வெளியான ஒரு மாதத்திற்குள்ளாகவே வெளியானது. இந்தப் படத்தின் தெலுங்கு பதிப்பான 'ஜபிலம்மா நீக்கு அந்தந்த கொபமா' ஏப்ரல் 1 ஆம் தேதி அமேசான் பிரைம் வீடியோ ஓடிடியில் ஸ்ட்ரீமிங் செய்யப்பட்டது. இப்படம் தமிழ் பதிப்பை விட பத்து நாட்கள் கழித்து தெலுங்கு டப்பிங்கில் ஒளிபரப்பானது. தனுஷ் இயக்கிய இந்தத் திரைப்படத்தில் அனிகா சுரேந்திரன் முக்கிய கதாபாத்திரத்தில் நடித்தார். இப்படம் திரையரங்குகளில் சரியாக ஓடவில்லை என்பது குறிப்பிடத்தக்கது.</p><p>மேலும் படிக்க| <a href="https://tamil.hindustantimes.com/entertainment/here-is-a-collection-of-upcoming-big-budget-films-of-famous-actors-starring-in-south-indian-cinema-131745763128323.html" target="_blank">கோடிகளை கொட்டும் தயாரிப்பாளர்கள்.. தென்னிந்திய சினிமாவில் வரிசை கட்டி நிற்கும் பெரிய பட்ஜெட் படங்கள்..</a></p><h2>வீர தீர சூரன்</h2><p>சீயான் விக்ரம் நடித்துள்ள வீர தீர சூரன் பார்ட் 2 ஏப்ரல் 24 ஆம் தேதி அமேசான் பிரைம் வீடியோ ஓடிடியில் ஸ்ட்ரீம் செய்யப்பட உள்ளது. தமிழ், தெலுங்கு, மலையாளம், கன்னடம் ஆகிய மொழிகளில் இப்படம் வெளியாகி வருகிறது. எஸ்.யு.அருண்குமார் இயக்கிய இப்படம் மார்ச் 27 அன்று திரையரங்குகளில் பாசிட்டிவ் விமர்சனங்களைப் பெற்றது. வீர தீர சூரன் படத்தை இப்போது பிரைம் வீடியோவில் பார்க்கலாம்.</p><h2>க்ரேஸி</h2><p>க்ரேஸி திரைப்படமான அமேசான் பிரைம் வீடியோ ஏப்ரல் 25 ஆம் தேதி ஓடிடியில் வழக்கமான ஸ்ட்ரீமிங் அறிமுகமானது. இந்த சைக்கலாஜிக்கல் த்ரில்லர் படத்தில் சோஹம் ஷா மட்டுமே திரையில் காணப்படுவார். மீதமுள்ள கதாபாத்திரத்தின் குரல் மட்டுமே கேட்கிறது. இப்படத்தை கிரிஷ் கோலி இயக்கியுள்ளார். இப்படம் திரையரங்குகளில் சுமாரான வெற்றியைப் பெற்றது.</p><h2>முர்மர்</h2><p>தமிழ் ஹாரர் த்ரில்லர் படமான முர்மர் கடந்த ஏப்ரல் 4-ம் தேதி வெளியானது. ஹேமந்த் நாராயணன் இயக்கத்தில் ரிச்சி கபூர், தேவராஜ் ஆறுமுகம், யுவிகா ராஜேந்திரன் ஆகியோர் முக்கிய கதாபாத்திரங்களில் நடித்திருந்தனர். இப்படம் திரையரங்குகளில் கலவையான விமர்சனங்களைப் பெற்றது.</p><h2>சூப்பர் பாய்ஸ் ஆஃப் மாலேகான்</h2><p>பாலிவுட் படமான 'சூப்பர் பாய்ஸ் ஆஃப் மாலேகான்' அமேசான் பிரைம் வீடியோவில் அறிமுகமாகியுள்ளது. இது ஏப்ரல் 25 அன்று முழு ஸ்ட்ரீமிங் செய்யப்பட்டது. வாடகை அகற்றப்பட்டு வழக்கமான ஸ்ட்ரீமிங்கிற்கு கிடைக்கச் செய்யப்பட்டுள்ளது. ரீமா காக்தி இயக்கத்தில் ஆதர்ஷ் கௌரவ் நடிப்பில் வெளியான இப்படம் நல்ல வரவேற்பை பெற்றது.</p><p>மேலும் படிக்க|<a href="https://tamil.hindustantimes.com/entertainment/music-director-ilayaraaja-has-praised-prime-minister-modi-calling-him-the-best-leader-since-mountbatten-131745762344151.html" target="_blank"> 'மவுண்ட் பேட்டன் பிரபு காலத்துல இருந்து பாத்தாலும் மோடி மாதிரி தலைவர் யாரும் இல்ல'- இளையராஜா புகழாரம்</a></p><h2>பேட் பாய்ஸ்</h2><p>மலையாள திரைப்படமான பேட் பாய்ஸ் ஏப்ரல் 11 ஆம் தேதி அமேசான் பிரைம் வீடியோ ஓடிடியில் நுழைந்தது. ஓமர் லுலு இயக்கத்தில் ரஹ்மான், பாபு அந்தோணி நடிப்பில் உருவாகியுள்ள படம் 'பேட்டி'. பேட் பாய்ஸ் திரைப்படம் திரையரங்குகளில் வெளியாகி கிட்டத்தட்ட ஆறு மாதங்களுக்குப் பிறகு பிரைம் வீடியோவில் ஸ்ட்ரீமிங் செய்யப்படுகிறது.</p>

