Latest vellore News

TN Rain Alert : ‘இரவில் இருக்கு..’ சென்னை டூ கன்னியாகுமரிக்கு வந்த லேட்டஸ்ட் அறிவிப்பு!

<ul><li>டிசம்பர் 18 ம் தேதி இரவு, தமிழகத்தில் மழை பெய்யும் மாவட்டங்கள் பற்றிய நிலவரம் வெளியாகியுள்ளது. சென்னை-கன்னியாகுமரி வரை மழை பெய்யும் பகுதிகள் எவை? இதோ உங்களுக்காக.</li></ul>

’இலாகாவை அடுத்து கட்சி பதவியையும் இழக்கிறாரா துரைமுருகன்?’ பொதுச்செயலாளர் பதவிக்கு ஆபத்தா?

paragraph

<p>நீர்வளத்துறை அமைச்சர் துரைமுருகனிடம் இருந்த கனிமவளத்துறை பறிக்கப்பட்ட நிலையில் திமுக பொதுச்செயலாளர் பொறுப்பில் இருந்து துரைமுருகன் மாற்றப்படுகிறாரா என கேள்வி எழுந்து உள்ளது.</p><p>மேலும் படிக்க:- <a href="https://tamil.hindustantimes.com/tamilnadu/aircel-founder-sivasankaran-says-not-knowing-hindi-cost-him-rs-10-000-crore-in-missed-business-opportunities-131746781574822.html" target="_blank">‘இந்தி தெரியாததால் 10,000 கோடி ரூபாய் இழந்தேன்!’ ஏர்செல் நிறுவனர் சிவசங்கரன் பரபரப்பு பேட்டி!</a></p><h2>துரைமுருகனின் அரசியல் பின்னணி</h2><p>துரைமுருகன், தமிழக அரசியலில் நீண்டகால அனுபவம் கொண்ட மூத்த தலைவர்களில் ஒருவர். வேலூர் மாவட்டத்தை பூர்வீகமாக கொண்ட இவர், சட்டப் பட்டம் பயின்று திமுகவின் தனது அரசியல் பயணத்தைத் தொடங்கியவர். 1971ஆம் ஆண்டு முதல் காட்பாடி மற்றும் ராணிப்பேட்டை தொகுதிகளில் போட்டியிட்டு வரும் துரைமுருகன் இதுவரை 2 தேர்தல்களில் மட்டுமே தோல்வி அடைந்து உள்ளார். 1989 முதல் திமுக ஆட்சி அமைத்த அனைத்து தேர்தல்களிலும் அமைச்சரவையில் பங்கேற்றவர். பொதுப்பணி, நீர்வளம், சட்டம், சிறைத்துறை ஆகிய இலாகாகளை கவனித்த அனுபவம் பெற்றவர்.</p><h2>திமுகவில் வகித்த பொறுப்புகள்</h2><p>திமுகவில் பல முக்கிய பொறுப்புகளை வகித்த துரைமுருகன், கலைஞர் கருணாநிதி மறைவுக்கு பிறகு 2018-ல் கட்சியின் பொருளாளராக நியமிக்கப்பட்டடார். 2020-ல், பேராசிரியர் க.அன்பழகனின் மறைவை அடுத்து, திமுக பொதுச்செயலாளராக ஒருமனதாக தேர்ந்தெடுக்கப்பட்டார். இந்தப் பதவி, திமுகவில் மிகவும் அதிகாரம் மிக்கதாக கருதப்படுகிறது, ஏனெனில் கட்சியின் உறுப்பினர் சேர்க்கை, நீக்கம், மற்றும் அமைப்பு முடிவுகள் பொதுச்செயலாளரின் கட்டுப்பாட்டில் உள்ளன.</p><p>மேலும் படிக்க:- <a href="https://tamil.hindustantimes.com/tamilnadu/tamil-nadu-became-no-1-state-in-4-years-and-will-now-walk-the-path-of-the-lion-says-cm-m-k-stalin-proudly-131746785544624.html" target="_blank">’இனி நாம் போகும் பாதை சிங்கப்பாதை!’ திருச்சியில் முதலமைச்சர் மு.க.ஸ்டாலின் சூளுரை!</a></p><h2>பதவி மாற்றம் குறித்த ஊகங்கள்</h2><p>கடந்த மே 8ஆம் தேதி துரைமுருகனின் இலாக்கா மாற்றம் அறிவிக்கப்பட்டதைத் தொடர்ந்து, அவரை பொதுச்செயலாளர் பதவியில் இருந்தும் நீக்க கட்சித் தலைமை திட்டமிடுவதாக சமூக வலைதளங்களில் பதிவுகள் பரவின. இருப்பினும் துரைமுருகனை திமுக பொதுச்செயலாளர் பதவியில் இருந்து மாற்றுவது கட்சி இதுவரை அதிகாரப்பூர்வ அறிவிப்பையும் வெளியிடவில்லை.</p><p>மேலும் படிக்க:- <a href="https://tamil.hindustantimes.com/tamilnadu/ed-seizes-rs-4-73-crore-unaccounted-cash-in-chennai-and-vellore-raids-targeting-tamil-nadu-govt-officials-131746789359445.html" target="_blank">வேலூர் உள்ளிட்ட இடங்களில் ED ரெய்டு! 4.73 கோடி சிக்கியது! அரசு அதிகாரிகளுக்கு தலைவலி!</a></p>

<p>“இந்தப் பதவி, திமுகவில் மிகவும் அதிகாரம் மிக்கதாக கருதப்படுகிறது, ஏனெனில் கட்சியின் உறுப்பினர் சேர்க்கை, நீக்கம், மற்றும் அமைப்பு முடிவுகள் பொதுச்செயலாளரின் கட்டுப்பாட்டில் உள்ளன”</p>

வேலூர் உள்ளிட்ட இடங்களில் ED ரெய்டு! 4.73 கோடி சிக்கியது! அரசு அதிகாரிகளுக்கு தலைவலி!

<p>அமலாக்கத் துறை மே 6 அன்று சென்னை மற்றும் வேலூர் பகுதிகளில் சட்டவிரோத பணமோசடி தடுப்புச் சட்டம் (PMLA), 2002 இன் கீழ் 16 இடங்களில் நடத்திய சோதனைகளில் கணக்கில் வராத 4 கோடியே 73 லட்சம் ரூபாய் ரொக்கத்தை கைப்பற்றியதாக தெரிவிக்கப்பட்டு உள்ளது.&nbsp;</p><p>மேலும் படிக்க:- <a target="_blank" href="https://tamil.hindustantimes.com/photos/today-gold-rate-check-out-the-gold-and-silver-price-on-09-may-2025-in-chennai-131746769398037.html">இன்றைய தங்கம் விலை நிலவரம்: ‘தங்கம் விலை குறைந்தது!’ மே 09, 2025 தங்கம் மற்றும் வெள்ளி விலை நிலவரம்!</a></p><p>சென்னை மற்றும் வேலூர் பகுதிகளில் அமலாக்க இயக்குநரகம் (Enforcement Directorate - ED) 2025 மே 6 அன்று சட்டவிரோத பணமோசடி தடுப்புச் சட்டம் (PMLA), 2002 இன் விதிகளின் கீழ் மேற்கொண்ட சோதனைகளில் 4 கோடியே 73 லட்சம் ரூபாய் கணக்கில் வராத பணம் பறிமுதல் செய்யப்பட்டுள்ளது. தமிழ்நாடு அரசுத் துறைகளுடன் தொடர்புடைய சில அதிகாரிகள் மற்றும் முக்கிய ஆலோசகர்களின் 16 இடங்களை இலக்காகக் கொண்டு இந்த சோதனைகள் நடத்தப்பட்டன. இந்த நடவடிக்கைகள், அரசுத் துறைகளில் ஆழமாக வேரூன்றிய முறையான ஊழல் வலையமைப்பை வெளிப்படுத்தி உள்ளன என அமலாக்கத்துறை வெளியிட்ட செய்திக்குறிப்பில் தெரிவிக்கப்பட்டு உள்ளது.&nbsp;</p>

document

<h2>விசாரணையின் தொடக்கம்</h2><p>லஞ்சம் மற்றும் ஊழல் தடுப்பு இயக்குநரகத்தின் (DVAC) முதல் தகவல் அறிக்கை (FIR) அடிப்படையில், தமிழ்நாடு சுற்றுச்சூழல் துறையின் முன்னாள் கண்காணிப்பாளர் எஸ். பாண்டியன் மற்றும் பிறருக்கு எதிரான சொத்து குவிப்பு வழக்கு தொடர்பாக அமலாக்கத்துறை விசாரணையைத் தொடங்கியது. இந்த விசாரணை, அரசுத் துறைகளில் லஞ்சம் மற்றும் சட்டவிரோத அனுமதிகளை எளிதாக்கும் ஒரு ஒழுங்கமைக்கப்பட்ட வலையமைப்பை வெளிகொண்டு வந்து உள்ளதாக அமலாக்கத்துறை தெரிவித்து உள்ளது.</p><p>மேலும் படிக்க:- <a href="https://tamil.hindustantimes.com/tamilnadu/aircel-founder-sivasankaran-says-not-knowing-hindi-cost-him-rs-10-000-crore-in-missed-business-opportunities-131746781574822.html" target="_blank">‘இந்தி தெரியாததால் 10,000 கோடி ரூபாய் இழந்தேன்!’ ஏர்செல் நிறுவனர் சிவசங்கரன் பரபரப்பு பேட்டி!</a></p><h2>ஊழல் வலையமைப்பு வெளிப்பாடு</h2><p>சோதனைகளில், ஆலோசகர்கள் மற்றும் தரகர்கள் இடைத்தரகர்களாகவும், போலி நிறுவனங்கள் மற்றும் ஆலோசனை நிறுவனங்கள் மூலமாகவும் செயல்பட்டு, சேவைக் கட்டணங்கள் மற்றும் ஆலோசனைக் கொடுப்பனவுகள் என்ற போர்வையில் லஞ்சப் பணம் பரிமாறப்பட்டதற்கான ஆதாரங்கள் கண்டறியப்பட்டன. சட்டவிரோதமாகவும், விரைவாகவும் அனுமதிகளைப் பெறுவதற்கு அதிகாரிகளுக்கு நிலையான கமிஷன்கள் வழங்கப்பட்டதாக விசாரணை உறுதிப்படுத்தி உள்ளது.</p><p>விசாரணையில், முக்கிய ஆலோசகர்களான பிரபாகர் சிகாமணி, ஏ.கே. நாதன், நவீன் குமார், சந்தோஷ் குமார், மற்றும் வினோத் குமார் ஆகியோர் சட்டவிரோத ஒப்புதல்களை எளிதாக்குவதில் முக்கியப் பங்கு வகித்ததாகக் கண்டறியப்பட்டது. இவர்கள், சுற்றுச்சூழல் அனுமதிகள் உள்ளிட்ட சட்டவிரோத அனுமதிகளைப் பெறுவதற்கு இடைத்தரகர்களாகச் செயல்பட்டதாக அமலாக்கத் துறை தெரிவித்துள்ளது.</p><h2>பறிமுதல் மற்றும் ஆதாரங்கள்</h2><p>சோதனைகளின் போது, லஞ்சம் கொடுப்பதற்காகப் பயன்படுத்தப்பட்ட 4.73 கோடி ரூபாய் கணக்கிடப்படாத பணம் பறிமுதல் செய்யப்பட்டது. மேலும், குற்றத்திற்கு உடந்தையான ஆவணங்கள், டிஜிட்டல் பதிவுகள், மற்றும் சொத்து ஆவணங்கள் மீட்கப்பட்டன. இவை, பெரிய அளவிலான சட்டவிரோத நிதி திரட்டல் மற்றும் மோசடியைக் குறிக்கின்றன. குற்றத்தின் வருமானம் (Proceeds of Crime - POC) மூலம் பெறப்பட்ட சொத்துகளை ED அடையாளம் கண்டு, அவற்றை PMLA, 2002 இன் விதிகளின் கீழ் இணைக்கும் பணியில் ஈடுபட்டுள்ளது என தெரிவிக்கப்பட்டு உள்ளது. </p><h2>ஆதார அழிப்பு முயற்சி</h2><p>சோதனையின்போது, ஒரு முக்கிய ஆலோசகரின் ஊழியர் ஆதாரங்களை மறைப்பதற்காக தனது தொலைபேசியை கடுமையாக சேதப்படுத்தியதாக அமலாக்கத் துறை குறிப்பிட்டுள்ளது. ஆதாரங்களை அழித்தல் மற்றும் விசாரணைக்கு ஒத்துழைக்காததற்காக இந்த நபர் மீது சட்டப்படி நடவடிக்கை எடுக்கப்படும் என ED தெரிவித்துள்ளது.</p><p>மேலும் படிக்க:- <a href="https://tamil.hindustantimes.com/tamilnadu/cm-m-k-stalin-announces-massive-chennai-rally-to-support-indian-army-fighting-pakistans-terror-attacks-131746768047315.html" target="_blank">‘இந்திய ராணுவத்திற்கு ஆதரவாக சென்னையில் பிரம்மாண்ட பேரணி!’ முதலமைச்சர் மு.க.ஸ்டாலின் அறிவிப்பு!</a></p>

<p>“தமிழ்நாடு அரசுத் துறைகளுடன் தொடர்புடைய சில அதிகாரிகள் மற்றும் முக்கிய ஆலோசகர்களின் 16 வளாகங்களை இலக்காகக் கொண்டு இந்த சோதனைகள் நடத்தப்பட்டன. இந்த நடவடிக்கைகள், அரசுத் துறைகளில் ஆழமாக வேரூன்றிய முறையான ஊழல் வலையமைப்பை வெளிப்படுத்தியுள்ளன”</p>

வக்ஃபு சொத்து: வேலூர் அருகே வக்ஃபு சொத்து எனக் கூறி 150 குடும்பங்களுக்கு நோட்டீஸ்.. அதிர்ச்சியில் கிராம மக்கள்!

<p>வேலூர் மாவட்டம் இறைவங்காடு அருகே உள்ள காட்டுக் கொள்ளை கிராமத்தில் உள்ள நிலங்கள், வக்ஃபு வாரியத்துக்கு சொந்தமான சொத்து எனக்கூறி 150 இந்துக் குடும்பங்களுக்கு நோட்டீஸ் அனுப்பி வைக்கப்பட்டுள்ளது. சையத் அலி சுல்தான் ஷா தர்காவின் வக்ஃபு வாரிய சொத்து எனக்கூறி நோட்டீஸ் அனுப்பப்பட்டுள்ளதால் பெரும் பரபரப்பு ஏற்பட்டுள்ளது.</p><p>காட்டுக் கொள்ளை கிராமத்தில் 150 இந்து குடும்பங்கள் நான்கு தலைமுறையாக வசித்து வருகின்றன. இங்குள்ள மக்கள் விவசாய நிலங்கள் வைத்துள்ளனர். இந்த நிலையில், அப்பகுதி விரிஞ்சிபுரம் வக்ஃபு வாரியத்துக்கு சொந்தமானது எனக் கூறி பொது மக்களுக்கு நோட்டீஸ் அனுப்பப்பட்டுள்ளது. நவாப் மசூதி மற்றும் சையத் அலி சுல்தான் ஷா தர்காவை சார்ந்த சையத் சதாம் என்பவர் சார்பில் அனுப்பப்பட்ட நோட்டீஸை கண்டு பொதுமக்கள் அதிர்ச்சியடைந்தனர்.</p><p><strong>மேலும் படிக்க |</strong> <a href="https://tamil.hindustantimes.com/tamilnadu/complaint-to-the-human-rights-commission-regarding-police-plan-to-kill-vellai-kali-in-fake-encounter-131744705797959.html" target="_blank">வெள்ளைக்காளியை போலி என்கவுண்டரில் கொலை செய்ய போலீஸ் முயற்சி.. மனித உரிமை ஆணையத்தில் பரபரப்பு புகார்!</a></p><h2>நோட்டீஸில் உள்ளது என்ன?</h2><p>காட்டுக் கொள்ளை கிராமத்தில் உள்ள நிலஙகள் அனைத்தும் அங்குள்ள தர்காவிற்கு சொந்தமானது. இதனால் இந்த நிலத்தை உடனடியாக காலி செய்ய வேண்டும் அல்லது அந்த நிலத்துக்கான வரியை தர்காவிடம் செலுத்தி பயன்படுத்தி கொள்ள வேண்டும் என்று கூறப்பட்டுள்ளது. 1950 ஆம் ஆண்டில் இருந்து ஆவணங்கள் இருப்பதாக தர்கா நிர்வாகிகள் விளக்கம் அளித்துள்ளனர்.</p><p><strong>மேலும் படிக்க | </strong><a href="https://tamil.hindustantimes.com/tamilnadu/aiadmk-will-hold-its-executive-committee-meeting-on-may-2-at-the-party-headquarters-131744699241977.html" target="_blank">AIADMK: பாஜக கூட்டணியில் கைகோர்த்த பிறகு கூடுகிறது அதிமுக செயற்குழு.. எடப்பாடி பழனிசாமி அறிவிப்பின் பின்னணி என்ன?</a></p><p>ஏற்கெனவே முறையாக வரி செலுத்தும் நிலையில், இதுதொடர்பாக வேலூர் மாவட்ட ஆட்சியரை முற்றுகையிட்டு பொதுமக்கள் முறையிட்டனர். இந்த விவகாரம் தொடர்பாக உரிய நடவடிக்கை எடுப்பதாக ஆட்சியர் தெரிவித்திருக்கிறார்.</p><p>பாராளுமன்றம் சமீபத்தில் நிறைவேற்றிய வக்ஃப் (திருத்தம்) சட்டம், 2025-ன் அரசியல் சட்டப்பூர்வமான செல்லுபடியை எதிர்த்து, காங்கிரஸ், திமுக, தமிழக வெற்றிக் கழகம், தெலுங்கு தேசம் கட்சி, இந்திய கம்யூனிஸ்ட் கட்சி (சிபிஐ) உள்ளிட்ட கட்சிகள் உச்சநீதிமன்றத்தில் வழக்குகள் தொடர்ந்துள்ளது குறிப்பிடத்தக்கது.</p>

<ul><li>வேலூர் அருகே 150 இந்து குடும்பங்கள் நான்கு தலைமுறையாக வசித்து வருகின்றன. இங்குள்ள மக்கள் விவசாய நிலங்கள் வைத்துள்ளனர். இந்த நிலையில், அப்பகுதி விரிஞ்சிபுரம் வக்ஃபு வாரியத்துக்கு சொந்தமானது எனக் கூறி பொது மக்களுக்கு நோட்டீஸ் அனுப்பப்பட்டுள்ளது.</li></ul>

‘பாலியல் வன்கொடுமைக்கு ஆளாவோர் தான் அப்பா.. அப்பா.. என கதறுகிறார்கள்’ இபிஎஸ் பேச்சு!