இந்த மாதம் அமேசான் பிரைம் வீடியோ ஓடிடியில் பல படங்கள் அறிமுகமாகியுள்ளன. அவற்றில் சில படங்கள் மக்களை அதிகம் கவர்ந்துள்ளன. அந்த படங்கள் என்னவென்று இங்கே பார்க்கலாம்.

குழந்தைகள் முதல் பெரியவர்கள் வரை.. ரத்த சோகை பாதிப்பை போக்கும் அற்புத சூப்

slide

உடலில் இரும்புச்சத்து அளவை அதிகரிக்க இயற்கையான வழிகளில் ஒன்றாக பீட்ரூட் ரெசிப்பிக்கள் உள்ளன. அந்த வகையில் குழந்தைகள் முதல் பெரியவர்கள் வரை விரும்பி பருகும் வகையில் சுவையான பீட்ரூட் சூப் செய்வது எப்படி என்பதை பார்க்கலாம்

பீட்ரூட்டில் இரும்புச்சத்து, ஃபோலேட் மற்றும் ஆக்ஸிஜனேற்றிகள் நிறைந்துள்ளன. இந்த சூப் இரத்த சோகை பாதிப்பு உள்ளவர்களுக்கு சிறந்த பானமாக திகழ்கிறது. உடலில் இரத்தத்தின் அளவையும், அதன் ஆரோக்கியத்தை மேம்படுத்த உதவுகிறது 

பீட்ரூட் சூப் செய்வதற்கு, ஒரு டேபிள்ஸ்பூன் வெண்ணெய், பிரியாணி இலை, இரண்டு பல் பூண்டு, ஒரு அங்குல இஞ்சி, இரண்டு சின்ன வெங்காயம், ஒன்றரை கப் பீட்ரூட் சிறு துண்டுகளாக வெட்டியது, ஒரு கேரட், ஒரு தக்காளி, உப்பு, தண்ணீர், ஒரு தேக்கரண்டி நொறுக்கப்பட்ட மிளகு, அலங்கரிக்க கிரீம் மற்றும் புதினா

ஒரு பிரஷர் குக்கரில் வெண்ணெய், பிரிஞ்சி இலை, பூண்டு, இஞ்சி, வெங்காயத்தாள் ஆகியவற்றைச் சேர்த்து, சிறிது மென்மையாகும் வரை வதக்கவும்

பின்னர் பீட்ரூட், கேரட், தக்காளி மற்றும் உப்பு சேர்த்து, இரண்டு நிமிடங்கள் வதக்கி, தண்ணீர் சேர்த்து 3 முதல் 4 விசில் வரை வேகவைக்கவும்

சமைத்த கலவையை ஆறவைத்து, தண்ணீரை வடிகட்டி ஒதுக்கி வைக்கவும். அடுத்து, காய்கறிகளை ஒரு பிளெண்டரில் மாற்றி மென்மையான பேஸ்ட் கிடைக்கும் வரை அரைக்கவும்

இந்த அரைத்த பீட்ரூட் கலவையை கடாயில் ஊற்றி, ஏற்கனவே வடிகட்டிய நீரை சேர்த்து கலக்கவும். பின்னர் சூப்பில் கூடுதல் தண்ணீர் சேர்க்கவும்

இந்த சூப்பை கொதிக்க வைத்து, நொறுக்கப்பட்ட கருப்பு மிளகு சேர்த்து கிளறி, இறுதியில் கிரீம் மற்றும் ஒரு சிறிய புதினா துண்டுடன் அலங்கரிக்கவும்

 உடலுக்கு இரும்பு சத்து தருவதுடன், ரத்த சோகை பாதிப்பை போக்க உதவும் விதமாக அற்புத சூப் தயார் செய்வது எப்படி என்பதை பார்க்கலாம்

நயன்தாரா கேட்ட சம்பளம்! வாயடைத்துப் போன டோலிவுட்! அப்படி எவ்வளவு கேட்டார் தெரியுமா? தீயாய் பரவும் தகவல்..