<p>‘2026 சட்டமன்ற தேர்தலில் அதிமுக தலைமையில் வலுவான கூட்டணி அமையும்,’’ &nbsp;என்று வேலூரில் அதிமுக பொது செயலாளர் எடப்பாடி பழனிசாமி பேசினார்.</p><p>வேலூர்மாவட்டம்,வேலூர் கோட்டை மைதானத்தில் இலக்கு 2026 என்ற தலைப்பில் அதிமுகவின் இளைஞர் இளம் பெண்கள் பாசறையின் மண்டல மாநாடு நடந்தது. இளைஞர் இளம் பெண்கள் பாசறை செயலாளர் பரமசிவம் தலைமையில் நடந்த இந்த பொதுக்கூட்டத்தில், சட்டமன்ற எதிர்க்கட்சிதலைவரும் அதிமுக பொதுசெயலாளருமான எடப்பாடி பழனிசாமி கலந்துகொண்டார். &nbsp;முன்னாள் அமைச்சர்கள் வீரமணி, சேவூர் ராமச்சந்திரன், அக்ரி கிருஷ்ணமூர்த்தி,முக்கூர் சுப்பிரமணி, தம்பிதுரை உள்ளிட்டோர் பங்கேற்றனர்.</p><p><strong>மேலும் படிக்க: </strong><a class="manualbacklink" target="_blank" href="https://tamil.hindustantimes.com/tamilnadu/kanimozhi-central-government-cannot-impose-education-in-the-general-list-without-the-permission-of-the-state-government-131739707272656.html">மாநில அரசின் அனுமதி இல்லாமல் மத்திய அரசு திணிக்க முடியாது? எதை சொல்கிறார் கனிமொழி?</a></p><h2>‘நாங்கள் பாஜகவின் குரலா?’</h2><p>வேலூர், திருவண்ணாமலை, திருப்பத்தூர், ராணிப்பேட்டை, காஞ்சிபுரம், திருவள்ளூர் ஆகிய மாவட்டங்களை சேர்ந்த அதிமுக பாசறை நிர்வாகிகள் கலந்துகொண்டனர். இம்மாநாட்டில் எடப்பாடி பழனிசாமி பேசுகையில், ‘‘முதல்வர் ஸ்டாலின், பாஜகவின் குரலை நான் ஒலிப்பதாக பேசுகிறார். நாங்கள் எந்த கூட்டணியையும் சார்ந்தில்லை. எங்களை நாடி தான் எல்லோரும் வருவார்கள். நாங்கள் தேர்தல் சமயத்தில் வாக்குகள் சிதறாமல் இருக்க கூட்டணி அமைக்கிறோம். அதிமுக மக்களை நம்பியுள்ள கட்சி. ஆனால், &nbsp;திமுக கூட்டணியை நம்பியுள்ள கட்சி. எங்களை பொறுத்தவரை கூட்டணி வேறு, கொள்கை வேறு.</p><p><strong>மேலும் படிக்க: </strong><a class="manualbacklink" target="_blank" href="https://tamil.hindustantimes.com/tamilnadu/pmk-buying-electricity-from-private-parties-at-high-prices-without-prior-permission-anbumani-ramadoss-131739687819559.html">முன் அனுமதி பெறாமல், தனியாரிடம் இருந்து மின்சாரம் கொள்முதலா? அன்புமணி முன்வைப்பது என்ன?</a></p><p>&nbsp;திமுக அங்கம் வகித்துள்ள இந்தியா கூட்டணி ஒற்றுமையில்லாமல் சிதறி வருகிறது. இந்தியா கூட்டணியில் ஸ்டாலின் அங்கம் வகித்துகொண்டே, கலைஞர் நாணயம் வெளியிட பாஜக மத்திய அமைச்சரை அழைக்கிறார். இது தான் திமுகவின் இரட்டை வேடம். எதிர்க்கட்சியாக இருந்த போது கருப்பு பலூன் பறக்கவிட்டு, கோபேக் மோடி என சொன்னவர், தற்போது ஆளுங்கட்சி ஊழல்களில் சிக்க கூடாது என்பதற்காக மோடியை வெள்ளைக் குடை கொண்டு வரவேற்கிறார்.&nbsp;</p><h2>அரசை பார்க்க வேண்டாம்.. மக்களை பாருங்கள்</h2><p>மத்திய அரசு தமிழகத்திற்கு நிதிகளை ஒதுக்கவில்லை என முதல்வர் ஸ்டாலின் சொல்கிறார். மக்களாகிய நீங்கள் 39 நாடாளுமன்ற உறுப்பினர்களாக திமுகவைச் சேர்ந்தவர்களை வெற்றி பெற வைத்தீர்கள். ஆனால் அவர்கள் நிதியை பெற நாடாளுமன்றத்தில் மத்திய அரசுக்கு அழுத்தம் கொடுக்கவில்லை. அங்கு கேட்காமல், முதல்வர் தொடர்ந்து நிதியை மத்திய அரசு தரவில்லை என கூறுகிறார். மத்திய அரசு, இங்கு ஆளும் கட்சியை பார்க்க வேண்டாம், இங்குள்ள ஏழை மக்களை பார்த்து நூறு நாள் வேலைக்கான நிதியினை உடனடியாக வழங்க வேண்டும்.</p><p><strong>மேலும் படிக்க: </strong><a class="manualbacklink" target="_blank" href="https://tamil.hindustantimes.com/tamilnadu/naam-tamil-party-coordinator-seeman-on-prashant-kishore-how-can-a-strategist-with-no-wins-be-considered-a-success-131739617494460.html">பிரசாந்த் கிஷோரை கடுமையாக விமர்சித்த சீமான். ஏன் என்று அறிய வேண்டுமா?</a></p><p>&nbsp;அனைவரும் என்னை அப்பா என அழைக்கிறார்கள் என்று முதல்வர் ஸ்டாலின் சொல்கிறார். ஆனால் தமிழகத்தில் தான் அதிக அளவில் இளம் சிறார்கள் பாலியல் வன் கொடுமைகள் நடக்கிறது. அப்போது இளம் பெண்களும், சிறார்களும் ‘அப்பா.. அப்பா..’ என, கதறுவது முதல்வர் காதில் கேட்கவில்லையா? நாங்கள் இருமொழி கொள்கையில் உறுதியாக இருக்கிறோம். அதிமுக 2026 சட்டமன்ற தேர்தலில் வலுவான கூட்டணியுடன் தேர்தலை சந்திக்கும்,’’ என்று அப்போது எடப்பாடி பழனிசாமி தெரிவித்தார்.&nbsp;</p>

<ul><li>‘திமுக அங்கம் வகித்துள்ள இந்தியா கூட்டணி ஒற்றுமையில்லாமல் சிதறி வருகிறது. இந்தியா கூட்டணியில் ஸ்டாலின் அங்கம் வகித்துகொண்டே, கலைஞர் நாணயம் வெளியிட பாஜக மத்திய அமைச்சரை அழைக்கிறார். இது தான் திமுகவின் இரட்டை வேடம்’ என்று எடப்பாடி பழனிசாமி பேசினார்.</li></ul>

இரவில் துரைமுருகன் திடீர் டெல்லி பயணம்.. காலையில் அமலாக்கத்துறை ரெய்டு நிறைவு!

<p>வேலூர் மாவட்டத்தில் திமுக பொதுச்செயலாளரும், தமிழக நீர்வளத்துறை அமைச்சருமான துரைமுருகன் வீட்டில் அமலாக்கத்துறையினர் வெள்ளிக்கிழமை 11 மணி நேர சோதனை நடத்தினர்.</p>

Duraimurugan About ED Raid:’என் வீட்டுக்கு வந்தது யார் என்று தெரியவில்லை’ ED ரெய்டு குறித்து துரைமுருகன் கிண்டல்!

<ul><li>“இந்த விஷயத்தில் உங்களுக்கு எவ்வளவு தெரியுமோ அதுதான் எனக்கும் தெரியும்” என செய்தியாளர்கள் கேள்விக்கு அமைச்சர் துரைமுருகன் பதில்!</li></ul>

Vellore

Tamil Nadu News Today: Get the latest Tamilnadu news in Tamil, district-wise and city-wise updates. Stay informed with today's சென்னை செய்திகள் and Tamil Nadu headlines in Tamil.

Tamil Nadu

Tamil Nadu News Today: Latest Tamilnadu News in Tamil, District wise, City wise News in Tamil | Channai News in Tamil

பொட்டாசியச் சத்துக்கள் : பொட்டாசியச் சத்துக்கள் நிறைந்த இந்த காய்கறிகளை உங்கள் உணவில் ஏன் சேர்க்கவேண்டும்?

<p>பொட்டாசியச் சத்துக்கள் உங்கள் உடலுக்கு தேவையான ஒரு மினரல் ஆகும். இது உங்கள் இதய ஆரோக்கியத், நரம்பு மண்டல இயக்கம் மற்றும் தசைகளின் இயக்கம் ஆகியவற்றுக்கு உதவுகிறது. பொட்டாசியச் சத்துக்கள் அதிகம் நிறைந்த உணவுகள் ரத்த அழுத்தத்தைக் குறைக்கிறது மேலும் சிறுநீரகத்தில் கற்கள் ஏற்படாமல் தடுக்கிறது. இந்த ஆரோக்கிய நன்மைகளை நீங்கள் பெறவேண்டுமெனில் பொட்டாசியச் சத்துக்கள் அதிகம் நிறைந்த இந்த காய்கறிகளை உங்கள் அன்றாட உணவில் சேர்த்துக்கொள்ளுங்கள்.</p><h2>பாலக்கீரை</h2><p>100 கிராம் பாலக்கீரையில் 79 மில்லி கிராம் பொட்டாசியச் சத்துக்கள் உள்ளது. இதில் இரும்புச் சத்துக்கள், கால்சியம் மற்றும் வைட்டமின் கே ஆகிய சத்துக்களும் உள்ளன. இந்த கீரை உங்கள் எலும்பு ஆரோக்கியத்துக்கு உதவுகிறது. வீக்கத்தைக் குறைக்கிறது. இதய ஆரோக்கியத்துக்கும் நல்லது.</p><h2>வெண்டைக்காய்</h2><p>100 கிராம் வெண்டைக்காயில் 57 மில்லி கிராம் பொட்டாசியச் சத்துக்கள் உள்ளது. இதில் நார்ச்சத்துக்களும், வைட்டமின் சி சத்துக்களும் உள்ளது. இதில் உள்ள பொட்டாசியச் சத்துக்கள் உங்கள் இதய ஆரோக்கியத்துக்கு உதவுகிறது. மேலும் நார்ச்சத்துக்கள் செரிமான ஆரோக்கியம் மற்றும் ரத்தச் சர்க்கரையை கட்டுப்படுத்த உதவுகிறது.</p><h2>காலே</h2><p>100 கிராம் காலேவில் 47 மில்லிகிராம் பொட்டாசியச் சத்துக்கள் உள்ளது. காலேவில் பொட்டாசியச் சத்துக்கள் மட்டும் அதிகம் கிடையாது. இதில் வைட்டமின் ஏ, சி மற்றும் கே ஆகிய சத்துக்களும் உள்ளன. இது உங்கள் உடலில் நோய் எதிர்ப்பாற்றலை அதிகரிக்கிறது. சரும ஆரோக்கியத்தை மேம்படுத்துகிறது. இதய நோய்கள் ஏற்படும் ஆபத்தைக் குறைக்கிறது.</p><h2>ஸ்வீட் கார்ன்</h2><p>100 கிராம் ஸ்வீட் காரினில் 37 மில்லி கிராம் பொட்டாசியச் சத்துக்கள் உள்ளது. இதில் நார்ச்சத்துக்கள், ஆன்டி ஆக்ஸிடன்ட்கள் மற்றும் வைட்டமின் பி சத்துக்களும் அதிகம். இதில் உள்ள பொட்டாசியச் சத்துக்கள் உங்கள் நரம்பு மண்டல இயக்கத்துக்கு உதவுகிறது. இது ரத்த அழுத்தத்தை பராமரிக்க உதவுகிறது.</p><p>மேலும் வாசிக்க - <a href="https://tamil.hindustantimes.com/lifestyle/beauty-products-are-you-a-beauty-product-lover-oops-listen-to-the-doctor-131747387289665.html" target="_blank">அழகு சாதனப் பொருட்களை அதிகம் விரும்பும் நபரா? அச்சச்சோ மருத்துவர் கூறுவதைக் கேளுங்கள்!</a></p><p>மேலும் வாசிக்க - <a href="https://tamil.hindustantimes.com/lifestyle/do-it-yourself-have-dried-flowers-you-can-make-computer-champagne-at-home-with-it-131747391774161.html" target="_blank">காய்ந்த பூக்கள் உள்ளதா? அதை வைத்து வீட்டிலேயே நீங்கள் கம்ப்யூட்டர் சாம்பிராணி தயாரிக்க முடியும்!</a></p><h2>கடுகு கீரை</h2><p>100 கிராம் கடுகு கீரையில் 32 மில்லி கிராம் பொட்டாசியச் சத்துக்கள் உள்ளது. இதில் நார்ச்சத்துக்கள் மற்றும் ஆன்டி ஆக்ஸிடன்ட்களும் உள்ளது. இது கல்லீரல் ஆரோக்கியத்தை அதிகரிக்கிறது. செரிமானத்துக்கு உதவுகிறது. வீக்கத்துக்கு எதிரான குணங்கள் நிறைந்தது.</p><h2>டர்னிப் கீரை</h2><p>100 கிராம் டர்னிப் கீரையில் 31 மில்லி கிராம் பொட்டாசியச் சத்துக்கள் உள்ளது. அதனுடன் இதில் கால்சியம் மற்றும் ஃபோலேட் ஆகிய சத்துக்களும் உள்ளன. இது எலும்பை வலுவாக்க உதவுகிறது. இதய ஆரோக்கியம் மற்றும் குறிப்பிட்ட புற்றுநோய்கள் ஏற்படும் ஆபத்தையும் குறைக்கிறது.</p><h2>பெரும்பாளைக் கீரை</h2><p>100 கிராம் பெரும்பாளைக் கீரையில் 29 மில்லி கிராம் பொட்டாசியச் சத்துக்கள் உள்ளது. இதில் மெக்னீசியம் மற்றும் வைட்டமின் ஏ ஆகிய சத்துக்கள் உள்ளன. இது ரத்த சர்க்கரையை முறைப்படுத்த உதவுகிறது. இது நரம்பு இயக்கம் மற்றும் இதய ஆரோக்கியம் இரண்டையும் முறைப்படுத்துகிறது.</p><h2>காலார்ட் கீரை</h2><p>100 கிராம் காலார்ட் கீரையில் 27 மில்லி கிராம் பொட்டாசியச் சத்துக்கள் உள்ளது. இதில் பொட்டாசியம், நார்ச்சத்துக்கள் மற்றும் வைட்டமின் கே ஆகிய சத்துக்களும் உள்ளது. இது கொழுப்பைக் குறைக்க உதவும். இது எலும்பை வலுவாக்கும். வீக்கத்தைக் குறைக்கும்.</p><p>மேலும் வாசிக்க - <a href="https://tamil.hindustantimes.com/lifestyle/kumbilapam-check-out-how-to-make-kerala-special-kumbilapam-easy-evening-snacks-131747385767606.html" target="_blank">கேரளா ஸ்பெஷல் கும்பிளப்பம் செய்வது எப்படி என்று பாருங்கள்! ஈசியான ஈவ்னிங் ஸ்னாக்ஸ்!</a></p><h2>உருளைக்கிழங்கு</h2><p>100 கிராம் உருளைக்கிழங்கில் 23 மில்லி கிராம் பொட்டாசியச் சத்துக்கள் உள்ளது. உருளைக்கிழங்கை யாரும் பெரிதாக கண்டுகொள்வதில்லை. ஆனால் இவற்றில் வைட்டமின் சி, பொட்டாசியம் மற்றும் பி வைட்டமின்கள் உள்ளது. இது உங்கள் உடலில் ஆற்றலை அதிகரிக்கும். மேலும் இதய இயக்கத்துக்கும் உதவும்.</p><h2>பச்சைப் பட்டாணி</h2><p>100 கிராம் பச்சைப் பட்டாணியில் 33 மில்லி கிராம் பொட்டாசியச் சத்துக்கள் உள்ளது. பச்சைப் பட்டாணியில் பொட்டாசியச் சத்துக்கள் அதிகம் உள்ளது. மேலும் இதில் தாவர அடிப்படையிலான புரதச் சத்துக்கள் மற்றும் நார்ச்சத்துக்களும் உள்ளது. இது இதயம் இயங்கவும், செரிமானத்துக்கும் உதவுகிறது. இது உங்களுக்கு நீண்ட நேரம் வயிறு நிறைந்த உணர்வைத் தரும்.</p>

பொட்டாசியச் சத்துக்கள் : இந்த ஆரோக்கிய நன்மைகளை நீங்கள் பெறவேண்டுமெனில் பொட்டாசியச் சத்துக்கள் அதிகம் நிறைந்த இந்த காய்கறிகளை உங்கள் அன்றாட உணவில் சேர்த்துக்கொள்ளுங்கள்.

'தன்னம்பிக்கை முக்கியம்.. ஆசைகள் நிறைவேறுமா.. வெற்றி யாருக்கு' இன்று மே .17 உங்களுக்கு சாதகமா.. பாதகமா பாருங்க!

Rasipalan

மே 17, 2025 இன்று சனிக்கிழமை. இன்று உங்களுக்கு எப்படி இருக்கப்போகிறது என்பதை தெரிந்து கொள்ளுங்கள். ஜோதிடத்தின் படி, மேஷம் முதல் மீனம் வரை உள்ள 12 ராசிக்காரர்களில் யார் அதிர்ஷ்டசாலிகள் என்பதை பார்க்கலாம்.