<p>மெகா ஸ்டார் சிரஞ்சீவி மற்றும் இயக்குனர் அனில் ரவிபுடி கூட்டணியில் மெகா 157 என்ற பெயரிடப்படாத படம் ஏற்கனவே தயாராகி வருகிறது. அனில் ரவிபுடி இந்த ஆண்டு 'சங்கராந்திக்கு வஸ்துன்னாம்' எனும் ஹிட் படத்தின் மூலம் மிகப்பெரிய பிளாக்பஸ்டர் அடித்துள்ளதால் அவரது அடுத்த படத்திற்கும் எதிர்பார்ப்பு அதிகரித்துள்ளது. பல வருடங்களுக்குப் பிறகு சிரஞ்சீவி முழு நீள நகைச்சுவை வேடத்தில் நடிப்பார் என்ற தகவல்களால் படத்தின் மீது மேலும் கிரேஸ் அதிகரித்துள்ளது.</p><p>மேலும் படிக்க|<a href="https://tamil.hindustantimes.com" target="_blank"> &nbsp;கேரள சினிமாவில் தொடரும் போதைப் பொருள் பயன்பாடு.. ஹைபிரீட் கஞ்சாவுடன் சிக்கிய பிரபல இயக்குநர்கள்..</a></p><h2>சிரஞ்சீவிக்கு நயன்தாரா ஜோடி?</h2><p>இந்த படத்தில் சிரஞ்சீவிக்கு ஜோடியாக நடிக்க நடிகை நயன்தாராவை தயாரிப்பாளர்கள் அணுகியுள்ளதாக கூறப்படுகிறது. இந்த படத்தில் ஐஸ்வர்யா ராஜேஷை கதாநாயகியாக நடிக்க வைக்க அனில் ரவிபுடி விரும்புவதாக வதந்திகள் பரவி வருகின்றன. இருப்பினும், அது உண்மையல்ல என்று கூறயதைத் தொடர்ந்து சிரஞ்சீவிக்கு அடுத்த கதாநாயகியாக நயன்தாரா நடித்தால் நன்றாக இருக்கும் என்று அனில் நினைத்தாராம். அதனால் நயன்தாராவை தயாரிப்பாளர்கள் அணுகியதாக தொழில்துறை வட்டாரங்களில் பேச்சு உள்ளது.</p><h2>புரொடியூசருக்கு ஷாக் தந்த நயன்</h2><p>அப்போது, இந்த படத்தில் நடிக்க நயன்தாரா ரூ.18 கோடி சம்பளம் கேட்டதாக ஓடிடி பிளே செய்தி வெளியிட்டுள்ளது. நயன்தாரா கேட்ட சம்பளத் தொகையால் தயாரிப்பாளர்கள் அதிர்ச்சியடைந்ததாக படக்குழுவில் உள்ள வட்டாரங்கள் மூலம் தெரியவந்தது. படத்திற்காக நயன்தாராவுக்கு அவ்வளவு தொகையை கொடுக்க தயாரிப்பாளர்கள் தயங்குவதாக தெரிகிறது. அதற்கான விவாதங்கள் நடந்து வருவதாக தெரிகிறது.</p><p>மேலும் படிக்க| <a href="https://tamil.hindustantimes.com/entertainment/music-director-ilayaraaja-has-praised-prime-minister-modi-calling-him-the-best-leader-since-mountbatten-131745762344151.html" target="_blank">'மவுண்ட் பேட்டன் பிரபு காலத்துல இருந்து பாத்தாலும் மோடி மாதிரி தலைவர் யாரும் இல்ல'- இளையராஜா புகழாரம்</a></p><h2>வேறு நாயகி தேர்வு?</h2><p>மேலும், கதாநாயகி வேடத்திற்கான வேறு வாய்ப்புகளையும் அவர்கள் பரிசீலித்து வருகின்றனர். முன்னதாக பாலிவுட் நடிகை பரினிதி சோப்ராவின் பெயரும் இந்த படத்தில் பரிசீலிக்கப்படுவதாக வதந்திகள் வந்தன. படத்தின் கதாநாயகி யார் என்பதை பொறுத்திருந்துதான் பார்க்க வேண்டும்.</p><h2>அனில் ரவிபுடி- சிரஞ்சீவி படம்</h2><p>மெகா 157 படத்தின் படப்பிடிப்பு ஏற்கனவே திட்டமிடப்பட்ட நிலையில், வரும் ஜூன் மாதம் தொடங்கப்பட்டுள்ளது. இந்த ஆண்டு ஜூன் மாதம் முறைப்படி படப்பிடிப்பு தொடங்குகிறது. இந்த படம் அடுத்த ஆண்டு பொங்கல் பண்டிகைக்கு வெளியிடப்படும் என்பதை தயாரிப்பாளர்கள் ஏற்கனவே உறுதிப்படுத்தியுள்ளனர். இந்த படத்தை சாஹு கரபதி மற்றும் சிரஞ்சீவியின் மகள் சுஷ்மிதா கொனிடெலா தயாரிக்கவுள்ளனர். பீம்ஸ் செசிரோலியோ இசையமைக்கிறார்.</p><h2>சிறப்பு வீடியோ</h2><p>அனில் ரவிபுடி சமீபத்தில் சிரஞ்சீவியை படக்குழுவினருக்கு அறிமுகப்படுத்தி ஒரு சிறப்பு வீடியோவை உருவாக்கினார். சிரஞ்சீவியின் பழைய படங்களின் ஜனரஞ்சகமான வசனங்கள் மற்றும் கட்அவுட்களுடன் கூடிய வீடியோ மிகவும் சுவாரஸ்யமாக இருந்தது. இந்தப் படம் முழுவதும் காமெடி நிறைந்ததாக இருக்கும் என்றும் சிரஞ்சீவி கூறியதால் ரசிகர்கள் மத்தியில் பெரும் ஆர்வத்தை ஏற்படுத்தியுள்ளது.</p><p>மேலும் படிக்க| <a href="https://tamil.hindustantimes.com/entertainment/here-is-a-collection-of-upcoming-big-budget-films-of-famous-actors-starring-in-south-indian-cinema-131745763128323.html" target="_blank">கோடிகளை கொட்டும் தயாரிப்பாளர்கள்.. தென்னிந்திய சினிமாவில் வரிசை கட்டி நிற்கும் பெரிய பட்ஜெட் படங்கள்..</a></p><h2>விஸ்வம்பரா படம்</h2><p>சிரஞ்சீவி நடிக்கும் விஸ்வம்பரா படத்தின் படப்பிடிப்பு நிறைவடைந்துவிட்டது. படத்தின் ரிலீஸ் தேதி உறுதி செய்யப்பட இருந்தது. இந்த ஆண்டு சங்கராந்திக்கு வெளியாவதாக இருந்த பேன்டஸி படம் ஒத்திவைக்கப்பட்டுள்ளது. இதையடுத்து படம் ஜூலை மாதத்தில் வெளியிட படக்குழு திட்டமிட்டுள்ளது. இப்படத்தை வசிஷ்டா இயக்குகிறார். யு.வி. கிரியேஷன்ஸ் இப்படத்தை தயாரிக்கிறது. எம்.எம். கீரவாணி இப்படத்திற்கு இசையமைக்கிறார். படத்தில் பிரம்மாண்டமான வி.எஃப்.எக்ஸ் இருக்கும் எனக் கூறப்படுகிறது.</p>