தமிழ் சினிமா ரீவைண்ட்: எஸ்ஜே சூர்யா காமெடியில் கலக்கிய படம்.. மே 17 முந்தைய ஆண்டுகளில் ரிலீசான படங்கள் லிஸ்ட்

<p>மே 17, 2025க்கு முன், இதே தேதியில் முந்தைய ஆண்டுகளில் சிவகார்த்திகேயன் நடித்த மிஸ்டர் லோக்கல், எஸ்ஜே சூர்யா நடித்த மான்ஸ்டர், நிவின் பாலி நடித்த நேரம், ரமேஷ் அரவிந்த் நடித்த இதயவாசன் போன்ற படங்கள் வெளியாகியுள்ளன. இந்த படங்கள் பற்றிய சுவாரஸ்ய விஷயங்களை ரீவைண்ட் செய்து பார்க்கலாம்</p><h2>மிஸ்டர் லோக்கல்</h2><p>ராஜேஷ் எம் இயக்கத்தில் சிவகார்த்திகேயன், நயன்தாரா, ராதிகா சரத்குமார் பிரதான கதாபாத்திரத்தில் நடித்து ரெமாண்டிக் காமெடி பாணியில் உருவாகி 2019இல் ரிலீசான படம் மிஸ்டர் லோக்கல். எதிர்பார்ப்புக்கு மத்தியில் வெளியான இந்த படம் கதைகளம், திரைக்கதையில் எந்த புதுமையும் இல்லை என எதிர்மறை விமர்சனங்களை சந்தித்தது. இருப்பினும் சிவகார்த்திகேயன் ரசிகர்களை திருப்திபடுத்தும் விதமாக படம் அமைந்திருந்தது. மிகவும் குறுகிய காலத்தில் எடுத்து முடிக்கப்பட்ட சிவகார்த்திகயன் படமாக இருந்ததுடன், பாக்ஸ் ஆபிஸிலும் ஓரளவு வசூலை பெற்றது</p><p><strong>மேலும் படிக்க: </strong><a href="https://tamil.hindustantimes.com/entertainment/sivakarthikeyan-latest-speech-about-relation-between-amaran-movie-and-his-dad-g-doss-131728396796565.html" target="_blank">அவ்வளவு அழுத்தம்.. அப்பா இகனால் தான் இறந்துபோனார்.. மேடையில் ஓபனாக பேசிய சிவகார்த்திகேயன்</a></p><h2>மான்ஸ்டர்</h2><p>நெல்சன் வெங்கடேசன் இயக்கத்தில் எஸ்ஜே சூர்யா, ப்ரியா பவானி ஷங்கர், கருணாகரன் பிரதான கதாபாத்திரத்தில் நடித்து காமெடி படமாக உருவாகி 2019இல் ரிலீசான படம் மான்ஸ்டர். படத்தில் எஸ்ஜே சூர்யிவின் நடிப்பு ரசிகர்களை வெகுவாக கவர்ந்து. அத்துடன் படத்தின் திரைக்கதை அமைப்பு, காமெடிகளும் வரவேற்பை பெற்றதுடன் படத்துக்கு நேர்மறையான விமர்சனங்களும் வெளியாகின.</p><p>தொடக்கம் முதல் க்ளைமாக்ஸ் வரை ஏராளமான நகைச்சுவை காட்சிகளுடன் இருந்த படம் ஹிட்டானது, நல்ல வசூலையும் குவித்தது.</p><h2>நேரம்</h2><p>அல்போன்ஸ் புத்ரன் இயக்கத்தில் நிவின் பாலி, நஸ்ரியா நசீம், நாசர், பாபி சிம்ஹா பிரதான கதாபாத்திரத்தில் நடிக்க பிளாக் காமெடி த்ரில்லர் பாணியில் மலையாளம், தமிழ் ஆகிய மொழிகளில் ஒரே நேரத்தில் உருவாகி 2013இல் ரிலீசானது.</p><p><strong>மேலும் படிக்க: </strong><a href="https://tamil.hindustantimes.com/entertainment/fahad-fazil-untold-love-story-and-nazriya-cheyyar-balu-latest-interview-131687697814774.html" target="_blank">வழுக்கை தலைதான்.. ஆனாலும் காதல்! ஒரே வார்த்தையில் ஃபஹத் இதயத்தை பறித்த நஸ்ரியா- எப்படி தெரியுமா?</a></p><p>ஒரேநாளில் நடக்கும் சம்பவத்தை அடிப்படையாக வைத்து விறுவிறுப்பான திரைக்கதையுடன் உருவாகியிருந்த படம் அனைத்து தரப்பு ரசிகர்களையும் வெகுவாக கவர்ந்தது. நேர்மறையான விமர்சனங்களை பெற்ற இந்த படம் பாக்ஸ் ஆபிஸிலும் நல்ல வசூலை குவித்தது. தெலுங்கு, கன்னடம் ஆகிய மொழிகளிலும் ரீமேக் செய்யப்பட்டு, அங்கும் வரவேற்பை பெற்றது.</p><p>படம் ரலீசுக்கு முன்னரே வெளியான புரொமோ பாடல் ஹிட்டானதுடன், படத்தில் நஸ்ராவியின் க்யூட் நடிப்புக்கு என தனியாக ரசிகர்கள் கூட்டமே உருவானது. தமிழ் மற்றும் மலையாளம் ஆகிய இரு மொழிகளும் படம் சூப்பர் ஹிட்டானது</p><h2>இதயவாசல்</h2><p>சந்திரநாத் இயக்கத்தில் ரமேஷ் அரவிந்த், மீனா பிரதான கதாபாத்திரத்தில் நடித்து ரொமாண்டிக் காமெடி பாணியில் உருவாகியிருந்த படம் 1991இல் வெளியானது.</p><p><strong>மேலும் படிக்க: </strong><a href="https://tamil.hindustantimes.com/entertainment/actress-meena-opens-about-rajkiran-en-rasavin-manasile-rajinikanth-ejaman-nattamai-sarathkumar-131685236273347.html" target="_blank">பல பேர் அவருக்கு நோ சொல்லிட்டாங்க.. என் ராசவினிலே படம் குறித்து நடிகை மீனா</a></p><p> படத்தில் சரத்குமார் திருப்புமுனை தரும் முக்கிய கதாபாத்திரத்தில் நடித்திருப்பார். அதேபோல் கவுண்டமணி மற்றும் விவேக் காம்போவின் காட்சிகள் அனைத்தும் வயிற்றை புண்ணாக்கும் விதமாக அமைந்திருந்தது. நேர்மறையான விமர்சனங்களை பெற்றதுடன் படம் ரசிகர்களையும் வெகுவாக கவர்ந்தது.</p>

<ul><li>மே 17ஆம் தேதி முந்தைய ஆண்டுகளில் எஸ்ஜே சூர்யா காமெடியில் கலக்கலான நடிப்பை வெளிப்படுத்திய படம் ரிலீசாகியுள்ளது. இந்த நாளில் வெளியாகி ரசிகர்கள் மத்தியில் வரவேற்பை பெற்ற படங்கள் பற்றி பார்க்கலாம்</li></ul>

‘என் வாந்திய கைல ஏந்துனார்.. ராத்திரியில அப்படி படுத்துவேன்.. ஆனா கொஞ்சம் கூட’ - ஆர்த்தி ரவி எமோஷனல் த்ரோபேக் பேட்டி!

<p>ஜெயம் ரவியும் கெனிஷாவும் ஐசரி கணேஷ் மகள் திருமணத்திற்கு ஜோடியாக வந்தது பரபரப்பை ஏற்படுத்தியது. இந்த நிலையில் இதைப்பார்த்து அதிர்ச்சியடைந்த ஜெயம் ரவியின் மனைவி ஆர்த்தி கண்டனம் தெரிவித்து அறிக்கை ஒன்றை வெளியிட்டார்.</p><p>இதனைதொடர்ந்து நேற்றைய தினம் இதற்கு பதிலடி கொடுக்கும் விதமாக ஜெயம் ரவி அறிக்கை ஒன்றை வெளியிட்டார். அதில் ஆர்த்தி எப்போதும் தனக்கு முன்னாள் மனைவிதான் என்றும் குழந்தைகளை தான் கவனிக்க வில்லை என்று கூறுவது முற்றிலும் தவறு; தன் பொறுமைக்கும் ஒரு எல்லை உண்டு என்று காட்டமாக பேசி இருந்தார். இந்த நிலையில் ஆர்த்தியும், ஜெயம்ரவி சில ஆண்டுகளுக்கு முன்னதாக தங்களது கர்ப்ப காலத்தைப் பற்றி பேசியவற்றை நினைவு கூறலாம். </p><p>மேலும் படிக்க | <a href="https://tamil.hindustantimes.com/entertainment/singer-suchitra-defends-kenisha-amid-jayam-ravi-controversy-what-mistake-did-she-make-131747379590536.html" target="_blank">‘யாரும் பண்ணாததையா ரவி பண்ணிட்டார்.. கெனிஷா ட்ரெஸ்ஸ பத்தி நீங்க ஏன் பேசுறீங்க..? - சப்போர்ட்டில் இறங்கிய சுசித்ரா!</a></p><p>ஆர்த்தி பேசும் போது, ‘முதல் குழந்தை பிறக்கும் பொழுது ரவி என்னுடன் இருக்க வேண்டும் என்று தான் நினைத்திருந்தார்; ஆனால் எதிர்பாராத விதமாக எனக்கு குழந்தை கொஞ்சம் சீக்கிரமாகவே பிறந்து விட்டது. அந்த சமயத்தில் ரவி எங்கேயும் எப்போதும் படத்திற்காக பாரீஸில் இருந்தார். ஆகையால் முதல் குழந்தை ஆரவ் அப்பா அருகில் இல்லாமல் பிறந்தான்.</p><p>நான் கர்ப்பமாக இருந்தபோது என்னை ரவி அருகில் இருந்து அப்படி பார்த்துக் கொண்டார். நான் வாந்தி எடுக்கும் பொழுது அதை கையில் ஏந்தினார். இரவில் நான் எழுந்து இதை சாப்பிட வேண்டும் அதை சாப்பிட வேண்டும் என்று சொல்லும் போது கூட அவர் எழுந்து வருவார். கணவராக அவருக்கு நான் 100 மதிப்பெண்ணுக்கு மேல்தான் கொடுப்பேன்.” என்று பேசினார்.</p><p>மேலும் படிக்க | | <a href="https://tamil.hindustantimes.com/entertainment/the-truth-about-actor-ravi-mohan-and-keneesha-will-definitely-come-one-day-singer-kenesha-friend-post-goes-viral-131747205888213.html" target="_blank">'கெனிஷா உண்மை ஒரு நாள் வெளிவரும்.. தலை நிமிர்ந்து நில்'.. பாடகி கெனிஷாவிற்கு ஆறுதல் சொன்ன தோழி</a></p><p>ஜெயம் ரவி பேசும் போது, “முதல் குழந்தை பிறந்த போது என்னால் அருகில் இருக்க முடியவில்லை. அவளுக்கு பிரசவ வலி வந்தவுடன் எனது அப்பா தான் ஒவ்வொன்றாக எனக்கு போனில் அப்டேட் செய்து கொண்டிருந்தார். நான் பதட்டப்பட்டு கேட்டுக் கொண்டே இருந்தேன். ஒரு கட்டத்தில் குழந்தை பிறந்து விட்டது என்றார்; நான் உடனே குழந்தை எப்படி இருக்கிறது என்று கேட்கவில்லை;ஆர்த்தி எப்படி இருக்கிறாள் என்று தான் கேட்டேன்.</p><p>ஆர்த்திக்கு அறுவை சிகிச்சை மூலமாகத்தான் குழந்தை பிறந்தது. இரண்டாவது குழந்தை பிறந்த போது நான் உடன் இருந்தேன். அப்போது ஆபரேஷன் தியேட்டருக்குள் என்னையும் அனுமதித்து இருந்தார்கள். அவள் சுயநினைவை இழந்த உடனே எனக்கு ஒரு மாதிரியாகிவிட்டது.</p><p>மேலும் படிக்க | <a href="https://tamil.hindustantimes.com/photos/dna-movie-exclusive-stills-starring-atharvaa-murali-and-nimisha-sajayan-direct-by-nelson-venkatesan-131747311081273.html" target="_blank">DNA Movie Exclusive : டிஎன்ஏ திரைப்படத்தின் பிரத்யேக போட்டோக்கள்.. உணர்வு குவியலில் அதர்வா.. நிமிஷா காம்போ!</a></p><p>அதன் பிறகு கத்தியை வயிற்றில் மருத்துவர்கள் வைத்தார்கள் அதை பார்த்த உடனேயே நான் மயக்கம் போட்டு விழுந்து விட்டேன். அதன் பிறகு நான் அருகில் சென்று ஏதோ எனக்கு அறுவை சிகிச்சை செய்தது போல உட்கார்ந்து இருந்தேன். அப்போது என்னுடைய மாமியார் என்னை ஓங்கி அறைந்தார். அதன் பின்னர் அந்த மயக்கத்தில் இருந்து எழுந்து வந்து குழந்தையை பார்த்தேன்.” என்றார்.</p>

நான் கர்ப்பமாக இருந்தபோது என்னை ரவி அருகில் இருந்து அப்படி பார்த்துக் கொண்டார். நான் வாந்தி எடுக்கும் பொழுது அதை கையில் ஏந்தினார். இரவில் நான் எழுந்து இதை சாப்பிட வேண்டும் அதை சாப்பிட வேண்டும் என்று சொல்லும் போது கூட அவர் எழுந்து வருவார்.&nbsp;

'ஒத்த ரூபா என்னோட பாட்டு.. குட் பேட் அக்லி படத்தில் இருக்கு.. அனுமதியும் வாங்கல.. பாடல் ஆசிரியர்னும்போடல’: கஸ்தூரி ராஜா