அனில் ராவிபுடி இயக்கத்தில் சிரஞ்சீவி நடிக்கும் படம் குறித்த எதிர்பார்ப்பு அதிகமாக உள்ளது. இப்படத்தில் கதாநாயகியாக நடிக்க நயன்தாராவை படக்குழு அணுகியதாம். ஆனால் அவர் கேட்ட சம்பளத்தைக் கேட்டு அவர்கள் அதிர்ச்சியடைந்ததாக தகவல் வெளியாகியுள்ளது. என்ன நடந்தது என்பதைப் பார்ப்போம்.

Viluppuram

கண்ணோட்டம்

செய்திகள்

கண்ணோட்டம்

டாப் 10 தமிழ் நியூஸ்: மேல்பாதி கோயிலில் பட்டியலின மக்கள் வழிபாடு முதல் தமிழ்நாடு அமைச்சரவை கூட்டம் வரை!

MK Stalin: அரிட்டாப்பட்டியில் முதலமைச்சரிடம் இளைஞர் தந்த கடிதம்! அறிக்கை வெளியிட்டு அதிரவிட்ட ஸ்டாலின்!

‘திமுக வெளிச்சத்தில் மார்க்சிஸ்ட் கம்யூனிஸ்ட் இல்லை’ புதிய செயலாளர் பெ.சண்முகம் பேட்டி!

’15 லட்சம் பேர் வந்தாங்க! ஒத்த ரூபா தரல! இதுதான் முதல் வெற்றி மாநாடு!’ பொங்கி எழுந்த புஸ்ஸி ஆனந்த்!

Coverage