<p>'ஒத்த ரூபா தாரேன் என்னோட பாட்டு என்றும்; குட் பேட் அக்லி படத்தில் இருக்கு என்றும் அதற்கு அனுமதி வாங்கவில்லை என்றும்; பாடல் ஆசிரியர் என்று போடவில்லை என்றும் இயக்குநர் கஸ்தூரி ராஜா பேட்டியளித்திருக்கிறார். இதுதொடர்பான பேட்டி, மே 16ஆம் தேதி, டூரிங் டாக்கிஸ் யூடியூபில் வெளியாகியிருக்கிறது. அதன் தொகுப்பு..</p><p>மேலும் படிக்க: ‘<a href="https://tamil.hindustantimes.com/entertainment/singer-suchitra-defends-kenisha-amid-jayam-ravi-controversy-what-mistake-did-she-make-131747379590536.html" target="_blank">யாரும் பண்ணாததையா ரவி பண்ணிட்டார்.. கெனிஷா ட்ரெஸ்ஸ பத்தி நீங்க ஏன் பேசுறீங்க..? - சப்போர்ட்டில் இறங்கிய சுசித்ரா</a>!</p><h2>’கஸ்தூரிராஜா முழுக்க முழுக்க நடிகராகிட்டீங்களா?</h2><p>முழுக்க முழுக்க இல்லை. மனசுக்குப் பிடிச்ச கதாபாத்திரங்கள் கிடைச்சால், ஒரு நிறைவு இருந்தால், பெயரைக் கெடுக்காமல், தரமான இயக்குநர் என்று பெயர் இருக்கு. அதற்கு சேதாரம் இல்லாமல் நல்ல கதாபாத்திரங்களாக கிடைத்தால் நடிக்கலாம்.</p><h2>என்னென்ன படங்கள் வந்து நடிக்குறீங்க?</h2><p>முதலில் எனக்கு நடிக்கிறதில் ஆர்வம் இல்லை. எனக்கு வராது. ஹெட்மாஸ்டர் போய் வரிசையில் உட்கார்ந்து படின்னு சொன்ன மாதிரி தான். அப்புறம் மீரா கதிரவன் வந்து ஒரு கதாபாத்திரம் பண்ணுங்கன்னு சொல்லி வந்தார். உடனே, ‘எனக்கு நடிக்க வராது’ன்னு சொன்னேன். கதை முழுக்க என்னை மையமாக வைத்து நகர்ந்தது.நல்லாவும் இருந்தது. எப்படி, இவ்வளவு பெரிய கேரக்டருக்குத் தாங்குவேன். நான் கொஞ்சம்கோபக்காரன் வேற. என்னை தயவுசெய்துவிட்டுடுங்கன்னு சொன்னேன். பிறகு, மீரா கதிரவன் ஒன்னுமில்லை சார், நில்லுங்க நடங்கன்னு சொல்லிக்கூப்பிட்டுப்போனார். முதலில் 8 நாள்னு போனேன். அடுத்து 40 நாள் வைச்சுக்கிட்டாங்க. முதலில் சம்பளம் கொடுக்கிறாங்க. சாப்பாடு போடுறாங்க.கேரவன் கொடுக்கிறாங்க. இடைவெளியில் சாப்பிடக் கொடுக்கிறாங்க. எந்தச்செலவும் நமக்கு இல்லை. இரண்டாவது சீனியர் டைரக்டர்னு ஒரு மரியாதை வேற கொடுக்கிறாங்க. அதனால்,அவர் படத்தில் நடிச்சேன். அது ஒரு போதை ஆகிப்போச்சு. பண்ணிட்டு இருக்கும்போதே, ஃபைவ் ஸ்டார் கதிரேஷன் ஒரு கதை சொன்னார். சசி குமார், நவீன் சந்திராவுக்கு அப்பா கதாபாத்திரம். அடுத்து மூன்றாவதாக, விஜயகாந்த் சாருடைய மகன் சண்முகப் பாண்டியனுக்கும் அப்பாவாக நடிச்சேன். இப்படி மூன்று படங்களில் அப்பா கதாபாத்திரமாக நடிச்சேன். இப்ப கூட, என்டர் தி டிராகன் படத்தில் நடிக்கிறேன்.</p><p>மேலும் படிக்க: '<a href="https://tamil.hindustantimes.com/entertainment/director-cheran-breaks-down-saying-that-autograph-is-different-and-96-movies-are-different-and-premam-is-different-131747365843269.html" target="_blank">ஆட்டோகிராஃப் வேற, 96 வேற, பிரேமம் வேற.. விரைவில் ஆட்டோகிராஃப் ரீ-ரிலீஸ்’: உடைத்துப் பேசிய இயக்குநர் சேரன்</a></p><h2>'என்னுடைய படங்களில் பாடல்களுக்கு முக்கியத்துவம் கொடுப்பேன்’:கஸ்தூரி ராஜா</h2><p>பொதுவாக உங்ககூட உரையாட வரும்போது கூட, பழைய பாடல்கள் குறித்துப் பேசலாம் என்று வந்தேன்.என்னுடைய படங்களில் பாடல்களுக்கு முக்கியத்துவம் கொடுப்பேன். ஒவ்வொரு பாடல்களுக்கும் இளையராஜா சார் கூடேயும், தேவா கூடேயும் மல்லுக்கட்டுவேன்.</p><p>அதில் மூன்றுபாட்டு அல்லோலகல்லோலப்படுது. பஞ்சுமிட்டாய் சீலைகட்டி பட்டு வண்ண ரவிக்கைப்போட்டு பாடலினை கம்போஸ் செய்யும்போது, தேவா கண்ணைமூடிட்டு ’பஞ்சு மிட்டாய் சீலைகட்டின்னுசொல்ல, நான் பட்டு வண்ண ரவிக்கைப்போட்டு' என கண்ணைமூடிக்கிட்டே கம்போஸ் செய்து முடித்தோம். இன்னிக்கும் அது பட்டித்தொட்டியெங்கும் பசுமையாக இருக்கு. என் ராசாவின் மனசிலே படத்துக்கு அப்புறம் நான் ராஜா சார் கூட சேர்ந்து வொர்க் பண்ணல. 5 படம் தேவா கூட வொர்க் பண்ணுனேன். அதிலும் ஆத்தா உன் கோயிலிலே படத்தில் வரும் ‘ஒத்தையடி பாதையிலே’ என்னும் பாட்டு ஹிட். அது இன்றைய இயக்குநர்களுக்கு தெரியலப்போலிருக்கு.</p><h2>’இளையராஜா இசையில் பாடல் எழுத சொந்தப் படம் எடுத்தேன்’: கஸ்தூரி ராஜா</h2><p>அடுத்து மெளன மொழி என்கிற படத்தில், பாட்டு எழுதியாச்சு. அடுத்து ராஜா சார் இசையில் பாட்டு எழுத ஆசை வந்திடுச்சு. அடுத்து சொந்தமாகப் படம் எடுத்திருவோம்ன்னு கடனை உடனை வாங்கிட்டு, ராஜா சாரை போய்ப் பார்க்கிறேன். சரின்னு படம் பண்ண ஒத்துக்கிட்டார்.</p><p>அடுத்து என்ன கதை பண்ணலாம்ன்னு தேனிக்குப் போயிட்டேன். அங்கு என்ன ஒரு திருவிழாவுக்குக் கூப்பிட்டுப்போய், நைட் 12:30 மணிக்கு மேடையில் ஏத்திட்டாங்கே. பனி பெய்யுது. நாட்டுப்புறக்கூத்து நடந்திட்டு இருக்கு. விடியவிடிய ஜனங்கள் உட்கார்ந்திருக்காங்க.</p><p>மேலும் படிக்க: <a href="https://tamil.hindustantimes.com/entertainment/dd-next-level-movie-review-dd-next-level-movie-in-tamil-starring-santhanam-gautham-menon-directed-by-prem-ananth-131747376536143.html" target="_blank">படத்த ரிவியூ பண்ணது குத்தமாயா? ஸ்கீரினில் நடக்கும் கொலைகள்.. ஸ்கோர் செய்தாரா சந்தானம்?; டிடி நெக்ஸ்ட் லெவல் படம் எப்படி</a>?</p><h2>‘ஒத்த ரூபா தாரேன் பாட்டுக்காக 365 நாட்கள் ஓடிய நாட்டுப்புறப்பாட்டு’: கஸ்தூரி ராஜா</h2><p>அங்க தான், நாட்டுப்புறப்பாட்டுன்னு டைட்டில் கிடைக்குது. அடுத்து அந்த கேங் போற இடம் எல்லாம், 15 நாட்கள் அவங்ககூட சுத்துறேன். அடுத்து தான் பாட்டு வருது. அவங்க பாடினதில் ஒத்த ரூபா தாரேன், ஒரு ஒனப்பத்தட்டும் தாரேன் பாட்டை எழுதிட்டேன். அதை எழுதிக்கொண்டுபோய் ராஜா சார்கிட்ட கொடுத்தால் ஒத்துக்கிற மாட்டியிறார். பிறகு ஒத்துக்கிட்டார். படம், அந்தப் பாட்டுக்காக 365 நாட்கள் ஓடுச்சு.</p><p>நாட்டுப்புறப்பாட்டு படத்தில் ஒரு சின்னரோலுக்காக, குஷ்பூகிட்ட போய் பேசுறேன். ரொம்ப பணமில்லை. உங்களுக்கு பணம் கொடுத்தால் சூட்டிங் பண்ணமுடியாத நிலைமைமான்னு சொல்றேன். உடனே, குஷ்பூ நான் பணமே கேட்கலையேன்னு சொல்லிடுச்சு. 36 மணிநேரம் விடாமல் தலையில் கரகத்தை வைச்சு, வொர்க் பண்ணி, ஆடி, அந்தப் பாட்டை முடிச்சுச்சு. படம் 365 நாள் சும்மா ஓடல.</p><p>அடுத்து ‘தூதுவளை இலை அரைச்சு’ இந்தப் பாட்டும் பெரிய ஹிட். இந்த மூன்று பாட்டும் நான் தான் எழுதினேன் மீண்டும் அறிவிக்கணும்போல.</p><h2>’நாகரிகம் இல்லாத குட் பேட் அக்லி படக்குழு’: கஸ்தூரி ராஜா</h2><p>இப்போது, ‘குட் பேட் அக்லி’ன்னு அஜித் நடிச்ச படத்தில், ஒத்தை ரூபா தாரேன் பாட்டு வருது. எனக்கு முதலில் தெரியாது. நான் புரொடியூசர்மேல் வழக்குப்போடுறதில் எனக்கு விருப்பமில்லை. அவர் நம்ம மக்களுக்கு சாப்பாடு போட்டிருக்கார். இப்போது பார்த்தால், அஜித் சார் பட பாட்டுன்னு போட்டு ஆடுறாங்க; கஸ்தூரி ராஜா பாட்டுன்னு வரல. முதலில் போன் பண்ணி அனுமதி கேட்டிருக்கலாம். கேட்டால் தரப்போறோம். அனுமதியும் கேட்கல.</p><p>என்னோட பாட்டு, குட் பேட் அக்லி படத்தில் இருக்கு. பாடல் ஆசிரியர்னு என் பெயர் போடணுமா இல்லையா. போடல. அப்ப இது என்ன நாகரிகம். அவ்வளவு சிரமப்பட்டு, எடுத்திட்டு வந்த பாட்டை கேட்காமல் போட்டால் என்ன இது. சீனியர் என்கிற முறையில் உங்கள் பாடல் வரிகளைப் பயன்படுத்துகிறோம் எனச் சொல்லியிருக்கலாம் தானே’ என இயக்குநர் கஸ்தூரி ராஜா வேதனைப்பட்டிருக்கிறார்.</p><p>நன்றி: டூரிங் டாக்கிஸ் யூடியூப்</p>

<ul><li>' முதலில் போன் பண்ணி அனுமதி கேட்டிருக்கலாம். கேட்டால் தரப்போறோம். அனுமதியும் கேட்கல. என்னோட பாட்டு, குட் பேட் அக்லி படத்தில் இருக்கு. பாடல் ஆசிரியர்னு என் பெயர் போடணுமா இல்லையா. போடல’ என இயக்குநர் கஸ்தூரி ராஜா வேதனைத் தெரிவித்து இருக்கிறார்.</li></ul>

“சிரித்து வாழ வேண்டும்” இந்த தத்துவத்திற்கு ஏற்ப வாழ வேண்டுமா? இதோ உங்களை கடுப்பேத்தி சிரிக்க வைக்கும் கடி ஜோக்குகள்!

<p>ஒவ்வொரு மனிதனின் வாழ்க்கையும் அவன் எவ்வளவு முறை சிரிக்கிறான் என்பதை பொறுத்து தான் தீர்மானிக்கப்படுகிறது. நாம் எதற்கு எடுத்தாலும் சிரித்துக் கொண்டிருந்தால் நம்மை கேலி செய்வார்கள். சிரிக்காமலேயே இருந்தால் நமக்குள் பெரிய சோகம் இருக்கிறது என அர்த்தமாகும். அதற்காக தான் நம் வாழ்வை அழகாக மாற்ற அடிக்கடி சிரிப்பதை வழக்கமாக மாற்றிக் கொள்ள வேண்டும். நீங்கள் சிரிப்பதற்கு நாங்கள் ஒரு வழி சொல்கிறோம். அது தான் கடி ஜோக்குகள். கடுப்பேற்றி சிரிக்க வைக்கும் கடி ஜோக்குகள் பல உள்ளன. இங்கு சமூக வலைத் தளங்களில் அடிக்கடி உலா வரும் சில கடி ஜோக்குளை காணப் போகிறோம்.</p><p><strong>மேலும் படிக்க </strong>| <a href="https://tamil.hindustantimes.com/lifestyle/wont-you-let-me-be-a-human-being-does-it-bite-like-this-some-jokes-to-make-you-laugh-131741595202185.html" target="_blank">கடி ஜோக் : ‘என்ன மனுசனா இருக்க விடமாட்டீங்களா?’ இப்படியெல்லாமா கடிக்கிறது? மகிழ்ந்து சிரிக்க சில ஜோக்ஸ்!</a></p><p><strong>1. நண்பன் 1: </strong>கீழே விழுந்தாலும் காயம் படாமல் இருப்பது எது?</p><p><strong>நண்பன் 2 : </strong>எது? தெரியலையே!</p><p><strong>நண்பன் 1:</strong> மழை தான் டா!</p><p><strong>2. நண்பன் 1: </strong>ஒருத்தன் காலைல எழுந்து Shoe போட்டுக்கிட்டு Ground-ல செம்ம Speed ஓடுனானாம். தீடீர்னு பார்த்தா அவன் கால்ல இருந்து ரத்தம் வருது ஏன்..?</p><p><strong>நண்பன் 2 :</strong>ஏன்னா அவன் போட்டுட்டு இருந்தது Cut Shoe ஆம் அதான் கால Cut பண்ணிடுச்சு. கரெக்டா சொன்னேனா!</p><p><strong>3. நண்பன் 1:</strong> பல்லி மிட்டாய்க்கும், குச்சி மிட்டாய்க்கும் என்ன வித்தியாசம்..?</p><p><strong>நண்பன் 2: </strong>மிட்டாய்க்குள்ள என்ன வித்தியாசம் டா!</p><p><strong>நண்பன் 1 : </strong>குச்சி மிட்டாய்ல குச்சி இருக்கும். ஆனால் பல்லி மிட்டாய்ல பல்லி இருக்காதுல.</p><p><strong>4. நண்பன் 1 : </strong>ஒருத்தர் ஹோட்டலுக்கு போய் காபி ஆர்டர் பண்ணாராம். ஆனா சர்வர் வெறும் கப்ப மட்டும் கொண்டு வந்து தந்தாராம். எதுக்காக அப்படி பண்ணுனாரு?</p><p><strong>நண்பன் 2: </strong>அவன் பில் கொடுக்க மாட்டானு கொடுத்து இருப்பாரு டா!</p><p><strong>நண்பன் 1 : </strong>ஏன்னா அவர்தான் சொன்னாராம் Cup Clean-ன இருக்கனும்னு.</p><p><strong>5. நண்பன் 1 :</strong> நான் வெஜ் காய் எது..?</p><p><strong>நண்பன் 2: </strong>அது எனக்கு தெரியும். முட்டைகோஸ் தானா</p><p><strong>மேலும் படிக்க </strong>| <a href="https://tamil.hindustantimes.com/lifestyle/kadi-jokes-in-tamil-it-makes-you-laugh-here-are-some-jokes-read-it-131739864636541.html" target="_blank">Kadi Jokes: என்னென்ன சொல்றான் பாருங்க! இந்த கடிஜோக் கேள்விகள் உங்கள சிரிக்க வைக்கப்போகிறதா? படித்து பாருங்கள்!</a></p><p>6.<strong> நண்பன் 1:</strong> ஒரு டாக்டர் கிட்ட கார், பங்களா, சொத்து எல்லாம் இருக்காம். ஆனா அவரு ஆஸ்பிட்டல் போகும்போது மட்டும் நடந்தே போவாராம் ஏன்..?</p><p><strong>நண்பன் 2: </strong>ஏன்னா அவரு கால் நடை டாக்டராம்.</p><p><strong>7. நண்பன் 1: </strong>பொருள் வைக்க யூஸ் பண்ண முடியாத பை எது?</p><p><strong>நண்பன் 2:</strong> தொப்பை</p><p><strong>8. நண்பன் 1:</strong> கார் ஓட்டத்தெரிஞ்ச விலங்கு எது..?</p><p><strong>நண்பன் 2:</strong> விலங்கு கார் ஓட்டுமா?</p><p><strong>நண்பன் 1: </strong>கங்’காரு’.</p><p><strong>9. நண்பன் 2:</strong> இப்போ நான் கேக்குறேன். Make Up போடுற பறவை எது..?</p><p><strong>நண்பன் 1: </strong>எனக்கு தெரியுமே! அது மை’ னா டா !</p><p>10. <strong>நண்பன் 2:</strong> முட்டைக்கு நடுவில என்ன இருக்கும்..?</p><p><strong>நண்பன் 1: </strong>வேற என்ன “ட்” தான் இருக்கும்.</p><p><strong>மேலும் படிக்க |</strong> <a href="https://tamil.hindustantimes.com/lifestyle/biting-jokes-hahaha-cheers-cheers-cheers-cheerful-smile-smile-that-brings-tears-to-your-eyes-here-are-some-funny-joke-131741508330563.html" target="_blank">கடி ஜோக்ஸ் : ‘ஹாஹாஹா! சிரி சிரி சிரி! கலகலவென சிரி, கண்ணில் நீர் வர சிரி! நீங்கள் வெடித்து சிரிக்க இதோ கடி ஜோக்குகள்!</a></p>

உங்களை வயிறு குலுங்க குலுங்க சிரிக்க வைக்கும் பல விஷயங்கள் இருக்கலாம். ஆனால் காலம் காலமாக நம்மை சில ஜோக்குகள் சிரிக்க வைக்கின்றன. அது போல இன்று நம்மை கடுப்பேற்றி சிரிக்க வைக்கும் சில கடி ஜோக்குகளை இங்கு காண்போம். இவை அனைத்தும் பல்வேறு சமூக வலைத் தளங்களில் இருந்து எடுக்கப்பட்டவையாகும். &nbsp;&nbsp;

PM Modi: 'திமுகவின் ஊழல்களை அம்பலப்படுத்துவேன்' - கடுமையாக விமர்சித்த பிரதமர் மோடி!

<ul><li>வேலூரில் பாஜக மற்றும் அதன் கூட்டணி கட்சி வேட்பாளர்களை ஆதரித்து பிரதமர் நரேந்திர மோடி பொதுக் கூட்டத்தில் பேசினார். அப்போது அவர் பேசுகையில், "திமுக, காங்கிரஸ் கட்சிகள் தங்கள் குடும்பத்திற்குதான் முக்கியத்துவம் தருகின்றன. திமுக என்பது குடும்ப நிறுவனத்தைப் போன்றது. திமுகவின் குடும்ப அரசியலால் தமிழ்நாட்டில் இளைஞர்கள் முன்னேற முடியாத நிலை உள்ளது. தமிழக கலாச்சாரத்திற்கு எதிராக திமுக செயல்படுகிறது. வளர்ந்த இந்தியாவை தமிழ்நாடு வழி நடத்தும் நேரம் இது. மக்களை மொழியால், மதத்தால், சாதியால் பிரித்தாளும் வேலையை திமுக செய்கிறது. திமுகவின் செயல்களை மக்கள் உணரும் போது அந்த கட்சி செல்லாக்காசாகிவிடும். திமுகவின் 50 ஆண்டுகால ஊழல்களை நான் வெளிச்சம் போட்டு காட்டுவேன்." என்றார்.</li></ul>

PM Narendra Modi: 'வேலூர் மண் மீண்டும் புரட்சி செய்யும்' - பிரதமர் மோடி சூளுரை!

<ul><li>வேலூரில் பாஜக மற்றும் அதன் கூட்டணி கட்சி வேட்பாளர்களை ஆதரித்து பிரதமர் நரேந்திர மோடி பொதுக் கூட்டத்தில் பேசினார். தமிழில் வணக்கம் சொல்லி தனது உரையை தொடங்கிய பிரதமர் மோடி, அனைவருக்கும் தமிழ் புத்தாண்டு வாழ்த்துக்களை தெரிவித்தார். மேலும் பிரதமர் பேசுகையில், துணிச்சல் மிக்க வேலூர் மக்களுக்கு வணக்கம். ஆங்கிலேயே ஆட்சிக்கு எதிராக வேலூரில் மிகப்பெரிய புரட்சி ஏற்பட்டுள்ளது. வேலூர் மண் மீண்டும் ஒரு புரட்சி செய்ய இருக்கிறது. தமிழகத்தில் பாஜக கூட்டணிக்கு ஆதரவு பெருகி வருகிறது. ஒட்டு மொத்த தமிழகமும் மீண்டும் மோடி அரசு வேண்டும் என சொல்கிறது." என்றார்.</li></ul>

Vaniyampadi Campaign : பிரச்சாரத்தில் எம்எல்ஏ-வை சரமாரியான கேள்வி கேட்ட பெண்ணால் பரபரப்பு!

<p>வேலூர் நாடாளுமன்ற தொகுதியில் போட்டியிடக் கூடிய அதிமுக வேட்பாளர் டாக்டர் பசுபதியை ஆதரித்து திருப்பத்தூர் மாவட்டம் வாணியம்பாடி சுற்றுவட்டார பகுதிகளில் இன்று பிரச்சாரம் மேற்கொண்டனர். அப்போது அதிமுக ஆட்களால் தான் எனக்கு வேலை போய்விட்டது எதற்கு ஓட்டு கேட்க வந்துள்ளீர்கள் என எம்எல்ஏ-வை சரமாரியான கேள்வி எழுப்பிய பெண்ணால் அங்கு பரபரப்பு ஏற்பட்டது.</p>

Mayana Kollai festival: திடீரென சரிந்து விழுந்த 60 அடி தேர்..திருவிழாவில் அதிர்ச்சி!

<ul><li>வேலூர் பாலாற்றங்கரையில் நடைபெற்ற மயானக்கொள்ளை திருவிழாவின்போது 60 அடி உயரம் கொண்ட தேர் திடீரென சரிந்து கீழே விழுந்தது. இதில் தொழிலாளி ஒருவர் சிக்கி படுகாயமடைந்தார். பொதுமக்கள் அவரை மீட்டு சிகிச்சைக்காக அரசு மருத்துவமனைக்கு அனுப்பி வைத்தனர். பலத்த காயங்களுடன் அவர் சிகிச்சை பெற்று வருகிறார். இச்சம்பவம் குறித்து வேலூர் வடக்கு போலீஸார் விசாரணை நடத்தி வருகின்றனர்.</li></ul>